పేరుకేమో అలా, కానీ నువ్వు చేసే పనులు అడల్ట్.. నెటిజన్ సంచలన కామెంట్ కి రష్మీ ఎలా సమాధానం ఇచ్చిందో తెలుసా

యానిమల్ ప్రొటక్షన్ విషయంలో రష్మీ తరచుగా నెటిజన్లతో వాగ్వాదానికి దిగుతూనే ఉంటుంది. నెటిజన్లు కూడా ఇతర విషయంలో ఆమెని ఇరకాటంలో పెడుతూనే ఉంటారు.

జబర్దస్త్ షో తో క్రేజీ యాంకర్ గా గుర్తింపు తెచ్చుకుంది రష్మీ గౌతమ్. బుల్లితెరపై రష్మీ యాంకరింగ్ చేస్తూ అప్పుడప్పుడూ నటిగా కూడా రాణిస్తూ ఉంది. ఒకప్పుడు రష్మీ, సుధీర్ రొమాన్స్ బుల్లితెరపై ఆడియన్స్ కి మంచి వినోదాన్ని అందించింది.   బుల్లితెరపై గ్లామర్ గా, ఫన్నీగా కనిపించే రష్మీ ఆఫ్ స్క్రీన్ లో జంతువులు అంటే అమితమైన ప్రేమ. జంతులకు ఎక్కడ ఆపద ఉందని తెలిసినా రష్మీ తట్టుకోలేదు.  లాక్ డౌన్ టైంలో ఫుడ్ లేక అల్లాడుతున్న జంతువులకు రష్మీ స్వయంగా ఆహారం అందించింది. ఆ దృశ్యాలు సోషల్ మీడియాలో వైరల్ అయ్యాయి కూడా.

యానిమల్ ప్రొటక్షన్ విషయంలో రష్మీ తరచుగా నెటిజన్లతో వాగ్వాదానికి దిగుతూనే ఉంటుంది. నెటిజన్లు కూడా ఇతర విషయంలో ఆమెని ఇరకాటంలో పెడుతూనే ఉంటారు. రష్మీ కూడా తగ్గకుండా అంతే ఘాటుగా సమాధానాలు ఇస్తోంది. 

తాజాగా రష్మీకి, నెటిజన్లకు మధ్య సినిమా, బుల్లితెరపై ప్రదర్శించే కంటెంట్ విషయంలో తీవ్రమైన వాగ్వాదం జరిగింది. సోషల్ మీడియా వేదికగా రష్మీ గౌతమ్ మరోసారి రచ్చ చేసింది. యానిమల్స్ కి చిన్న ఆపద వచ్చినా రష్మీ తట్టుకోలేదు. ఓ నెటిజన్..  ట్రైన్ కి గుద్దుకోవడం వాళ్ళ ఓ ఏనుగు తీవ్రంగా గాయపడింది. ఆ దృశ్యాలని చూపిస్తూ.. నీకు దమ్ముంటే బిజెపి ప్రభుత్వాన్ని ఈ విషయంలో ప్రశ్నించు అని అన్నారు. 

తాను ఆల్రెడీ ఆ పని చేశానని రష్మీ రిప్లై ఇచ్చింది. మీకు దమ్ముంటే మాంసం మానేయండి అని కోరింది. ఆ తర్వాత వివాదం మరో టర్న్ తీసుకుంది. ఎలా అంటే సినిమాల్లో చూపించే అడల్ట్ కంటే, టివి షోలలో చూపించే అడల్ట్ డైలాగ్స్ విషయంలో పెద్ద రచ్చే జరిగింది. 

Rashmi Gautam

సమాజంలో అత్యాచారాలు లాంటి సంఘటనలు జరగకుండా ఉండాలంటే పిల్లల్ని పేరెంట్స్ సరిగా పెంచాలని రష్మీ సూచించింది. దీనితో ఓ నెటిజన్ మీరు చేసేది చేస్తూనే ఉంటారు.. కానీ పిల్లలని మాత్రం కంట్రోల్  లో ఉంచాలని చెబుతారు అంటూ ప్రశ్నించారు.  

ఈ విషయంలో బుల్లితెరని నిందించడం ఆపండి. బుల్లితెర మాత్రమే కాదు ప్రతి కంటెంట్ ప్రభావం చూపుతోంది. ఓటిటి, సినిమా ప్రభావం కూడా ఉంది అని రష్మీ పేర్కొంది. ఓ నెటిజన్ మరింత ఘాటుగా ప్రశ్నించాడు. మూవీస్ లో చూపిస్తున్నారు నిజమే.. దానికి వ్యతిరేకం. మీరు కూడా అలాంటి చిత్రాల్లో నటించారు. ఫ్యామిలీ షోలు అని చెప్పి అడల్ట్ కంటెంట్ తో చేస్తున్నారు. అలాంటివి మీరు మానేయొచ్చుకదా అని ప్రశ్నించారు. ఫ్యామిలీ షో అని చెబితే పెద్దలతో పాటు పిల్లలు కూడా చూస్తారు రష్మిని ఇరకాటంలో పెట్టారు. 

Rashmi Gautam

అలాగైతే వర్క్ లేని ఆర్టిస్టుల కోసం పబ్లిక్ ఫండింగ్ మొదలు పెట్టండి. అప్పుడు ఇలాంటి షోలు మానేసి.. మంచి షోలు మాత్రమే చేస్తాం అంటూ రష్మీ బదులిచ్చింది.