Prema Entha Madhuram: అంజలి మాటలకు టెన్షన్ లోనున్న శారదమ్మ.. మొండి ధైర్యంతో భర్తను కాపాడుకున్న అను!

Prema Entha Madhuram: జీ తెలుగులో ప్రసారమవుతున్న ప్రేమ ఎంత మధురం సీరియల్ మంచి కథ కథనాలతో ప్రేక్షకుల హృదయాలని గెలుచుకుంటుంది. తమ్ముడు కోసం త్యాగం చేసి జైలు పాలైన ఒక అన్న కథ ఈ సీరియల్. ఇక ఈరోజు ఏప్రిల్ 21 ఎపిసోడ్ లో ఏం జరిగిందో చూద్దాం.  

ఎపిసోడ్ ప్రారంభంలో నువ్వు ఇక్కడికి ఎందుకు వచ్చావు మన బేబీ కోసమైనా ఆలోచించాలి కదా ఇక్కడ ఉండొద్దు వెళ్ళిపో అంటాడు ఆర్య. లేదు సార్ నాకు చాలా కంగారుగా అనిపించింది ఇప్పుడు మిమ్మల్ని చూశాను కదా ధైర్యంగా అనిపిస్తుంది. నీరజ్ సర్ కోసం ఎందుకిలా చేశారు అని అడగను కానీ తప్పు చేసిన వారి లాగా మిమ్మల్ని ఎక్కడ చూడటం నాకు బాగోలేదు అంటూ కన్నీరు పెట్టుకుంటుంది అను. తండ్రిగా పిల్లల్ని కాపాడవలసిన బాధ్యత ఎలాగో ఇంటి పెద్దగా కుటుంబాన్ని కాపాడవలసిన బాధ్యత కూడా నా మీద ఉంది అర్థం చేసుకో ఇక్కడ ఎక్కువసేపు ఉండడం మంచిది కాదు దయచేసి వెళ్ళిపో అంటాడు ఆర్య.

సరే అంటూ బయటికి వెళ్ళిపోతూ నా భర్తతో మాట్లాడాను ఈ అవకాశం కల్పించినందుకు థాంక్స్ అంటూ ఒక లేడీ కానిస్టేబుల్ తో మాట్లాడుతూ ఉంటుంది అను. ఇంతలో మరో కానిస్టేబుల్ ఒక మిషన్ తీసుకురావడం గమనిస్తుంది. అది ఏంటో అని అనుమానంతో అక్కడే కూర్చుంటుంది అను. మీ ఆయనని చూపిస్తే చాలు అన్నావు కదా మళ్ళీ ఎందుకు ఇక్కడే ఉన్నావు వెళ్ళిపో అంటాడు ఎస్ఐ. లేదు సర్ ఎలాగో తెల్లవారిపోతుంది కదా నా భర్తతో కలిసి కోర్టుకే వస్తాను అంటుంది అను.

అంతవరకు పోలీస్ స్టేషన్లో ఉండడం మంచిది కాదు వెళ్ళిపోమంటూ లేడీ కానిస్టేబుల్ హెచ్చరిస్తుంది. అయినా మొండిగా అక్కడే కూర్చుంటుంది అను. మరోవైపు దిగులుగా ఉన్న తల్లికి భోజనం తినమంటూ బ్రతిమాలితాడు నీరజ్. ఆకలిగా లేదు వద్దు అంటుంది శారదమ్మ. ఇంతలో అంజలి ఫోన్ చేసి ఎలా ఉన్నారు అని పరామర్శిస్తుంది. మేము బాగానే ఉన్నాము అమ్మ మాత్రం బాగా దిగులు పెట్టుకుంది అంటాడు నీరజ్. ఆమెకి ఒకసారి ఇవ్వండి నేను మాట్లాడుతాను అంటుంది అంజలి. నీరజ్ శారదమ్మ కి ఫోన్ ఇస్తాడు. అంజని శారదమ్మ తో మాట్లాడుతూ ఆర్య సార్ ముందు ఎలాంటి ప్రాబ్లం నిలబడదు అయినా దేన్నైనా చేయించుకొని వస్తారు నాకు ఉంది మీకెందుకు లేదు.

