టాలీవుడ్ లో నటించాలంటే చాలా కష్టం, సెట్స్ లో దాని వల్లే చిరాకు.. గోల్డెన్ లెగ్ హీరోయిన్ షాకింగ్ కామెంట్స్

టాలీవుడ్ లో నటించడం చాలా కష్టం అని తాజా ఇంటర్వ్యూలో పేర్కొంది. ఇక్కడ చాలా జాగ్రత్తగా ఉండాలి. టాలీవుడ్ తో పోల్చుకుంటే మలయాళీ చిత్రాల్లో నటించడం చాలా సులభం అని పేర్కొంది.

అందంతో పాటు నటనలో కూడా అదరగొడుతుండడంతో టాలీవుడ్ లో సంయుక్త మీనన్  క్రేజీ హీరోయిన్ గా మారింది. తెలుగులో సంయుక్త్ మీనన్ భీమ్లా నాయక్, విరూపాక్ష లాంటి హిట్స్ అందుకుంది. 

రెండు చిత్రాల్లో సంయుక్త వైవిధ్యమైన పాత్రల్లో నటించింది. భీమ్లా నాయక్ చిత్రంలో సంయుక్త రానాకి భార్యగా నటించింది. ఎమోషనల్ గా నటించి మెప్పించింది. బింబిసార చిత్రంలో కూడా సంయుక్త నటించింది. ఆమె నటించిన ప్రతి చిత్రం సూపర్ హిట్ గా మారడంతో సంయుక్త మీనన్ ని టాలీవుడ్ లో గోల్డెన్ లెగ్ అని పిలవడం ప్రారంభించారు. 

అయితే సంయుక్తకి కూడా చివరగా ఎదురుదెబ్బ తగిలింది. కళ్యాణ్ రామ్ సరసన నటించిన డెవిల్ చిత్రం తీవ్రంగా నిరాశపరిచింది. ప్రస్తుతం సంయుక్త నిఖిల్ కి జోడిగా స్వయంభు అనే చిత్రం చేస్తోంది. టాలీవుడ్ లో వరుస సక్సెస్ లు, వరుస ఆఫర్స్ అందుకుంటున్న సంయుక్త సంచలన వ్యాఖ్యలు చేసింది. 

టాలీవుడ్ లో నటించడం చాలా కష్టం అని తాజా ఇంటర్వ్యూలో పేర్కొంది. ఇక్కడ చాలా జాగ్రత్తగా ఉండాలి. టాలీవుడ్ తో పోల్చుకుంటే మలయాళీ చిత్రాల్లో నటించడం చాలా సులభం అని పేర్కొంది. అందుకు గల కారణాన్ని కూడా వివరించింది. 

మలయాళీ చిత్రాల్లో నేచురల్ గా సింపుల్ ఎక్స్ ప్రెషన్స్ తో నటించవచ్చు. నటనలో మనకి ఫ్రీడమ్ ఉంటుంది. ఎలా అనుకుంటే అలా నటించే వీలుంటుంది. మేకప్ కూడా చాలా తక్కువ. వీలైనంత వరకు నేచురల్ గా చూపిస్తారు. కానీ టాలీవుడ్ లో మేకప్ చాలా ఓవర్ గా వేసారు. సెట్స్ లో ఉన్నంత సేపు ముఖానికి ఏదో అంటుకుని ఉన్న ఫీలింగ్ ఉంటుంది. 

మేకప్ వేసుకోవడానికి చాలా టైం పడుతుంది. అది పోకుండా జాగ్రత్త పడుతూ నటించాలి అంటూ టాలీవుడ్ లో తన కష్టాలు చెప్పుకొచ్చింది సంయుక్త మీనన్. ఒకవైపు టాలీవుడ్ లో గోల్డెన్ లెగ్ హీరోయిన్ అంటూ ప్రశంసలు అందుకుంటున్న సంయుక్త.. ఇలా మాట్లాడడం ఒకింత సంచలనమే.