సమంత ప్రస్తుతం విరామంలో ఉన్నారు. అయితే ఆమె రెండు క్రేజీ ప్రాజెక్ట్స్ లో నటిస్తున్నట్లు టాలీవుడ్ వర్గాల్లో చర్చ నడుస్తోంది. బాలకృష్ణ, రామ్ చరణ్ అప్ కమింగ్ చిత్రాల్లో సమంత నటిస్తున్నారట.
సమంత కొత్త ప్రాజెక్ట్స్ కి సైన్ చేయలేదు. గత ఏడాది ఆమె నటించిన శాకుంతలం, ఖుషి చిత్రాలు విడుదలయ్యాయి. శాకుంతలం డిజాస్టర్ కాగా, ఖుషి ఓ మోస్తరు విజయాన్ని అందుకుంది. అలాగే సిటాడెల్ వెబ్ సిరీస్ షూటింగ్ పూర్తి చేసింది. తర్వాత ఆమె విరామం తీసుకున్నారు. కమిట్మెంట్స్ కి దూరంగా కొన్నాళ్ళు విదేశాల్లో విహరించారు. మయోసైటిస్ తో బాధపడుతున్న సమంత అమెరికా ట్రీట్మెంట్ కి వెళ్లారని కథనాలు వెలువడ్డాయి.
సమంతకు డిమాండ్ ఉన్నా చిత్రాలు ఒప్పుకోవడం లేదనేది నిజం. తాజాగా ఆమె రెండు క్రేజీ ప్రాజెక్ట్స్ కి సైన్ చేశారట. ఎన్బీకే 109తో పాటు ఆర్సీ 16లో సమంత నటిస్తున్నారు అనేది సోషల్ మీడియా టాక్. దర్శకుడు బుచ్చిబాబుతో రామ్ చరణ్ తన నెక్స్ట్ మూవీ ప్రకటించారు. ప్రీ ప్రొడక్షన్ జరుపుకుంటున్న ఈ మూవీ త్వరలో సెట్స్ పైకి వెళ్లనుంది. విలేజ్ బ్యాక్డ్రాప్ లో మూవీ తెరకెక్కనుంది.
వైజాగ్, విజయనగరం, శ్రీకాకుళం ప్రాంతాల నటుల కోసం ఆడిషన్స్ జరుగుతున్నాయి. రామ్ చరణ్ రంగస్థలం తరహా పల్లెటూరి యువకుడి పాత్ర చేస్తున్నారని తెలుస్తుంది. కాగా ఈ మూవీలో సమంత ఒక హీరోయిన్ గా నటిస్తున్నారట. ఆమె పాత్ర కథలో కీలకం అట. అలాగే బాలకృష్ణ-బాబీ దర్శకత్వంలో తెరకెక్కుతున్న మూవీలో కూడా ఆమె హీరోయిన్ గా నటిస్తున్నారంటూ కథనాలు వెలువడుతున్నాయి.
కాగా బాలకృష్ణ మూవీలో సమంత నటించడం లేదని సమాచారం. దర్శకుడు బాబీ ఈ చిత్రంలో సమంత-నాగ చైతన్యల సూపర్ హిట్ మూవీ ఏమాయ చేసావే రిఫరెన్సులు వాడాడట. కామెడీ లో భాగంగా సమంత-నాగ చైతన్యల సన్నివేశాలు జోడించారట. అంతే కానీ, సమంత బాలకృష్ణ మూవీలో నటిస్తుందన్న వార్తల్లో నిజం లేదంటున్నారు. అలాగే రామ్ చరణ్ మూవీలో సమంత నటిస్తున్నారనే దానిపై కూడా అధికారిక సమాచారం.
సమంత నటించిన సిటాడెల్ త్వరలో ప్రైమ్ లో స్ట్రీమ్ కానుంది. ఈ యాక్షన్ ప్యాక్డ్ వెబ్ సిరీస్లో వరుణ్ ధావన్ సైతం నటిస్తున్నాడు. పోస్ట్ ప్రొడక్షన్ జరుపుకుంటుంది. సమంత ఈ సిరీస్ కోసం చాలా కష్టపడ్డారు. కఠిన యాక్షన్ స్టంట్స్ లో పాల్గొన్నారు.