ఈ ఘోరాలు జరగొద్దంటే.. హారర్ సినిమాలు చూడటం తగ్గించాల్సిందే!!

కొందరు  అదేపనిగా హారర్ సినిమాలు  చూస్తుంటారు. ఆ సమయంలో ఎగ్జైటింగ్ గా అనిపించినా, సంతోషం కలిగినా.. ఈ  భయానక, హింసాత్మక సినిమాలు చూడటం వల్ల దీర్ఘకాలంలో కొన్ని దుష్ప్రభావాలు ఉంటాయి. అవేంటో తెలుసుకుందాం.

ఇప్పుడు చాలామంది హింసాత్మక, భయానక సినిమాలు చూడటానికి ఇష్టపడుతున్నారు. ఈ సినిమాలు, వెబ్ సిరీస్‌లు బాగా పాపులర్ అవుతున్నాయి. బాక్సాఫీస్ దగ్గర కూడా మంచి కలెక్షన్లు వస్తున్నాయి. కానీ సినిమాల్లో చూపించే హింస వ్యక్తి మీద చాలా రకాలుగా ప్రభావం చూపుతుంది. కొన్ని సినిమాల్లో పాటలు, సన్నివేశాలు చాలా అసభ్యంగా ఉంటాయి. వాటిని కూడా యువత ఇష్టపడుతుంది.

హింసాత్మక, భయానక సినిమాల మీద జరిగిన ఇటీవలి అధ్యయనం ప్రకారం, ఈ సినిమాలు చూడటం వల్ల వ్యక్తిలో రకరకాల భావోద్వేగాలు కలుగుతాయి. హింసాత్మక సినిమాలు చూడటం వల్ల ఆందోళన, ఒత్తిడి, మానసిక సమస్యలు, కోపం, మాటల్లో కూడా మార్పులు వస్తాయని ఆరోగ్య నిపుణులు చెబుతున్నారు.

రకరకాల హింసాత్మక, భయానక సినిమాలు, వెబ్ సిరీస్‌లు చూడటం వల్ల చాలామందికి భయం, ఆందోళన కలుగుతుంది. వాళ్ళ జీవితం మీద తీవ్ర ప్రభావం చూపుతుంది. అంతేకాకుండా, నెలసరి చక్రంలో మార్పులు, ఒత్తిడి, ఆందోళన వంటివి కూడా వస్తాయి.

హింసాత్మక, భయానక సినిమాతో కొంతమందిలో దూకుడు పెరుగుతుంది. ఎవరినీ లెక్కచేయకుండా వాళ్ళ పని వాళ్ళు చేసుకుంటూ పోతారు. కుటుంబ సభ్యులతో, బయటి వాళ్ళతో దూకుడుగా వ్యవహరిస్తారు.

హింసాత్మక, భయానక సినిమాలు చూడటం వల్ల మనసులో, మెదడులో రకరకాల ఆలోచనలు వస్తాయి. దీనివల్ల నిద్రలేమి సమస్య వస్తుంది. సినిమాలోని సన్నివేశాలు కలల్లో పదే పదే వస్తూ ఉంటాయి.