మొదటి వారమే వంటలక్క రికార్డుల మోత... టీఆర్పీలో దుమ్మురేపిన కార్తీక దీపం 2
First Published Apr 5, 2024, 9:15 AM IST
అనుకున్నట్లే కార్తీక దీపం 2 విశేష ఆదరణ దక్కించుకుంటుంది. మొదటివారమే రికార్డుల మోత మోగించింది. భారీ టీఆర్పీ రాబట్టింది.
అనుకున్నట్లే కార్తీక దీపం 2 విశేష ఆదరణ దక్కించుకుంటుంది. మొదటివారమే రికార్డుల మోత మోగించింది. భారీ టీఆర్పీ రాబట్టింది.
కార్తీక దీపం సీరియల్ బుల్లితెరపై ఒక సంచలనం. దర్శకుడు కాపుగంటి రాజేంద్ర తెరకెక్కించిన ఈ సీరియల్ నేషనల్ వైడ్ రికార్డ్స్ నెలగొల్పింది. 2017 అక్టోబర్ 17న కార్తీక దీపం సీరియల్ ప్రారంభం అయ్యింది.
దీప అలియాస్ వంటలక్క పాత్రను మలయాళీ నటి ప్రేమీ విశ్వనాథ్ చేశారు. కార్తీక్ అలియాస్ డాక్టర్ బాబు పాత్రను నిరుపమ్ పరిటాల చేశారు. ఇక ప్రధాన విలన్ మోనిత గా శోభ శెట్టి నటించి మెప్పించి. ఈ మూడు ప్రధాన పాత్రల ఆధారంగా తెరకెక్కిన కార్తీక దీపం 21 టీఆర్పీ సాధించి దేశంలోనే నెంబర్ వన్ సీరియల్ గా నడిచింది.
కార్తీక దీపం సీరియల్ కోసం ప్రేక్షకులు టీవీలకు అతుక్కుపోయేవారు. 1569 ఎపిసోడ్స్ కార్తీక దీపం సీరియల్ నడిచింది. ఈ క్రమంలో కొన్ని ప్రయోగాలు చేశారు. డాక్టర్ బాబు, వంటలక్క పాత్రలను చంపేశారు. ఈ ప్రయోగం వికటించింది. మరలా వారిని రంగంలోకి దించారు.
ప్రతి కథకు ఎక్కడో ఒక చోట ముగింపు ఉంటుందని కార్తీక దీపం సీరియల్ కి 2023 జనవరిలో ముగింపు పలికారు. తాజాగా కార్తీక దీపం 2 ప్రారంభం అయ్యింది. నవ వసంతం పేరుతో సరికొత్తగా ప్రేక్షకుల ముందుకు తెచ్చారు. దీప బాల్యం నుండి ఈ సీరియల్ మొదలైంది.
కార్తీక దీపంలో నటించిన ప్రేమీ విశ్వనాథ్, నిరుపమ్ పరిటాల మరోసారి ప్రధాన పాత్రలు చేస్తున్నారు. కాగా కార్తీక దీపం 2 మొదటివారమే రికార్డు టీఆర్పీ రాబట్టింది. ఈ సీరియల్ 12.93 రేటింగ్ రాబట్టింది. కార్తీక దీపం 2 అర్బన్ లో 10.40, అర్బన్+రూరల్ కలిపి 12.93 రేటింగ్ సాధించింది.
ఒక్క దెబ్బకు టాప్ రేటింగ్ సీరియల్స్ మొత్తం కిందకు పడిపోయాయి. వంటలక్క ఎంట్రీ ఇచ్చాక రికార్డుల మోతే అంటున్నారు. మొదటివారమే ఈ స్థాయిలో రేటింగ్ సాధించిన నేపథ్యంలో కథ రసకందాయంలో పడ్డాక రేటింగ్ రికార్డులు బద్దలు కావడం ఖాయం అంటున్నారు.