పెద్దవారు మీరే దిగులు పెట్టుకుంటే ఎలా అంటూ ఓదారుస్తుంది. నీ మాటలు నాకు ఓదార్పునిస్తున్నాయి థాంక్యూ అంటుంది శారదమ్మ. ఇంతకీ మా అప్పు ఎలా ఉంది అంటుంది  అంజలి. తను ఎక్కడికి ఎందుకు వస్తుంది, ఇక్కడ లేదు అంటుంది శారదమ్మ. మీ దగ్గర ఉంటే కాస్త ఊరటగా ఉంటుందని నేనే పంపించాను అంటూ కంగారుగా చెప్తుంది అంజలి. అయ్యో కడుపుతో ఉన్నప్పుడు ఎక్కడికి వెళ్లిందో ఏంటో అంటూ కంగారుపడుతుంది  శారదమ్మ. నేను వెళ్లి వెతుకుతాను అని అంజలి అంటే వద్దు నేను వెతుకుతాను దొరికిన వెంటనే ఫోన్ చేస్తాను అని ఫోన్ పెట్టేసి కంగారుగా బయటికి బయలుదేరుతాడు నీరజ్.

మరోవైపు పోలీస్ స్టేషన్లో ఇందాక కానిస్టేబుల్ తెచ్చిన మిషన్ తో పొగ వచ్చేలాగా చేసి ఆర్యని స్పృహ కోల్పోయేలాగా చేస్తారు పోలీసులు. పని అయిపోయింది సార్ అని ఎస్సైతో చెప్తాడు కానిస్టేబుల్. కానీ వాళ్ళ ఆవిడ ఇక్కడే కాపలా కూర్చుంది అంటూ కానిస్టేబుల్ చెవిలో ఏదో చెప్తాడు ఎస్సై. ఆ మాటలు విన్న కానిస్టేబుల్ అను దగ్గరికి వెళ్లి మీరు ఇక్కడ కూర్చోకూడదు కావాలంటే వెళ్లి వెయిటింగ్ రూమ్లో కూర్చోండి. లేదంటే మొత్తానికి బయటకు పంపించేస్తాను అంటూ హెచ్చరిస్తాడు. చేసేది లేక వెయిటింగ్ రూమ్లో కూర్చుంటుంది అను. అదే అదునుగా ఆర్యని తీసుకొని కారెక్కిస్తారు పోలీసులు. 

అను వెనక్కి తిరిగి చూసేసరికి అక్కడ ఎస్సై కనిపించడు. అనుమానం వచ్చి బయటికి వచ్చి చూసేసరికి సెల్లో ఆర్య కూడా కనిపించడు. ఆర్య చేతికి ఉన్న తాయత్తు తలుపు గడియకి ఉండడం చూస్తుంది. అంటే ఆర్య సర్ ని ఎక్కడికో తీసుకెళ్లి పోతున్నారు అంటూ కంగారు పడిపోతుంది. బయటికి వచ్చి చూసేసరికి వెళ్లిపోవడానికి రెడీగా ఉంటారు పోలీసులు. అందులో ఆర్య సార్ ఉన్నారు మీరు ఎక్కడికి తీసుకువెళ్తారు వీల్లేదు కారుకి అడ్డుగా నిల్చుంటుంది అను. ఎస్సై ఎంత చెప్పినా వినిపించుకోకపోవడంతో కోప్పడిన ఎస్ఐ ఆమె మీద నుంచి కారును పోనీ అంటాడు. ఇంతలోనే అక్కడికి నీరజ్ వస్తాడు.అను జరిగిందంతా చెబుతుంది.

నీరజ్, ఎస్ఐతో మాట్లాడుతూ ఉండగా అను ఆర్య దగ్గరికి వెళ్లి మొహం మీద నీళ్లు కొట్టి మెలకువ వచ్చేలాగా చేస్తుంది. ఆర్య కి స్పృహ రాగానే జరిగిందంతా తెలుసుకుని ఎస్ఐ ని కోప్పడతాడు. మిమ్మల్ని సీక్రెట్ గా మూవ్ చేయమని మాకు పైనుంచి ఆర్డర్స్ వచ్చాయి అంటాడు ఎస్సై. మిమ్మల్ని ఎవరు ఆడిస్తున్నారు ఆ వ్యక్తి దగ్గరికి అందరినీ కలిసి వెళ్దాం పదండి అంటాడు నీరజ్.

కంగారుపడిన ఎస్సై ఇదే విషయాన్ని మేము పై అధికారులకు  చెప్తాను అంటూ లోపలికి వెళ్ళిపోతాడు. నిన్ను వెళ్ళిపోమన్నాను కదా అని అనుని అడుగుతాడు ఆర్య. వెళ్ళిపోదామని అనుకున్నాను కానీ ఎందుకో అనుమానంగా అనిపించి ఉండిపోయాను. అదే మంచిదేంది లేకపోతే ఈపాటికి మిమ్మల్ని ఎక్కడికో తీసుకొని వెళ్లిపోయేవారు అంటుంది అను. తర్వాత ఏం జరిగిందో రేపటి ఎపిసోడ్ లో చూద్దాం.