మంచు వర్షంలో తడిసి ముద్దవుతున్న శృతి హాసన్.. వెకేషన్‌లో క్రేజీ ఫీలింగ్‌ని పొందుతున్న స్టార్‌ హీరోయిన్‌

శృతి హాసన్‌ ఓ క్రేజీ హీరోయిన్‌. ఆమె చేసే ప్రతి పని చాలా క్రేజీగా ఉంటుంది. రెగ్యూలర్‌కి భిన్నంగా ఉంటూ ఆశ్చర్య పరుస్తుంది. ఇప్పటికే ఓ వైపు వణికే చలిలో జనంలో ఇబ్బంది పడుతుంటే శృతి హాసన్‌ మాత్రం ఐస్‌లో ముద్దవుతుంది.   

తాజాగా శ్రుతి హాసన్‌ (Shruti Haasan) ఐస్‌ రెయిన్‌లో ఎంజాయ్‌ చేస్తుంది. మంచు పర్వతాలలో ఆమె ఎంజాయ్‌ చేస్తుంది. ఓ వైపు పైనుంచి మంచు వర్షం కురుస్తుండగా, మరోవైపు మంచులోనే కూర్చొని ఎంజాయ్‌ చేస్తుంది. అక్కడ దిగిన ఫోటోలను ఇన్‌స్టాలో పంచుకుంది శృతి. 

వెకేషన్‌లో ఎంజాయ్‌ చేస్తుంది శృతి హాసన్‌. అన్‌లిమిటెడ్‌గా, అన్‌స్టాపబుల్‌గా ఆమె విహారయాత్రని ఎంజాయ్‌ చేస్తుండటం విశేషం. ప్రస్తుతం ఆమె తన ఫోటోలను అభిమానులతో పంచుకోగా, అవి వైరల్‌ అవుతున్నాయి. యూరప్‌లో ప్రస్తుతం ఈ విహారయాత్రని ఎంజాయ్‌ చేస్తుంది శృతి హాసన్‌. 

ప్రస్తుతం శృతి నటిస్తున్న చిత్రాల్లో చిరంజీవి `వాల్తేర్‌ వీరయ్య` ఉంది. ఇది సంక్రాంతికి రిలీజ్‌ కానుంది. ఈ చిత్రంలోని రెండు పాటలకోసం రెండు రోజుల క్రితమే యూరప్‌ వెళ్లింది యూనిట్. చిరంజీవి ఆ విషయాన్ని వెల్లడించారు. అటు ఫ్యామిలీతో విహారయాత్ర ఇటు శృతితో వీరయ్య యాత్ర అని పేర్కొన్నారు. యూరప్‌లో ఈ పాటల చిత్రీకరణ చేయబోతున్నారట. 

అందులో భాగంగానే శృతి హాసన్‌ ఈ గ్యాప్‌లో తన వెకేషన్‌ని కంప్లీట్‌ చేసుకునే పనిలో పడింది. మంచుతో కప్పబడిన యూరప్‌ అందాలను ఆస్వాదిస్తుంది. తనదైన స్టయిల్‌ లో క్రేజీ ఫీలింగ్‌ని పొందుతుంది. ప్రస్తుతం ఈ పిక్స్ నెట్టింట వైరల్‌ అవుతున్నాయి. అభిమానులను ఆకట్టుకుంటున్నాయి. 

శృతి హాసన్‌ ఇప్పుడు వరుస సినిమాలతో బిజీగా ఉంది. రెండేళ్ల క్రితం సినిమాలు లేక ఖాళీగానే ఉన్న ఈ బ్యూటీ మళ్లీ వరుసగా సినిమాలకు కమిట్‌ అవుతుంది. ఆమె గ్రీన్‌సిగ్నల్‌ ఇస్తే అవకాశాలు క్యూ కడతాయనడానికి నిదర్శనంగా నిలుస్తుంది. 

ప్రస్తుతం శృతి నటిస్తున్న వాటిలో చిరంజీవి `వాల్తేర్‌ వీరయ్య`, బాలకృష్ణ `వీర సింహారెడ్డి`, ప్రభాస్‌ `సలార్‌` ప్రధానంగా ఉన్నాయి. ఈ మూడు తెలుగు సినిమాలే కావడం విశేషం. ఇద్దరు సీనియర్లతో, ఒక పాన్‌ ఇండియా హీరోగా జోడీ కట్టింది శృతి. ఈ మూడు భారీ సినిమాలే కావడం విశేషం. 

మరోవైపు హాలీవుడ్‌లోనూ ఓ సినిమా చేస్తుందీ అందాల సోయగం. `ది ఐ` అనే సైకలాజికల్‌ థ్రిల్లర్‌ చేస్తుంది. ఈ సినిమా షూటింగ్‌ పూర్తయ్యింది. ఇది మొదటి ఇంగ్లీష్‌ ఫిల్మ్. ఈ సినిమా సక్సెస్‌ అయితే శృతి రేంజ్‌ మారిపోతుందని చెప్పడంలో అతిశయోక్తి లేదు.