RRR Movie: ముంబై వెళ్లి బుక్కైన రాజమౌళి... ఎన్టీఆర్ ఫ్యాన్స్ పుండుపై కారం చల్లారు!

 మండుతున్న ఎర్రటి పుండుపై కారం చల్లితే ఎలా ఉంటుంది? ఆల్రెడీ అసహనంతో ఉన్నోడి గెలికితే,  అది పీక్స్ చేర్చితే ఎలా ఉంటుంది? ఎన్టీఆర్ ఫ్యాన్స్ పరిస్థితి ఇప్పుడు అలానే ఉంది. సినిమా రన్ కూడా ముగింపుకు చేరుకుంది.. ఆర్ ఆర్ ఆర్ లో ఎవరెక్కువ ఎవరు తక్కువ అనే క్యాలిక్యులేషన్స్ కి తెరపడుతుంది అనుకుంటే, మరింత రగిలించారు.   

సెలెబ్రేషన్స్ అంటూ రాజమౌళి (Rajamouli) ముంబై వెళ్లడం పెద్ద ప్రమాదానికి దారి తీసింది. ఎన్టీఆర్, చరణ్, రాజమౌళికి ఎలా స్పందించాలో కూడా తెలియని పరిస్థితి ఏర్పడింది. బాలీవుడ్ మీడియా పూర్తిగా ఇరికించేసింది. వాళ్ళు అడిగిన ఆ ప్రశ్న వివాదానికి కారణం అవుతుంది. 

ఆర్ ఆర్ ఆర్ (RRR Movie)లో చరణ్ ఎక్కువగా ఎలివేట్ అయ్యారని రిపోర్ట్ అడగడంతో వేదికపై ఉన్న రాజమౌళి, ఎన్టీఆర్, చరణ్ లకు చెమటలు పడుతున్నాయి. ఎన్టీఆర్ పక్కనే ఉండగా ఇదేం ప్రశ్నరా బాబు.. అని చరణ్ లో అసహనం. ఏంటీ చరణ్ కంటే నేను తక్కువగా చేశానా?.. అని ఎన్టీఆర్ ఆవేదన, తెలిసో తెలియకో ఎన్టీఆర్ కి అన్యాయం చేశానా? అనే బాధ రాజమౌళిలో కనిపించాయి. 

చరణ్ (Ram Charan)డిప్లొమాటిక్ ఆన్సర్ చెప్పినప్పటికీ.. ఎన్టీఆర్, రాజమౌళి చిన్న చిరు నవ్వు నవ్వినప్పటికీ... ముగ్గురు ఇబ్బంది పడ్డట్టు స్పష్టంగా అర్థమైంది. ఈ పరిస్థితికి కారణం ఎవరు? ఖచ్చితంగా రాజమౌళినే అని చెప్పాలి. ఆయన సక్సెస్ సెలెబ్రేషన్స్ అంటూ ముంబై వెళ్లకపోతే ఈ ప్రశ్న ఎదురయ్యేది కాదు. 

RRR Movie

ఆర్ ఆర్ ఆర్ లో చరణ్, ఎన్టీఆర్ (NTR)పాత్రలను రాజమౌళి అద్భుతంగా తీర్చిదిద్దాడు. కాకపోతే పోరాటంలో దారి చూపేవాడిగా అల్లూరి, అతన్ని ఫాలో అయ్యేవాడిగా భీమ్ పాత్రలు ఉన్నాయి. ఇద్దరికీ గొప్ప సన్నివేశాలు ఉన్నప్పటికీ లీడరే హీరో అవుతాడు కాబట్టి, ఎన్టీఆర్ కి నష్టం జరిగింది. సినిమా చూసిన ప్రతి ఒక్కరికీ ఈ విషయం అర్థమైంది. 

RRR Movie

సగటు ప్రేక్షకులు సినిమా ఎంజాయ్ చేస్తున్నా... ఎన్టీఆర్ ఫ్యాన్స్ మాత్రం జీర్ణించుకోలేకున్నారు. పాన్ ఇండియా హీరోగా నార్త్ లో పాగా వేయాలన్న ఎన్టీఆర్ కలలు నెరవేరేనా అనే సందేహాలు ఫ్యాన్స్ లో మొదలయ్యాయి. ఆ తాలూకు ఆందోళన, ఆవేశం వారిలో కనిపించింది. మెగా ఫ్యాన్స్ ముందు లోకుల కాకూడని సోషల్ మీడియాలో భీం పాత్ర హైలెట్ అంటూ కామెంట్స్ చేస్తున్నా... తోటి ఫ్యాన్స్ వద్ద రాజమౌళి పట్ల ఆగ్రహం వ్యక్తం చేస్తున్నారు. 

మరో వారంలో అంతా సద్దుమణిగి పోయేది. ఎరక్కపోయి వచ్చాను ఇరుక్కుపోయాను అన్నట్లు రాజమౌళి పరిస్థితి తయారైంది. బాలీవుడ్ సెలబ్రిటీలతో పాటు రాజమౌళి ఆర్ ఆర్ ఆర్ వేడుకల్లో పాల్గొన్నప్పటికీ వందశాతం ఆయన హ్యాపీగా ఉండి ఉండరు. ఎన్టీఆర్ పాత్రను రాజమౌళి అలా కావాలనే తీర్చిదిద్దాడా? లేక అనుకోకుండా జరిగిందా? అనేది సస్పెన్స్. ఒకవేళ ఎన్టీఆర్ కి విషయం ముందే తెలిసినా రాజమౌళి అత్యంత ఆప్తుడు కావడంతో ఎదురుచెప్పకపోయి ఉండవచ్చు.