Prema Entha Madhuram: గుడ్ న్యూస్ మోసుకొచ్చిన మదన్.. తన మాటతో ఆర్యను బాధించిన శారదమ్మ?

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ ప్రేక్షకుల హృదయాలను గెలుచుకుని మంచి రేటింగ్ ని సంపాదించుకుంటుంది. ఆస్తిని అధికారాన్ని దక్కించుకోవడం కోసం అత్తింటిని నరకంగా మారుస్తున్న ఒక కోడలి కథ ఈ సీరియల్. ఇక ఈరోజు జూన్ 19 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో ఈ ఇంటి గ్రహస్థితులు ఏమి బాగోలేవు. ఒక పక్షం పక్షం రోజులు నీ కొడుకు ఇల్లు కదలకుండా దైవ సన్నిధిలో గడిపితే దూరమైనవన్నీ దగ్గరవుతాయి అంటుంది జోగమ్మ. అది జరగని పని అనుని వెతికి తీసుకువచ్చే వరకు నాకు దేని మీద కాన్సన్ట్రేషన్ ఉండదు అంటాడు ఆర్య. అమ్మ మాట కాదని బయటకు వెళ్తే నీకే నష్టం పైగా నీ ప్రాణానికి కూడా ప్రమాదం ఉంది అందుకే అడుగడుగునా ఆవంతరాలు ఎదురవుతున్నాయి.

ఆ తర్వాత నీ ఇష్టం అని చెప్పి అక్కడినుంచి వెళ్ళిపోతుంది జోగమ్మ. తను వెళ్ళిపోయిన తర్వాత జెండే పదా వెళ్లి అనుని వెతుకుదాం అంటాడు ఆర్య. జోగమ్మ చెప్పింది విన్నావు కదా కొన్ని రోజులు ఓపిక పట్టు.. కాదు కూడదు అని వెళ్ళినా అను మరింత దూరమైపోతుంది పైగా నీ ప్రాణాలకి కూడా ప్రమాదం అని జోగమ్మ చెప్పింది. నువ్వు బయటికి వెళ్ళడానికి వీల్లేదు అని కొడుకుని శాసిస్తుంది శారదమ్మ.

ఏం మాట్లాడుతున్నావమ్మ నా ప్రాణమే అను. ఇప్పుడున్న పరిస్థితుల్లో నేను ఇలాంటివన్నీ నమ్మే స్థితిలో లేను అంటాడు ఆర్య. అలా తీసిపారేయకు జోగమ్మ చెప్పినవన్నీ ఇప్పటివరకు జరిగాయి. అనుకూడా జోగమ్మ మాటల్ని ఎంతగా నమ్ముతుందో నీకు తెలుసు కదా అంటుంది శారదమ్మ. నీరజ్ కూడా నేను, జెండే వెతుకుతాము. వదినమ్మ ని తీసుకువచ్చే బాధ్యత మాది మీరు ప్రాణాలతో ఉంటేనే కదా మేమందరం బాగుండేది అని నచ్చచెప్తాడు.

అంజలి, జెండే కూడా అదే చెప్పడంతో చేసేది లేక తన గదికి వెళ్ళిపోతాడు ఆర్య. తన ప్లాన్ వర్క్ అవుట్ అయినందుకు సంతోషిస్తుంది మాన్సీ. మరోవైపు కారులో వెళ్తున్న మదన్ కి అను కనిపిస్తుంది. ఇంట్లోంచి పారిపోయిన అను ఎక్కడ ప్రత్యక్షమైందేంటి ఈ విషయం ఆర్య సార్ కి చెప్తే నా మీద ఇంప్రెషన్ పెరుగుతుంది అనుకుంటాడు మదన్.

అంతలోనే మళ్లీ కాసేపు అనుని ఆడుకుందాము అని చెప్పి అను దగ్గరికి వెళ్తాడు మదన్. మదన్ ని చూసిన అను షాక్ అవుతుంది. నువ్వేంటి ఎక్కడ ఉన్నావు అను నీకోసం ఆర్య సార్ చావలేక బ్రతకలేక బ్రతుకుతున్నారు. ఉండు ఇప్పుడే ఈ విషయాన్ని ఆర్య సార్ కి చెప్తాను అంటాడు మదన్. అలాంటి పని చేయకండి సార్ కి దూరంగా ఉండటానికి నా కారణాలు నాకు ఉన్నాయి దయచేసి ఈ విషయం ఎవరికి చెప్పకండి అని చెప్తుంది అను.

నేను పాత మదన్ ని కాదు ఇప్పుడు పూర్తిగా మారిపోయాను నా దృష్టిలో ఆర్య సార్ దేవుడు. నీ జాడ చెప్పి నా రుణం తీర్చుకుంటాను అంటాడు మదన్. అతని చేతిలో ఫోన్ తీసుకొని విసిరేస్తుంది అను. మదన్ ఆ ఫోన్ వెతికి తీసుకువచ్చే లోపు అక్కడ నుంచి వెళ్ళిపోతుంది. ఫోన్ తీసుకున్న మదన్ కి ఫోన్ పాడైపోయి కనిపిస్తుంది. అయితే ఏంటి ఇంటికి వెళ్లి చెప్తాను.

అను ఎలాగూ కనబడదు కానీ నా మీద ఇంప్రెషన్ మాత్రం పెరుగుతుంది అనుకొని నేరుగా ఆర్య ఇంటికి వెళ్తాడు మదన్. జరిగిందంతా ఆర్య కి చెప్తాడు. మరి అలాంటప్పుడు మాకు ఫోన్ చేయవలసింది కదా అంటాడు నీరజ్. అలా చేద్దామనుకునే సరికి నా ఫోన్ విసిరేసింది. ఈ ఇంటికి ఎట్టి పరిస్థితుల్లోనూ వచ్చే ప్రసక్తి లేదని చెప్పింది. అసలు నాకు మాట్లాడే ఛాన్స్ కూడా ఇవ్వలేదు అంటాడు మదన్.

నేను కష్టపడి ప్లాన్ చేస్తే దానిని చెడగొట్టడానికి వచ్చాడు అని మదన్ ని తిట్టుకుంటుంది మాన్సీ. ఎందుకు ఇలా చేస్తుంది అంటూ ఫ్రెష్టేట్ అవుతాడు ఆర్య. జెండే పదా మదన్ చెప్పిన పరిసర ప్రాంతాల్లో వెతుకుదాం అంటూ బయలుదేరబోతాడు ఆర్య. నువ్వు వెళ్తే నా మీద ఒట్టే జోగమ్మ అంతలాగా చెప్పినా కూడా ఇంకా వెళ్తాను అంటావేంటి నీ ప్రాణానికి ఏదైనా ప్రమాదం వస్తే నేను భరించలేను అంటుంది శారదమ్మ. తల్లి ప్రవర్తనకు షాక్ అయిపోతాడు ఆర్య. తరువాత ఏం జరిగిందో రేపటి ఎపిసోడ్ లో చూద్దాం.