టాలీవుడ్ కి గౌరవం తెచ్చిన దర్శకులలో దాసరి నారాయణరావు ఒకరు. కళాత్మక చిత్రాలతో పాటు కమర్షియల్ చిత్రాలు తెరకెక్కించిన ఘనత ఆయన సొంతం. అలాంటి దర్శకుడు తనను బికినీ వేసుకోమని చెప్పాడని అంటున్నారు సీనియర్ హీరోయిన్ జయప్రద.
వెండితెరపై జయప్రద తనకంటూ ఓ ముద్ర వేశారు. భరతనాట్యంలో నిష్ణాతురాలైన జయప్రద(Jayaraprada)70-80 లలో స్టార్ హీరోయిన్ గా వెలుగొందారు. రెండు తరాల స్టార్ హీరోలతో నటించిన ఘనత ఆమె సొంతం. దేవత, సాగర సంగమం, మేఘ సందేశం వంటి క్లాసిక్స్ ఆమె ఖాతాలో ఉన్నాయి. అలాగే యమదొంగ, అడవిరాముడు వంటి కమర్షియల్ హిట్స్ ఆమె ఇచ్చారు.
తెలుగు అమ్మాయి అయిన జయప్రద తెలుగుతో పాటు హిందీ, మలయాళ, కన్నడ, తమిళతో పాటు పలు భాషల్లో చిత్రాలు చేశారు. అయితే ఓ మూవీ షూటింగ్ లో ఆమె చాలా ఇబ్బందికర పరిస్థితి ఎదుర్కొన్నారట. 'దేవుడు దిగివస్తే' సినిమాలో హీరోయిన్ గా నటిస్తుండగా ఆమెకు బికినీలో నటించాల్సిన పరిస్థితి ఏర్పడిందట.
దేవుడు దిగివస్తే చిత్ర దర్శకుడైన దాసరి నారాయణరావు (Dasari Narayanararao)జయప్రదను షాట్ రెడీ... లోపలి వెళ్లి డ్రెస్ మార్చుకొని రమ్మన్నారట. జయప్రద రూమ్ కి వెళ్లి చూస్తే బికినీ అక్కడ ఉందట. ఆ డ్రెస్ చూసిన జయప్రద షాక్ అయ్యారట. వెంటనే దాసరి వద్దకు వచ్చి బికినీ నేను వేయలేను గురువుగారు అంటూ ఆమె ఏడ్చారట. అప్పుడు దాసరి నీవు బికినీ వేసిన వల్గర్ గా ఏమి కనిపించదు, వెళ్లి ధరించు అన్నారట.
స్విమ్మింగ్ పూల్ లో టైర్ మధ్యలో ఆమెను ఉంచి సీన్ షూట్ చేశారట. అయినప్పటికీ మరలా ఎప్పుడూ బికినీ ధరించడానికి జయప్రద ఒప్పుకోలేదట. బికినీ ధరించడం తప్పు కాదు, నాకు కంఫర్ట్ గా అనిపించలేదని జయప్రద చెప్పుకొచ్చారు. ఇక జయప్రద తన కెరీర్ లో అనేక మైళ్ళు రాళ్లు అందుకున్నారు.
హీరోయిన్ గా అత్యంత పాపులారిటీ పొందిన జయప్రద టీడీపీ (Tdp)పార్టీతో రాజకీయ అరంగేట్రం చేశారు. రామారావు అండదండలతో కొన్ని పదవులు అధిరోహించారు. తర్వాత ఆమె ఎన్టీఆర్ కి వ్యతిరేకంగా చంద్రబాబుతో చేరి ఆయన్ని పదవికి దూరం చేశారన్న ఆరోపణలు ఉన్నాయి.
ఇక చంద్రబాబుకు ఎంత మేలు చేసినా ఆయన ఈమెకు రాజకీయంగా అంత ప్రాధాన్యత ఇవ్వలేదు. దీంతో కొన్నాళ్ళు ఆమె రాజకీయాలకు దూరంగా ఉన్నారు. అనంతరం మరలా సమాజ్ వాదీ పార్టీలో చేరారు. ప్రస్తుతం జయప్రద బీజేపీ లో ఉన్నారు. ఆంధ్రా రాజకీయాల్లో ఆమె బిజీ కానున్నట్లు సమాచారం.