సమంత, కాజల్‌, తమన్నా, అనుష్క, ప్రియమణి.. ఒకరు కాదు ఇద్దరు.. ఫ్యాన్స్ కి డబుల్‌ ట్రీట్‌

ఒక్క హీరోయిన్‌ని తెరపై చూస్తేనే ఆ అందాల కనువిందుని చూసేందుకు రెండు కళ్లు చాలవు. మరి ఒకే హీరోయిన్‌ని రెండు రకాలుగా చూస్తే.. అదొక విజువల్‌ ట్రీట్‌ అని చెప్పొచ్చు. మన హీరోయిన్లు అలాంటి డబుల్‌ విజువల్‌ ట్రీట్స్ నిచ్చారు.   

జనరల్‌గా హీరోలు డబుల్‌ రోల్స్ అనేది చర్చనీయాంశంగా మారుతుంది. ట్రెండ్‌ అవుతుంది. కానీ హీరోయిన్లు కూడా డబుల్‌ రోల్స్ తో మెప్పించారు. ఫ్యాన్స్ కి, ఆడియెన్స్ డబుల్‌ అందాల విందుని వడ్డించారు. డ్యూయెల్‌ రోల్స్ తో కనువిందు చేశారు. నటనతో మంత్రముగ్దుల్ని చేశారు. మరి ఆయా కథానాయికలెవరో ఓ లుక్కేద్దాం. 

ఈ విషయంలో లేడీ ఓరియెంటెడ్‌ చిత్రాలకు కేరాఫ్‌గా నిలిచే అనుష్క ముందుంటారు. ఆమె ఏకంగా మూడు సినిమాల్లో డబుల్‌ రోల్స్ చేశారు. `అరుంధతి` చిత్రంలో మదర్‌గా, కూతురు అరుంధతి, జేజమ్మగా  మెస్మరైజ్‌ చేసింది. నట విశ్వరూపం చూపించింది. ఆ తర్వాత `పంచాక్షరి` చిత్రంలోనూ పంచాక్షరిగా, హనీగా రెండు విభిన్న పాత్రలతో మెప్పించింది. ఫాంటసీ చిత్రం `వర్ణ`లోనూ వర్ణగా, రమ్యగా కనువిందు చేసింది. 

స్టార్‌ సెన్సేషన్‌ సమంత సైతం రెండు పాత్రలు పోషించింది. ఆమె నటించిన తమిళ చిత్రం `10 ఎంథ్రాకుల్లా` లో షకీలగా, గాడ్గీ మోయి అనే రెండు పాత్రల్లో అలరించింది. వెండితెరపై కాసేపు మ్యాజిక్‌ చేసింది. 

కాజల్‌ కూడా ఆడియెన్స్ కి డబుల్‌ డోస్‌ పంచింది. ఆమె `మగధీర` చిత్రంలో మిత్రవిందగా, ఇందిరాగా రెండు పాత్రలు పోషించి మెప్పించింది. తెలుగు ఆడియెన్స్ ని అబ్బురపరించింది. 

మిల్కీ బ్యూటీ తమన్నా సైతం రెండు పాత్రల్లో మెరిసింది. రామ్‌ నటించిన `ఎందుకంటే ప్రేమంట` చిత్రంలో ఆమె ద్విపాత్రాభినయం చేసి మెస్మరైజ్‌ చేసింది. 

త్రిష సైతం డ్యూయెల్‌ రోల్‌ పోషించింది. ఆమె తమిళంలో రూపొందిన `మోహిని` చిత్రంలో ద్విపాత్రాభినయం చేసి ఆకట్టుకుంది. ఘోస్ట్ మోహినిగా, వైష్ణవిగా అలరించింది. 

లేడీ సూపర్‌ స్టార్‌గా పేరుతెచ్చుకున్న నయనతార సైతం ద్విపాత్రాభినయం చేసింది. `ఐరా` తమిళ చిత్రంలో ఆమె రెండు పాత్రల్లో మెరిసింది. భావని, యమునగా ఆకట్టుకుంది. 

`ఢీ` బ్యూటీ ప్రియమణి సైతం డబుల్‌ ట్రీట్‌నిచ్చింది. `చారులత` చిత్రంలో జంట కవలలు చారు, లత పాత్రల్లో నటించి ఆకట్టుకుంది. కష్టమైన పాత్రలో ఎంతో బాగా నటించి ప్రశంసలందుకుంది. 

 అచ్చ తెలుగు అమ్మాయి గా ప్రేక్షకాదరణ పొందిన హీరోయిన్ అంజలి `గీతాంజలి` సినిమాలో ద్విపాత్రలో నటించి మంచి గుర్తింపు తెచ్చుకుంది. `మసాలా`లోనూ డ్యూయెల్‌ రోల్‌లో కనిపించిన విషయం తెలిసిందే. 

స్నేహా.. `పర్థిబన్‌ కనవు` అనే తమిళ సినిమాలో డ్యూయెల్‌ రోల్‌ చేసింది. ఇందులో అమాయకురాలిగా ఆమె నటన కట్టిపడేస్తుందని చెప్పొచ్చు. 

నటి మీనా సైతం రెండు పాత్రలు పోషించారు. ఆమె `నడోడి మన్నన్‌`, `పడై వీటు అమ్మన్‌` చిత్రాల్లో ద్విపాత్రాభినయం చేసింది మెస్మరైజ్‌ చేసింది. ఆడియెన్స్ ని అలరించింది. 

లేడీ సూపర్‌ స్టార్‌గా వెలుగొందిన విజయశాంతి సైతం డ్యూయెల్‌ రోల్స్ చేశారు. ఆమె `పోలీస్‌ లాకప్‌` చిత్రంలో డబుల్‌ డోస్‌తో మెస్మరైజ్‌ చేసింది. 

`సుందరాంగుడు` చిత్రంలో జ్యోతిక సైతం డబుల్‌ రోల్‌ చేసింది. కనువిందు చేసింది. అద్భుతమైన నటనతో అబ్బురపరిచింది. ఓ పాత్రలో వైకల్యంతో బాధపడుతున్న అమ్మాయిగా నటించింది.

ఒకప్పుడు స్టార్‌ హీరోయిన్‌గా వెలిగిన సిమ్రాన్‌ సైతం డ్యూయెల్‌ రోల్‌ పోషించింది. ఆమె తమిళంలో రూపొందిన `కనవే కలియదే` అనే సినిమాలో ద్విపాత్రాభినయం చేసింది. 

వీరితోపాటు `దశావతారం` చిత్రంలో ఆసిన్‌ రెండు పాత్రల్లో కనిపించి మెప్పించింది. పీరియాడికల్‌ పాత్రలో, అలాగే మోడ్రన్‌ గర్ల్ గా మెరిసింది.