Rashmika Mandanna : రష్మిక మందన్న వల్ల 10 కోట్లు లాభం ఎవరికో తెలుసా? చీర కోసం మహిళల క్యూ..

నేషనల్ క్రష్ రష్మిక మందన్న కట్టుకున్న ఓ ఎరుపు, నలుపు చీర ఎంతటి సంచలనం సృష్టించిందో తెలుసా? ఆ ఒక్క చీర కాంబినేషన్‌కు వచ్చిన డిమాండ్‌తో ఓ షాప్ కు  ఏకంగా పది కోట్ల రూపాయల లాభం సంపాదించింది. 

సెలబ్రిటీలే వీరికి దేవుళ్లు

సినిమా తారలను దేవుళ్లుగా ఆరాధించే అభిమానులు ఎందరో ఉన్నారు. వాళ్ల ఒక్క లుక్ కోసం ప్రాణాలిచ్చేవాళ్లూ ఉంటారు. తమ అభిమాన నటీనటులు సిగరెట్ తాగినా, మందు కొట్టినా, కత్తులు పట్టినా.. తాము కూడా అలాగే అనుసరిస్తుంటారు. వీరికి ఆ స్టార్లే అన్నీ.

చీరల షాపులో బంపర్ లాటరీ

రష్మిక మందన్నపై ఉన్న ఈ అభిమానమే ఓ చీరల దుకాణానికి బంపర్ లాటరీ తెచ్చిపెట్టింది. నేషనల్ క్రష్ ఎరుపు, నలుపు బార్డర్ కాంబినేషన్ చీర కట్టడంతో.. అదే చీర కోసం మహిళలు ఎగబడ్డారట.

రష్మిక చీరతో 10 కోట్ల లాభం

'ఇంతకుముందు ఇలాంటి కాంబినేషన్ చీర లేదు. రష్మిక కట్టాక డిమాండ్ పెరగడంతో, మేమే దాన్ని ప్రింట్ చేశాం. పది వేలకు పైగా మహిళలు కొన్నారు. సుమారు పది కోట్ల లాభం వచ్చింది' అని షోరూమ్ యజమాని చెప్పారు.

బిగ్‌బాస్ సెలబ్రిటీలు శిశిర్, ఐశ్వర్య

కన్నడ బిగ్‌బాస్ ఫేమ్ శిశిర్ శాస్త్రి, ఐశ్వర్య సింధోగి ఈ చీరల షాపుకి అతిథులుగా వెళ్లారు. ఆ సమయంలోనే షాప్ యజమాని ఈ విషయాన్ని వాళ్లతో పంచుకున్నారు.

ఐశ్వర్యకు చీరల షాపు ఓనర్ ఆఫర్

'మీరు కూడా ఓ స్పెషల్ కాంబినేషన్ చీర చెప్పండి. దాన్ని మేం మీకు ఇస్తాం. మీరు కట్టుకున్నాక మహిళల నుంచి డిమాండ్ పెరుగుతుంది. ఆ తర్వాత మీ వల్ల మేం లాభం పొందుతాం' అని యజమాని ఐశ్వర్యను అడిగారు. ఈ విషయాన్ని డిజిటల్ సినీ అడ్డా ఇన్‌స్టాగ్రామ్‌లో షేర్ చేశారు.