`సలార్‌`.. `కేజీఎఫ్‌`కి రీమేకా?.. ట్రెండింగ్‌లో `డిజప్పాయింట్‌` ట్యాగ్‌.. టీజర్‌పై దారుణంగా ట్రోలింగ్‌

ప్రభాస్‌, ప్రశాంత్‌ నీల్‌ కాంబినేషన్‌లో రూపొందుతున్న `సలార్‌` టీజర్‌ విడుదలైంది. డార్లింగ్‌ అభిమానులు ఎంతగానో వెయిట్‌ చేసిన నేపథ్యంలో టీజర్‌తో వారిని ఖుషీ చేసే ప్రయత్నం చేసింది టీమ్‌. కానీ సీన్‌ రివర్స్ అయ్యింది.   

ప్రభాస్‌ `సలార్‌` టీజర్‌ రికార్డ్ సృష్టించింది. విడుదలైన రెండు గంటల్లోనే ఇది ఏకంగా ఐదు మిలియన్స్ వ్యూస్‌ని సాధించి రికార్డ్ క్రియేట్‌ చేసింది. సరికొత్త రికార్డుల దిశగా ముందుకు సాగుతుంది.గూస్‌ బంమ్స్ తెప్పించే యాక్షన్‌ సీన్లని ఫ్యాన్స్ ఎంజాయ్‌ చేస్తున్నారు. ప్రభాస్‌ యాక్షన్‌ ఆకట్టుకుంటుంది. టీజర్‌ రికార్డు వ్యూస్‌తో దూసుకుపోతుంది. సినిమాపై ఇది భారీ అంచనాలను పెంచబోతుందనే కామెంట్స్ వస్తున్న నేపథ్యంలో టీమ్‌కి పెద్ద షాక్‌ తగిలింది. 

`సలార్‌` టీజర్‌ బాగాలేదని, అంచాలను అందుకోలేకపోయిందనే కామెంట్స్ వస్తున్నాయి. అంతేకాదు ఇప్పుడు `డిజప్పాయింట్‌` అనే ట్యాగ్‌ని సోషల్‌ మీడియాలో ట్రెండ్‌ చేస్తున్నారు. `సలార్‌ డిజప్పాయింట్‌` అంటూ టీజర్‌పై దారుణంగా ట్రోల్స్ చేస్తున్నారు నెటిజన్లు. ఇందులో ప్రభాస్‌ని పూర్తిగా చూపించకపోవడంతో ఫ్యాన్స్, కామన్‌ ఆడియెన్స్ కూడా పెదవి విరుస్తున్నారు. దీనికితోడు దారుణమైన ట్రోలింగ్‌ జరుగుతుంది. 

`సలార్‌` టీజర్‌ చూస్తుంటే.. `కేజీఎఫ్‌` సినిమాని మళ్లీ తీస్తున్నాడా? అనే అనుమానాలను నెటిజన్లు వ్యక్తం చేస్తున్నారు. `సలార్‌`.. కేజీఎఫ్‌కి రీమేక్‌ అని, లేదంటే ఆ సినిమాకి కాపీ వెర్షన్‌ అని అంటున్నారు. ఇంగ్లీష్‌ డైలాగ్‌, బ్లాక్‌ థీమ్‌, హీరో ఎంట్రీ, హీరో గురించి చెప్పడం, యాక్షన్‌ సీన్‌, బీజీఎం స్టయిల్‌, లొకేషన్‌ సీన్లు సైతం `సలార్‌`, `కేజీఎఫ్‌`లో ఒకేలా ఉన్నాయని, అందుకే మళ్లీ ప్రశాంత్‌ నీల్‌ `కేజీఎఫ్‌` సినిమాని తీస్తున్నాడా అంటున్నారు. అంతటితో ఆగడం లేదు. `సలార్‌` టీజర్‌ కంటే `కబ్జా` టీజర్‌ బాగుందని ట్రోల్‌ చేస్తున్నారు. ఏదో అనుకుంటే ఇలా ఉసూరుమనిపించారే అని ఆశ్చర్యం వ్యక్తం చేస్తున్నారు. `సలార్‌` కంటే `కేజీఎఫ్‌ 2` చాలారెట్లు బాగుందని, ఆ రేంజ్‌కి మ్యాచ్‌ కాలేదంటున్నారు. 

ప్రశాంత్‌ నీల్‌ నిరూపించుకునే టైమ్‌ వచ్చిందని, ఇక ట్రైలర్‌తోనే ఆయనేంటో తేలాలలని అంటున్నారు. `కేజీఎఫ్‌`తో కాదు ఇప్పుడు `సలార్‌`తో నిరూపించుకోవాలని కామెంట్‌ చేస్తున్నారు. మొత్తానికి అటు `సలార్‌` టీజర్‌ని, ఇటు ప్రశాంత్‌ నీల్‌ని ఆడుకుంటున్నారు ట్రోలర్స్. ప్రస్తుతం ఇది ట్రెండ్‌ అవుతుంది. నెట్టింట పెద్ద రచ్చ చేస్తుంది. అయితే ప్రభాస్‌ హేటర్స్ కావాలని చేస్తున్న కుట్ర అని ఆరోపిస్తున్నారు. ఏదేమైనా ఇప్పుడు `సలార్‌` టీజర్‌ విమర్శల పాలు కావడం గమనార్హం. 

`ఆదిపురుష్‌` సినిమా టైమ్‌లోనూ ఇలాంటి విమర్శలే వచ్చాయి. టీజర్‌లో విజువల్స్ క్లారిటీ లేవని, వీఎఫ్‌ఎక్స్ క్వాలిటీగా లేవని, బొమ్మల చిత్రంలా ఉందని కామెంట్‌చేశారు. విపరీతమైన ట్రోల్స్ వచ్చాయి. దీంతో కొంత వరకు మార్చారు. కానీ సినిమాలో చాలా వరకు అలానే ఉన్నాయి. ఆ సినిమా పెద్ద డిజప్పాయింట్‌ చేసింది. ఇప్పుడు `సలార్‌` పరిస్థితి ఏంటనేది ప్రశ్నార్థకంగా మారింది.  పైగా ఇది రెండు పార్ట్ లుగా రాబోతుంది. మరి ఎలా ఉంటుందో చూడాలి.  ప్రభాస్‌ హీరోగా నటించిన `సలార్‌` చిత్రంలో పృథ్వీరాజ్‌ సుకుమారన్‌ విలన్‌గా నటించగా, జగపతిబాబు కీలక పాత్ర పోషించారు. శృతి హాసన్‌ కథానాయిక. హోంబలే ఫిల్మ్స్ దీన్ని దాదాపు 400కోట్లతో నిర్మించిందట. సెప్టెంబర్‌ 28న ప్రపంచ వ్యాప్తంగా పాన్ ఇండియా రేంజ్‌లో ఈ చిత్రాన్ని విడుదలకు సిద్ధమవుతుంది.