టాలీవుడ్ సినిమాల్లో సూపర్ పెయిర్ గా గతంలో వరుస హిట్స్ కొట్టారు మహేష్-సమంత. వీరిద్దరి కాంబినేషన్ ను మరోసారి కలపాలని చూస్తున్నాడట మాటల మాత్రికుడు త్రివిక్రమ్ శ్రీనివాస్. మరి అది నిజమేనా..?
టాలీవుడ్ లో హ్యాట్రిక్ మూవీస్ చేసిన జంటల్లో మహేష్ బాబు -సమంత కూడా ఉన్నారు. అయితే ఇప్పుడు నాలుగో సారి ఈ జంట సిల్వర్ స్క్రీ న్ పై సందడి చేసే అవకాశాలు కనిపిస్తున్నాయి. ప్రస్తుతం సర్కారువారి పాట సినిమా చేస్తున్న మహేష్ బాబు .. ఈ సినిమా తరువాత వెంటనే త్రివిక్రమ్ శ్రీనివాస్ సినిమా షూటింగ్ లో జాయిన్ కాబోతున్నాడు. అటు త్రివిక్రమ్ కూడా ఈసినిమాపై ఏడాదికి పైగా వర్కౌట్ చేసి.. రెడీగా ఉన్నాడు.
అయితే ఈమూవీలో హీరోయిన్ గా చాలా మందిని అనుకున్నారు టీమ్. లాస్ట్ కి పూజా హెగ్డే అయితే కరెక్ట్ అని దాదాపు ఫిక్స్అయ్యారు. పూజా కూడా గ్రీన్ సిగ్నల్ ఇచ్చేసిందంటూ..టాక్ కూడా నడిచింది సోషల్ మీడియలో. అంతా రెడీ అయ్యింది.. కాంబినేషన్ ప్రకటించి.. ఇక షూటింగ్ కు వెళ్లడమే తరువాయి అనుకున్న టైమ్ లో పూజా హెగ్డే ఈ సినిమా చేయడం లేదని తెలుస్తోంది. పూజా అటు బాలీవుడ్ సినిమాలతో బిజీగా ఉంది. ఈ సినిమాకు డేట్స్ అజెస్ట్ అవ్వక.. కొన్ని క్రియేటీవ్ ప్రాబ్లమ్స్ రావడంతో పూజా ఈ ప్రాజక్ట్ నుంచి తప్పుకున్నట్టు పుకార్లు షికారు చేస్తున్నాయి.
మరి ఇది నిజం అయితే పూజా ప్లేస్ లో ఎవరిని హీరోయిన్ గా తీసుకుంటారు అన్న ప్రశ్నకు సమంత పేరు సమాధానంగా వినిపిస్తుంది. ఈసినిమాలో మహేష్ జోడీగా సమంతను తీసుకోవాలి అని అనుకుంటున్నాడట త్రివక్రమ్ శ్రీనివాస్. మహేష్ సమంత కాంబినేషన్ లో దూకుడు, సీతమ్మ వాకిట్లో సిరిమల్లె చెట్టు, బ్రహ్మోత్సవం సినిమాలు వచ్చాయి. త్రివిక్రమ్ – సమంత కాంబోలో అత్తారింటికి దారేది, సన్నాఫ్ సత్యమూర్తి, అఆ లాంటి సక్సెస్ ఫుల్ సినిమాలు చేసింది. తనకు లక్కీ హీరోయి అవ్వడంతో మహేష్ కు జతగా సమంతను తీసుకునే ప్రయత్నంలో ఉన్నాడట త్రివిక్రమ్ శ్రీనివాస్.
అయితే సమంత హీరోయిన్ గా ఫామ్ లో లేదు. స్టార్ స్టేటస్ మాత్రం అలాగే ఉంది. ఉమెన్ సెంట్రిక్ మూవీస్ తో తన ఇమేజ్ ను ఇంకా పెంచుకుంటూ పోతోంది. అప్పటికంటే ఇప్పుడే ఫ్యాన్ బేస్ ఎక్కువగా ఉంది సమంతకు. పైగా రీసెంట్ గా పుష్ప సినిమాలో చేసిన పాటకు అదరిపోయ రెస్పాస్ వస్తుంది. ఇక అప్పటికంటే ఇప్పుడు రెమ్యూనరేషన్ కూడా ఎక్కువగానే తీసుకుంటుందట. ఇలాంటి టైమ్ లో సమంత ఇమేజ్ ను దృస్టిలో పెట్టుకుని సూపర్ స్టార్ తో జోడీగా చూపించాలని త్రివిక్రమ్ ప్లాన్ చేస్తున్నట్టు తెలుస్తుంది.
మరి దీనికి మహేష్ బాబు స్పందన ఎలా ఉంటుందో చూడాలి..? ఒక వేళ ఈ జంట మళ్ళీ స్క్రీన్ పై కనిపిస్తే.. దూకుడు రేంజ్ హిట్ వస్తుందా..? లేక బ్రహ్మోత్సవంలా చతికల పడుతుందా..? అసలు వీరి జంట్ మళ్ళీ స్క్రీన్ మీద వర్కౌట్ అవుతుందా..? ఇది సాధ్యమయ్యే పనేనా చూడాలి..? త్రివిక్రమ్ మాత్రం ప్లాన్ చేస్తే గట్టిగనే ఉంటుంది. అన్నీ ఆలోచించి ప్లాన్ చేస్తాడు త్రివిక్రమ్.. మరి ఇది ఎంత వరకూ నిజమో ముందు ముంద చూడాలి.