Illu Illalu Pillalu Today Episode: ఇల్లు ఇల్లాలు పిల్లలు నేటి ఎపిసోడ్లో ప్రేమకు అదిరిపోయే షాక్ తగులుతుంది. ఎస్ఐ ఫోన్ చేసి వెంటనే రావాలి అని లేకపోతే అరెస్టు చేస్తామని చెబుతాడు. ఇక ఈరోజు ఎపిసోడ్ లో ఏం జరిగిందో తెలుసుకోండి.
ఇల్లు ఇల్లాలు పిల్లలు ఎపిసోడ్లో ప్రేమను ఎస్ఐ కోచింగ్ సెంటర్ కు తీసుకెళ్తాడు ధీరజ్. అక్కడ కాస్త ఎక్కువ ఫీజు కట్టాల్సి వస్తుంది. బాగా చదవమని చెబుతాడు ధీరజ్. అయితే ప్రేమ ఈ ఒక్కరోజు తనతో పాటు క్లాసులో ఉండమని అడుగుతుంది. దాంతో ప్రేమను క్లాసులో కూర్చోబెట్టి గది బయటే వెయిట్ చేస్తూ ఉంటాడు. మధ్యలో ప్రేమ నిద్రపోతుంది. ప్రేమకు కాఫీ, స్నాక్స్ ఇలా తీసుకొస్తూ క్లాసును డిస్టర్బ్ చేస్తూనే ఉంటాడు. చివరికి ప్రేమ వెళ్ళిపోమని చెప్పడంతో క్లాస్ నుంచి బయటికి వెళ్లిపోతాడు
23
సాగర్ ముందు లంచం
సాగర్ వర్క్ చేసుకుంటూ ఉంటే ఒక రోడ్డు కాంట్రాక్టు కోసం కాంట్రాక్టర్ వస్తాడు. ఫైల్ మీద సంతకం చేస్తే బహుమతి ఇస్తానని చెప్పి డబ్బును లంచంగా పెడతాడు. అది చూసి సాగర్ భయపడిపోతాడు. ఈలోపు ఆఫీస్ బాయ్ వచ్చి ఇలాంటివన్నీ మామూలే.. సంతకం పెట్టేయేండని చెబుతాడు. ఆ సమయంలో సాగర్ కు రామరాజు చెప్పిన మాటలు గుర్తుకొస్తాయి. చచ్చిపోయినా పర్వాలేదు కానీ నిజాయితీగా ఉండాలని.. విలువలు తప్పకూడదని రామరాజు చెప్పిన మాటలను ఒకసారి గుర్తు చేసుకుంటాడు సాగర్. కానీ సంతకం మాత్రం పెట్టేసాడు.
ఇక ఇంట్లో రామరాజుకు వేదవతి సేవలు చేస్తూ ఉంటుంది. అడగకుండానే అన్ని ఇచ్చేస్తూ ఉంటుంది. ఈ లోపు నర్మద కూడా అక్కడికి వస్తుంది. ప్రేమ ఎస్సై కోచింగ్ కు ఒప్పుకున్నందుకు వేదవతి సంతోషంగా ఉన్నానని చెబుతుంది. దానికి రామరాజు మాట్లాడుతూ నీకోసమే ఒప్పుకున్నా.. నువ్వు పాతికేళ్లలో ఏదీ అడగలేదు అని అంటాడు. వెంటనే వేదవతి మరొక చిన్న ఇష్టం కూడా ఉందండి.. మా అమ్మ పుట్టినరోజు మన ఇంట్లోనే చేద్దామని అంటుంది. దానికి రామరాజు మీ వాళ్ళు అందుకు ఒప్పుకోరు... ఆశలు పెట్టుకోకు బాధపడాల్సి ఉంటుంది అని చెప్పి వెళ్ళిపోతాడు.
33
ప్రేమకు వార్నింగ్ ఇచ్చిన ఎస్ఐ
ఇక ఇక్కడి నుంచి సీన్ ప్రేమ దగ్గరికి మారుతుంది. కోచింగ్ క్లాస్ పూర్తయిన తర్వాత ప్రేమ బయటకు వస్తుంది. అదే సమయానికి ఎస్సై పోలీస్ స్టేషన్ నుండి ప్రేమకు ఫోన్ చేస్తాడు. ‘మీరు ఎనిమిది నెలల క్రితం మోపిదేవికి వచ్చారు కదా.. ఇక్కడ లాడ్జిలో స్టే చేశారు కదా ఆ లార్జ్ దగ్గరికి రండి’ అని అంటాడు. అందుకు ప్రేమ ఏం జరిగిందని అడుగుతుంది. మీరు లాడ్జిలో స్టే చేసిన రోజే ఇక్కడ ఒక క్రైమ్ జరిగింది.. దానికి సంబంధించి ఎంక్వయిరీ చేస్తున్నాము అని అంటాడు. సహకరించకపోతే అరెస్టు చేస్తామని భయపడతాడు. దీంతో ప్రేమ భయపడి పోయి ధీరజ్ కు విషయం చెబుతుంది. ఇద్దరూ కలిసి నర్మదకు విషయం చెప్పి అక్కడ నుంచి మోపిదేవికి బయలుదేరుతారు. ఇక నర్మద వేదవతికి కూడా ప్రేమకు వచ్చిన ఫోన్ కాల్ గురించి చెబుతుంది. ఇక్కడితో ఎపిసోడ్ ముగిసిపోతుంది.
