రష్మిని బకరా చేసిన `జబర్దస్త్` నరేష్‌.. లవ్‌ కాదు ప్రాంక్‌ అంటూ షాక్‌.. ఆమె తన లవర్‌ అని హైపర్ ఆది క్లారిటీ

జబర్దస్త్ నరేష్‌ లైఫ్‌లో ప్రేమ పెళ్లి వంటి ముచ్చట్లు ఉండవని అంతా అనుకుంటున్న వేళ పెద్ద షాకిచ్చాడు. తనకు లవర్ ఉందటూ పరిచయం చేశాడు. హైపర్‌ ఆది పెద్ద బాంబ్‌ పేల్చాడు.   

జబర్దస్త్ నరేష్‌ ఇటీవల పెద్ద షాకిచ్చాడు. శ్రీదేవి డ్రామా కంపెనీ ప్రోమోలో ఆయన తన లవర్‌ని పరిచయం చేసిన విషయం తెలిసిందే. యాంకర్‌ రష్మి అడగ్గా, అందరి సమక్షంలో ఇమెనే తన లవర్‌ అని, రెండేల్లుగా ప్రేమించుకుంటున్నామని వెల్లడించారు. నరేష్‌ ప్రేమ గురించి ఎంత చెప్పినా తక్కువే అని వెల్లడించింది. దీంతో ఆమె ఎవరు? లవ్‌ స్టోరీ ఏంటి అనే తెలుసుకోవాలనే ఆసక్తి అందరిలోనూ కలిగింది. 

దీనికితోడు ప్రేమకి పెద్దలు ఒప్పుకున్నారని, ఏకంగా రష్మి సమక్షంలో స్టేజ్‌పైనే ఆమెకి లవ్‌ ప్రపోజ్‌ చేయడం, ఆమె ఒప్పుకోవడం, ఫ్లవర్‌ ఇవ్వడం జరిగింది. అంతేకాదు తన నాన్నని తీసుకొచ్చి వాళ్లు కూడా అంగీకరించినట్టు చెప్పి,ఆయన వద్ద ఇద్దరూ ఆశీర్వాదాలు తీసుకున్నారు. దీంతో నరేష్‌కి లవర్‌ ఉందా అని అంతా నోరెళ్లబెట్టారు. నరేష్‌ మామూలోడు కాదంటూ ఆశ్చర్యపోయారు. 

తాజాగా పూర్తి ఎపిసోడ్‌ బయటకు వచ్చింది. ఇందులో అసలు విషయాలు బయటపెట్టాడు నరేష్‌. తాను కూడా ప్రేమలో ఉన్నానని, తనకు కూడా లవర్‌ ఉందని, రెండేళ్లుగా ప్రేమించుకుంటున్నట్టు చెప్పారు. ఆ అమ్మాయిని స్టేజ్‌పైకి పిలిచి అందరికి పరిచయం చేశారు. ఆమె పేరు అన్విత అని, ఇన్‌స్టాగ్రామ్‌ ద్వారా పరిచయం అయ్యిందని, ఆ తర్వాత నెంబర్లు మార్చుకోవడం, ఆ తర్వాత ప్రేమించుకోవడం వరకు వెళ్లిందన్నాడు. 

తానే ముందు లవ్‌ ప్రపోజ్‌ చేశానని తెలిపారు నరేష్‌. ఏకంగా చేసి చూపించాడు. దీంతో ఆయనకు ముద్దులు పెట్టింది అన్విత. నరేష్‌ ప్రేమ చాలా గొప్పదని, ఎంతో బాగా చూసుకున్నాడని, మాటల్లో చెప్పలేనంత ప్రేమని పంచాడని వెల్లడించారు. స్టేజ్‌పైనే లవ్‌ ప్రపోజ్‌ చేసుకోవడం, హగ్గులు, ముద్దులు ఇచ్చుకున్నారు. తమ పెళ్లికి పెద్దలు ఓకే చెప్పారని, త్వరలో పెళ్లి చేసుకోబోతున్నట్టు తెలిపారు. 

దీంతో యాంకర్‌ రష్మి తోపాటు హైపర్‌ ఆది, అక్కడ ఉన్న మిగిలిన జబర్దస్త్ కమెడియన్లు అంతా ఆశ్చర్యపోయారు. చాలా మంది కుళ్లుకున్నారు. కానీ అంతలోనే పెద్ద షాకిచ్చారు. ఇదంతా పెద్ద ప్రాంక్‌ అని చెప్పారు. ఏదైనా ఎంటర్‌టైనింగ్‌ కోసం చేయాలనుకున్నప్పుడు ఈ ఆలోచన వచ్చిందని చెప్పారు. రెండేళ్ల పరిచయం లేదు, ప్రేమ లేదు అన్నారు. ఇన్‌స్టా లవ్‌ అసలే కాదన్నారు. అయితే ఇద్దరి మధ్య జస్ట్ ఒక్క రోజు పరిచయం మాత్రమే అని వెల్లడించారు. 

దీంతో యాంకర్‌ రష్మి గౌతమ్‌కి ఫ్యూజులు ఎగిరిపోయాయి. ఇంద్రజ సైతం షాక్‌ అయ్యింది. అయితే ఇందు అదిరిపోయే బాంబ్‌ పేల్చాడు హైపర్‌ ఆది. నిజానికి ఆ అమ్మాయిని నరేష్‌ ప్రేమించలేదని, తాను ప్రేమించినట్టు చెప్పాడు ఆది. దీంతో షోలో నవ్వులు విరిసాయి. మొత్తానికి జబర్దస్త్ నరేష్‌ అంతలోనే షాకిచ్చి, మైండ్‌ బ్లాక్‌ చేసేశాడు. ఇది యూట్యూబ్‌లో వైరల్‌ అవుతుంది.