Michael Movie Review: మైఖేల్ మూవీ ప్రీమియర్ టాక్... సందీప్ హిట్ కొట్టాడా? లేదా?

సందీప్ కిషన్ లేటెస్ట్ మూవీ మైకేల్. యాక్షన్ అండ్ క్రైమ్ థ్రిల్లర్ గా తెరకెక్కింది. విజయ్ సేతుపతి కీలక రోల్ చేసిన మైఖేల్ ప్రోమోలు ఆకట్టుకున్నాయి. హైప్ మధ్య విడుదలైన మైఖేల్ ప్రీమియర్స్ ముగియగా... టాక్ ఎలా ఉందో చూద్దాం.   

హిట్టు కోసం పట్టువదలని విక్రమార్కుడిలా ప్రయత్నం చేస్తున్నారు సందీప్ కిషన్ . బాగా కష్టపడుతున్నారు. వైవిద్యమైన సబ్జక్ట్స్ ఎంచుకుంటున్నారు. కోరుకున్న విజయం మాత్రం దక్కడం లేదు. ఈసారి ఆయన యాక్షన్ అండ్ క్రైమ్ థ్రిల్లర్ తో వచ్చారు. ఇటీవల యాక్షన్, క్రైమ్ జోనర్స్ బాగా వర్క్ అవుట్ అవుతున్నాయి. ఆడియన్స్ కనెక్ట్ అవుతున్నారు. ఏమాత్రం మెప్పించగలిగినా విజయం సొంతం చేసుకోవచ్చు. 

మరి మైఖేల్ మూవీలో ప్రేక్షకులు కోరుకునే అంశాలున్నాయా? కథా, కథనాలు మెప్పించాయా? ప్రీమియర్స్ చూసిన ఆడియన్స్ అభిప్రాయం ప్రకారం...  సిక్స్ ప్యాక్ బాడీలో సందీప్ కిషన్ ఇంటెన్స్ రోల్ నచ్చిందంటున్నారు. పాత్ర కోసం ఆయన ట్రాన్స్ఫర్మేషన్, ఒదిగిపోయి నటించిన తీరు బాగుంది.  ఇది ఓ రివేంజ్ డ్రామా అని తెలుస్తుంది. తనకు జరిగిన అన్యాయానికి హీరో ఎలా బదులు తీర్చుకున్నాడనేది కథ. 

మాస్ ఆడియన్స్ ని మెప్పించే అంశాలతో దర్శకుడు రంజిత్ జయకోడి మైఖేల్ మూవీ నడిపించారు. డార్క్ క్రైమ్ డ్రామాలను తలపించేలా థీమ్ సెట్ చేశాడు. సినిమాలో చాలా మంది టాలెంటెడ్ యాక్టర్స్ ఉన్నారు. విజయ్ సేతుపతి, వరలక్ష్మి, వరుణ్ సందేశ్, గౌతమ్ మీనన్, అనసూయ నటించారు. 

ఇంత పెద్ద స్టార్ క్యాస్ట్ ఉన్నప్పుడు వాళ్ళ ఇమేజ్ తగ్గ బలమైన పాత్రలు పడితేనే ఉపయోగం ఉంటుంది. ఆ విషయంలో దర్శకుడు పూర్తి స్థాయిలో సక్సెస్ కాలేదంటున్నారు. విజయ్ సేతుపతితో పాటు వరలక్ష్మి, వరుణ్ సందేశ్ రోల్స్ కి అంత వెయిట్ లేదనేది ప్రీమియర్ టాక్. 

Michael

కథ కథనాలు కూడా రొటీన్ అంటున్నారు. అయితే మాస్ ఆడియన్స్ ని మెప్పించే యాక్షన్, క్రైమ్ డ్రామా మెప్పిస్తుంది. హీరోయిన్ దివ్యాంశ కౌశిక్ గ్లామర్ ఆకట్టుకుంటుంది. నిర్మాణ విలువలు బాగున్నాయి. సినిమాటోగ్రఫీ మెప్పిస్తుంది. ఎడిటింగ్ పర్లేదని ప్రేక్షకుల అభిప్రాయం. 

మైఖేల్ మూవీ హీరో సందీప్ కిషన్ హిట్ దాహం తీర్చిందా అంటే... రెండు రోజుల్లో తెలుస్తుంది. మైఖేల్ మూవీ పట్ల ఆడియన్స్ స్పందన ఏమిటో తెలియాలంటే ఓపెనింగ్ అండ్ వీకెండ్ కలెక్షన్స్చూడాలి . ఈ మధ్య నెగిటివ్ టాక్ తెచ్చుకున్న చిత్రాలు కూడా బాక్సాఫీస్ దున్నేశాయి. కాబట్టి మైఖేల్ చిత్ర ఫలితాన్ని ప్రీమియర్ టాక్ ద్వారా పూర్తి స్థాయిలో చెప్పలేము.