ఒకప్పుడు టాలీవుడ్‌ని ఓ ఊపుఊపేసిన సదా ఇప్పుడు మళ్లీ సందడి చేస్తుంది. బుల్లితెరపై మెరుస్తూ ఆకట్టుకుంటుంది. ఇన్నాళ్లు పెళ్లి చేసుకోకుండా ఉండటానికి కారణమేంటనేది బయటపెట్టింది సదా.
తెలుగు సినిమా `జయం`తో టాలీవుడ్‌లోకి ఎంట్రీ ఇచ్చింది సదా(Sadaa). నితిన్‌ హీరోగా నటించిన ఈ చిత్రం భారీ విజయాన్ని సాధించింది. లవ్‌ స్టోరీస్‌లో ఓ ట్రెండ్‌ సెట్టర్‌గా నిలిచింది. ఈ సినిమాతో ఒక్కసారిగా స్టార్‌ ఇమేజ్‌ని సొంతం చేసుకుంది సదా. ఇందులో `రాను రానంటూనే సిన్నదో` అనే పాటలో నితిన్‌, సదా చేసిన సందడి అంతా ఇంతా కాదు. ప్రేమ కథల్లో ఇదొక బెస్ట్ ఫీలింగ్‌గా నిలుస్తుంది.
ఆ తర్వాత వరుసగా ఆఫర్లు అందుకున్న ఈ బ్యూటీకి తెలుగుతోపాటు, తమిళం, మలయాళం, కన్నడ, హిందీలోనూ నటించింది. అతి తక్కువ సమయంలోనే స్టార్‌ హీరోయిన్‌గా వెలిగి, కనుమరుగయ్యింది. కొంత గ్యాప్‌తో ఇప్పుడు మళ్లీ రీఎంట్రీ ఇస్తుంది. సినిమాలు, టీవీ, వెబ్‌ సిరీస్‌ ఇలా తేడా లేకుండా అన్నింటిలోనూ నటించేందుకు సిద్ధంగా ఉంది. ఇటీవల `హలో వరల్డ్` వెబ్‌ సిరీస్‌లోనూ మెరిసింది.
ఈ సందర్భంగా పలు ఇంటర్వ్యూల్లో పాల్గొంది. ఇందులో వ్యక్తిగత విషయాలను కూడా వెల్లడించింది. అందులో భాగంగా తాను ఇప్పటి వరకు పెళ్లి చేసుకోకపోవడానికి కారణమేంటో చెప్పింది సదా. ఆమె చెప్పిన విషయాలు ఆద్యంతం షాకిచ్చేలా ఉండటం విశేషం.
నలభై ఏళ్లకి చేరువలో ఉన్న సదా మ్యారేజ్‌పై స్పందించింది. తనకు పెళ్లి ఆలోచన లేదని చెప్పడం విశేషం. తనని పెళ్లి చేసుకునే వాడు తన సంపాదనపై ఆధార పడకూడదనని పేర్కొన్నారు. అలాంటి వ్యక్తి తనకు ఇప్పటి వరకు తారసపడలేదని చెప్పింది. అందుకే మ్యారేజ్‌ చేసుకోలేదని చెప్పింది సదా.
సదా చెప్పిన కారణంపై పలు విమర్శలు వస్తున్నాయి. సదా లాంటి అందమైన అమ్మాయి దొరికితే చాలనుకునే వారు కోకొల్లలు. అలాంటిది ఆమె సంపాదన వారికెందుకు అని, సదా చెప్పిన కారణం చాలా సిల్లీగా ఉందని, స్టోరీస్‌ చెప్పడం ఆపి అసలు విషయానికి రా.. అంటూ సెటైర్లు పేలుస్తున్నారు నెటిజన్లు.
`జయం` చిత్రంతో ఓవర్‌నైట్‌లో స్టార్‌ అయిపోయిన సదా.. తెలుగులో `ప్రాణం`, `నాగ`, `దొంగ దొంగది`, `లీలా మహల్‌ సెంటర్‌`, `ఔనన్నా కాదన్నా`, `చుక్కల్లో చంద్రుడు`, `వీరభద్ర`, `క్లాస్‌ మేట్స్`, మైత్రీ`,`యమలీలా 2` వంటి చిత్రాల్లో నటించింది.
ఇటీవల `జబర్దస్త్` షోకి జడ్జ్ గా రీఎంట్రీ ఇచ్చింది. కొన్ని ఎపిసోడ్లు చేసిన ఆమె టీవీని, సినిమాలని బ్యాలెన్స్ చేయాలని భావిస్తుంది. మరోసారి నటనపై పూర్తి ఫోకస్‌ పెట్టింది. అందులో భాగంగా ఇటీవల నిహారిక నిర్మించిన `హలో వరల్డ్` అనే వెబ్‌ సిరీస్‌లో నటించింది సదా.
మరోవైపు సినిమా అవకాశాల కోసం అందాలు ఆరబోస్తుంది. లేట్‌ వయసులో ఘాటు అందాలతో మతిపోగొడుతుంది. సోషల్‌ మీడియాలో నెటిజన్ల ఫాలోయింగ్‌ని పెంచుకుంటూ మేకర్స్ దృష్టిని ఆకర్షించే ప్రయత్నం చేస్తుంది. గ్లామర్‌ సైడ్‌ మరింతగా ఓపెన్‌ అవుతుంది సదా.