జబర్దస్త్ స్టేజీపై సుజాతకు రింగు తొడిగి.. లవ్ స్టోరీని కన్ఫమ్ చేసిన రాకింగ్ రాకేష్? నుదిటిపై ముద్దు.. టైట్ హగ్

రాకింగ్ రాకేష్ - జోర్దార్ సుజాత కొద్దిరోజులుగా ప్రేమలో మునిగి తేలుతున్న విషయం తెలిసింది. ‘జబర్దస్త్’ వేదికగా వీరి ప్రేమ చిగురించింది. అయితే, తాజాగా విడుదలైన Extra Jabardasth లేటెస్ట్ ప్రొమోతో ఈ లవ్ స్టోరీని రాకింగ్ రాకేష్ కన్ఫమ్ చేశారు. 

జబర్దస్త్ నటుడు, రాకింగ్ రాకేష్ (Rocking Rakesh) - బిగ్ బాస్ ఫేమ్ జోర్దార్ సుజాత (Jordar Sujatha) కొద్దిరోజులుగా డీప్ లవ్ లో ఉన్నారని, త్వరలో పెళ్లి కూడా చేసుకోబోతున్నారని ప్రచారం జరుగుతోంది. అందుకు తగ్గట్టుగానే ఈ జంట సిగ్నల్స్ ఇస్తోంది. 

బిగ్ బాస్ సీజన్ 4తో అలరించిన సుజాత ఆ ఫేమ్ తో జబర్దస్త్ షోలో అవకాశాలను అందుకుంది. ఈ క్రమంలో రాకింగ్ రాకేశ్ తో స్నేహం, అది కాస్తా ప్రేమగా మారి పెళ్లివైపు పయనిస్తోందని అంటున్నారు. అయితే, తాజాగా విడుదలైన  ఎక్స్ ట్రా జబర్దస్త్ లేటెస్ట్ ప్రోమోతో వీరి లవ్ స్టోరీ కొత్త మలుపు తిరిగింది.

ఎప్పటిలాగే ఆర్టిస్టుల స్కిట్లు, పంచులు, పెర్ఫామెన్స్ తో జబర్దస్త్ వేదికపై పంచులు పేలాయి. యాంకర్ రష్మీ గౌతమ్ వ్యాఖ్యాతగా, జడ్జీలు ఖుష్బూ, క్రిష్ణ భగవాన్ తమదైన రెస్పాండ్ తో ఆకట్టుకున్నాయి. ఇక ప్రోమో చివర్లో టీవీ ఆడియెన్స్ ను బిగ్ షాక్ ఇచ్చారు. 

ఇన్నాళ్లు రాకేశ్ -సుజాత ప్రేమ ఉత్తుత్తి అనుకున్నా.. తాజాగా ఎక్స్ ట్రా జబర్దస్త్ వేదికపై వీరిద్దరి లవ్ స్టోరీ కొత్త మలుపు తిరిగింది. తర్వలో ఒకటి కాబోతున్నట్టు తెలుస్తోంది. ప్రోమో ఆధారంగా..  రాకేష్ - సుజాత చేతి వేలికి రింగు తొడిగి అందరినీ ఆశ్చర్యపరిచారు. ఆమెను గుండెకు హత్తుకొని.. నుదిటిపై ముద్దుపెట్టి మరీ తన లవ్ స్టోరీని కన్ఫమ్ చేశారు. 

ఇక రీసెంట్ వీరిద్దరూ తిరుమల తిరుపతితో పుణ్య క్షేత్రంలోనూ మెరిశారు. వీళ్ల పెళ్లిపైనా రాకేశ్ వాళ్ల అమ్మ కూడా ఆసక్తికర వ్యాఖ్యలు చేసింది. సుజాత ఇప్పటికే తమ కుటుంబ సభ్యులతో కలిసి పోయిందని సంతోషం వ్యక్తం చేసిందంట. మరోవైపు సుజాత - రాకేశ్ సహజీవనం కూడా చేస్తున్నారని ప్రచారం. ఏదేమైనా రాకేశ్ ఇచ్చిన ట్విస్టు తో త్వరలో వీరి ఎంగేజ్ మెంట్ ఉంటుందా? అనే  సందేహం కలుగుతోంది.

దశాబ్ద కాలంగా తెలుగు ప్రేక్షకులకు కావాల్సినంత ఫన్ అందిస్తున్న ఏకైక కామెడీ షో ‘జబర్దస్త్’ అనే చెప్పాలి. మరింత డోస్ పెంచుతూ వచ్చిన ‘ఎక్స్ ట్రా జబర్దస్త్’కూడా సక్సెస్ ఫుల్ గా దూసుకుపోతోంది. రేపు రాత్రి 9 : 30 గంటలకు ప్రసారం కానున్న ప్రోమోను విడుదల చేశారు. ఎప్పటిలాగే ఆటో రామ్ ప్రసాద్, గెటప్ శ్రీను, బుల్లెట్ భాస్కర్, వర్ష, ప్రవీణ్ తమ పంచ్ లతో ఎపిసోడ్ పై ఆసక్తిని పెంచారు.