వాడిని గుడ్డిగా నమ్మింది, బలైపోయింది... సిల్క్ స్మిత మరణంపై సీనియర్ నటి జయమాలిని సంచలన కామెంట్స్ 

సిల్క్ స్మిత మరణం ఒక మిస్టరీ. అంతకు మించిన సంచలనం. ఈ క్రమంలో సిల్క్ స్మిత ఆ తప్పు చేయడం వలనే మరణించింది అంటూ... సీనియర్ నటి జయలలిత ఆసక్తికర కామెంట్స్ చేసింది.   

సిల్క్ స్మిత జీవితంలో సినిమాకు మించిన నాటకీయత ఉంది. పేద కుటుంబంలో పుట్టిన విజయలక్ష్మికి చిన్న వయసులోనే పెళ్లి చేశారు. అత్తింటివారి వేధింపులు తట్టుకోలేక మద్రాసు రైలు ఎక్కి పారిపోయింది. కనీస విద్యాభాస్యం లేని సిల్క్ స్మిత మద్రాసులో జీవన పోరాటం మొదలుపెట్టింది. 

మేకప్ ఆర్టిస్ట్ అసిస్టెంట్ గా కెరీర్ మొదలుపెట్టి అత్యంత డిమాండ్ ఉన్న నటిగా ఎదిగింది. సౌత్ నార్త్ అనే తేడా లేకుండా వందల చిత్రాల్లో విలక్షణ పాత్రలు చేసింది. కెరీర్ పీక్స్ లో ఉన్న సమయంలోనే సిల్క్ స్మిత ఆత్మహత్య చేసుకుంది. 1996లో చెన్నైలోని తన నివాసంలో సిల్క్ స్మిత బలవన్మరణానికి పాల్పడింది. 

కోట్ల మంది ఆరాధ్య నటిగా వెలుగొందిన సిల్క్ స్మిత అంత్యక్రియలు ఒక అనాథకు జరిగినట్లు జరిగాయి. ఆమెకు గవర్నమెంట్ ఆసుపత్రిలో పోస్టుమార్టం జరిగింది. ఆసుపత్రి సిబ్బందే అంత్యక్రియలు చేశారని సమాచారం. ఒక్క అర్జున్ సర్జా మాత్రమే సిల్క్ స్మిత అంత్యక్రియలకు హాజరయ్యాడట. 

సిల్క్ స్మిత మరణించి మూడు దశాబ్దాలు గడుస్తుండగా... సీనియర్ నటి జయలలిత కీలక కామెంట్స్ చేశారు. సిల్క్ స్మిత చేసిన ఓ తప్పు మరణానికి కారణమైందని ఆమె అభిప్రాయ పడ్డారు. 

silk smitha

జయలలిత మాట్లాడుతూ... సిల్క్ స్మిత తక్కువ సమయంలో ఫేమ్, డబ్బు సంపాదించింది. షూటింగ్ సెట్స్ లో సిల్క్ స్మిత నాతో మాట్లాడేది కాదు. ఓ సినిమాలో సిల్క్ స్మిత, నేను, మా అక్క జ్యోతి లక్ష్మి నటించాము. ఫార్మ్ లో ఉన్న సమయంలో సిల్క్ స్మిత  ఆత్మహత్య చేసుకోవడం ఆమె చేసిన తప్పు.

ప్రేమించడం తప్పు కాదు కానీ పేరెంట్స్ కి దూరంగా ఉండటం తప్పు. సిల్క్ స్మిత తన ప్రియుడిని గుడ్డిగా నమ్మేసింది. అతడు మోసం చేశాడు. పేరెంట్స్ పక్కనే ఉంటే ఆమెను ఓదార్చేవారు. అయిన వాళ్ళు లేనప్పుడు మోసం చేయడానికి చాలా మంది సిద్ధంగా ఉంటారు. అలానే సిల్క్ స్మిత బలైపోయింది.. అని అన్నారు. 

జయమాలిని కామెంట్స్ వైరల్ అవుతున్నాయి. సిల్క్ స్మిత సూసైడ్ నోట్ అంటూ ఇప్పటికి ఓ లెటర్ సోషల్ మీడియాలో చక్కర్లు కొడుతూ ఉంటుంది. కోలీవుడ్ స్టార్ హీరో పెళ్లి పేరుతో సిల్క్ స్మితను మోసం చేశాడనే వాదన ఉంది. సిల్క్ స్మిత వద్ద పని చేసిన కొందరు కూడా ఆమెను చీట్ చేశారని సమాచారం.