పాన్ ఇండియా స్టార్ ప్రభాస్ పై ప్రస్తుతం వేల కోట్లల్లో బిజినెస్ జరుగుతోంది. ప్రస్తుతం ప్రభాస్ నటిస్తున్న చిత్రాలన్నీ భారీ బడ్జెట్ లో తెరకెక్కుతున్న పాన్ ఇండియా మూవీస్ కావడం విశేషం.
పాన్ ఇండియా స్టార్ ప్రభాస్ పై ప్రస్తుతం వేల కోట్లల్లో బిజినెస్ జరుగుతోంది. ప్రస్తుతం ప్రభాస్ నటిస్తున్న చిత్రాలన్నీ భారీ బడ్జెట్ లో తెరకెక్కుతున్న పాన్ ఇండియా మూవీస్ కావడం విశేషం. ఆదిపురుష్, సలార్, ప్రాజెక్ట్ కె ఇలా ప్రభాస్ నటిస్తున్న చిత్రాలన్నీ ఆషామాషీ చిత్రాలు కావు. ఇంతటి భారీ చిత్రాల్లో నటిస్తున్నప్పటికీ ప్రభాస్ లో కొంచెం కూడా అలసట, విసుగు కనిపించడం లేదు.
ఫుల్ జోష్ తో ఒకేసారి సలార్, ప్రాజెక్ట్ కె లాంటి చిత్రాల్లో నటిస్తున్నాడు. ఈ పాన్ ఇండియా చిత్రాల గ్యాప్ లో ఫన్ ఎలిమెంట్స్ తో కూడిన చిన్న సినిమా ఒకటి చేయాలనేది ప్రభాస్ ఆలోచన. దీనితో వినోదాత్మక చిత్రాల దర్శకుడు మారుతి సీన్ లోకి ఎంటర్ అయ్యాడు.
మారుతితో ప్రభాస్ మూవీ ఆల్మోస్ట్ కంఫర్మ్ అయినట్లు వార్తలు వచ్చాయి. రేపో మాపో ప్రకటన అంటూ కూడా న్యూస్ వైరల్ అవుతోంది. ఇలాంటి తరుణంలో ఓ బడా నిర్మాత ప్రభాస్, మారుతి చిత్రానికి అడ్డు పడుతున్నట్లు ప్రచారం జరుగుతోంది.
ఆ నిర్మాత మరెవరో కాదు ప్రాజెక్ట్ కె ప్రొడ్యూసర్ అశ్విని దత్. టాలీవుడ్ లో అశ్విని దత్ పరపతి గురించి చెప్పనవసరం లేదు. తన అల్లుడు నాగ్ అశ్విన్ ని దర్శకుడిగా పెట్టి ప్రాజెక్ట్ కె మూవీపై వందల కోట్ల బడ్జెట్ ఇన్వెస్ట్ చేస్తున్నారు. ప్రాజెక్ట్ కె ఇంటర్నేషనల్ స్టాండర్డ్స్ లో ఉండబోతోంది.
ఇప్పటికే ప్రభాస్ కి సాహో, రాధేశ్యామ్ చిత్రాలతో పరాజయాలు ఎదురయ్యాయి. నార్త్ లో పాన్ ఇండియా నటుడిగా ప్రభాస్ క్రేజ్ నిలబడలంటే మరో భారీ చిత్రమే అవసరం. ఇలాంటి తరుణంలో ప్రభాస్ చిన్న సినిమా చేయకూడదు అని అశ్విని దత్ భావిస్తున్నారట. ఆ ప్రభావం ప్రాజెక్ట్ కె పై కూడా పడుతుందనేది ఆయన ఫీలింగ్.
కానీ ప్రభాస్ అశ్విని దత్ ని అంతగా పట్టించుకోవడం లేదు అని తన ఓన్ డెసిషన్ తోనే ముందుకు వెళుతున్నాడు అని ఇన్సైడ్ టాక్. ఎలాగైనా మారుతితో సినిమా చేయాలనే పట్టుదలతో ప్రభాస్ ఉన్నట్లు టాక్.