గోదావరి బ్రిడ్జిపై 'టైగర్ నాగేశ్వరరావు' ఫస్ట్ లుక్ లాంచ్.. కనీవినీ ఎరుగని హంగామా, ఫొటోస్ వైరల్

మాస్ మహారాజ్ రవితేజ నటిస్తున్న తాజా చిత్రం టైగర్ నాగేశ్వర రావు. 1970, 80 దశకంలో స్టువర్టుపురం గజదొంగ టైగర్ నాగేశ్వర రావు జీవిత చరిత్ర ఆధారంగా బయోపిక్ తెరకెక్కిస్తున్నారు. 

రవితేజ టైటిల్ రోల్ ప్లే చేస్తుండగా.. రేణు దేశాయ్ కీలక పాత్రలో నటిస్తుండడం విశేషం.  టైగర్ నాగేశ్వర రావు చిత్రాన్ని అభిషేక్ పిక్చర్స్ సంస్థ నిర్మిస్తోంది. వంశి అనే నూతన దర్శకుడు ఈ చిత్రాన్ని తెరకెక్కిస్తున్నారు.

కాగా నేడు కనివిని ఎరుగని విధంగా టైగర్ నాగేశ్వర రావు ఫస్ట్ లుక్ ని విడుదల చేశారు. పాన్ ఇండియా చిత్రం కావడంతో ఫస్ట్ లుక్ లాంచ్ అదిరిపోయేలా ప్లాన్ చేశారు. 

రాజమండ్రి బ్రిడ్జిపై ట్రైన్ లోనుంచి ఫస్ట్ లుక్ ఫ్లెక్సీ అదిరిపోయే విధంగా లాంచ్ చేశారు. దీనితో బ్రిడ్జి వద్ద రవితేజ అభిమానులు భారీ ఎత్తున కనిపించారు. ఆ దృశ్యాలు ప్రస్తుతం సోషల్ మీడియాలో వైరల్ అవుతున్నాయి. 

ఫస్ట్ లుక్ లాంచ్ కి సంబంధించిన ఎక్స్ క్లూజివ్ ఫొటోస్ ని మీకు అందిస్తున్నాము. రవితేజ నటిస్తున్న తొలి పాన్ ఇండియా చిత్రం ఇది. ఫస్ట్ లుక్ లో రవితేజ నెవర్ బిఫోర్ అనిపించే విధంగా మాసీ లుక్ లో టెరిఫిక్ గా ఉన్నారు. 

గజదొంగ పాత్ర కాబట్టి అదుర్స్ అనిపిస్తోంది. ఫస్ట్ లుక్ లాంచ్ లో దర్శకుడు వంశి ఆసక్తికర విషయాలు వెల్లడించారు. ఈ చిత్రం కోసం ముందుగా వేరే హీరోలని అనుకున్నాం అని తెలిపారు. 

కానీ వారు ఇతర ప్రాజెక్ట్స్ తో బిజీగా ఉండడం వల్ల  కుదర్లేదు. అన్ని వర్గాల ప్రేక్షకులని రవితేజ మెప్పించగలరు. కాబట్టి ఆయనకి స్క్రిప్ట్ వినిపించినట్లు వంశి తెలిపారు. 

రాజమండ్రి బ్రిడ్జిపై ఈ చిత్రంలో అనేక పోరాట సన్నివేశాలు ఉంటాయి. రోమాలు నిక్కబొడిచేలా ఉంటాయి. కాబట్టే ఫస్ట్ లుక్ ని కూడా ఇక్కడే లాంచ్ చేయాలని అనుకున్నట్లు వంశి తెలిపారు. 

టైగర్ నాగేశ్వరా రావు జీవితంలో బయటపడని వాస్తవాలు ఎన్నో ఉన్నాయి. ఆయన చనిపోయాడని తెలిసి చూడడానికి సుమారు 3లక్షల మంది వెళ్లారు అని నా రీసెర్చ్ లో తెలిసింది అని వంశి అన్నారు. 

టైగర్ నాగేశ్వర రావు వల్ల సాయం పొందినవారు దేశం మొత్తం ఉన్నారు. కాబట్టే ఈ చిత్రాన్ని పాన్ ఇండియా మూవీ గా తెరకెక్కిస్తున్నాం అని తెలిపారు.