సుడిగాలి సుధీర్‌, రష్మి గౌతమ్ ల మధ్య లవ్‌ ట్రాక్‌ జబర్దస్త్ షోకి మెయిన్‌ హైలైట్‌గా నిలిచింది. కానీ తాజాగా రష్మి సుధీర్‌పై చేసిన కామెంట్లు అందరిని ఫూల్‌ని చేస్తున్నాయి.
జబర్దస్త్ యాంకర్‌ రష్మి గౌతమ్.. సుడిగాలి సుధీర్‌ కొన్నేళ్లపాటు లవ్‌ ట్రాక్‌ నడిపించి ఆడియెన్స్ ని అలరించారు. నిజంగానే ఈ ఇద్దరు లవ్‌ లో ఉన్నారనేలా జబర్దస్త్ షోలో సందడి చేశారు. డ్యూయెట్లు, లవ్‌ ప్రపోజల్స్, పెళ్లిళ్లు చేసుకుని రచ్చ చేశారు. పరోక్షంగా ఒకరిపై ఒకరు ప్రేమని వ్యక్తం చేసుకుంటూ రెచ్చిపోయారు. ఇప్పటికీ ఇద్దరిపై అటు ఆటో రామ్‌ ప్రసాద్, ఇటు హైపర్‌ ఆది పంచ్‌లు వేస్తూనే ఉంటారు. దాన్ని రష్మి సైతం అంతే పాజిటివ్‌గా తీసుకుంటుంది.
ఇదిలా ఉంటేఈ ఇద్దరు దూరమై గత రెండేళ్లకు పైగానే అవుతుంది. సుధీర్‌.. జబర్దస్త్ వదిలి సినిమాల్లోకి వెళ్లాడు. రెండు మూడు సినిమాలతో అలరించారు. కానీ ఇప్పుడు మళ్లీ బుల్లితెరపై సందడి చేస్తున్నారు. ఆయన సెపరేట్‌గా `సర్కార్‌ 4`, `ఫ్యామిలీ స్టార్` షోలకు యాంకర్‌గా వ్యవహరిస్తున్నారు. అలాగే రష్మి `జబర్దస్త్`, `శ్రీదేవి డ్రామా కంపెనీ`లకు యాంకర్‌గా కంటిన్యూ అవుతుంది. మొత్తంగా ఈ ఇద్దరు దూరమయ్యారని చెప్పొచ్చు.
ఈ నేపథ్యంలో తాజాగా రష్మి గౌతమ్.. సుధీర్‌ గురించి స్పందించింది. మల్లెమాల చిట్‌చాట్‌లో సంచలన విషయాలను బయటపెట్టింది. అంతేకాదు సుధీర్‌కి తనకు మధ్య ఏదీ లేదని చెప్పకనే చెప్పింది. ఇందులో సుధీర్‌, ప్రదీప్‌, శేఖర్‌ మాస్టర్‌లలో ఎవరితో స్క్రీన్‌పై రొమాన్స్ చేయడం ఇష్టమనే ప్రశ్న ఎదురయ్యింది. దానికి అంతా సుధీర్‌ పేరు చెబుతుందని భావించారు. కానీ అందరికి షాకిస్తూ ప్రదీప్‌ పేరు చెప్పింది రష్మి. సుధీర్‌ జబర్దస్త్ వల్లే పరిచయం అని, కానీ ప్రదీప్‌ `యువ` సీరియల్‌ నుంచి పరిచయం అని, ఆయనతోనే ఎక్కువ ర్యాపో ఉందని, తమది డిఫరెంట్‌ బాండింగ్‌ అని చెప్పింది రష్మి. శేఖర్‌ మాస్టర్‌పై రెస్పెక్ట్ ఉంటుందని, ఇలా చేయలేనని తెలిపింది.
అంతేకాదు మరోసారి కూడా ప్రదీప్‌ పేరే చెప్పింది రష్మి. సుధీర్‌, ప్రదీప్‌, హైపర్‌ ఆదిలో బెస్ట్ ఎంటర్‌టైనర్‌ ఎవరు అనగా, ప్రదీప్‌ అని, ఆయన ముసలి వాళ్లని, చిన్న పిల్లలతో సహా ఎవరినైనా నవ్వించగలడు, అలరించగలడు అని తెలిపింది రష్మి. ఇక ముద్దు, చెంప్పదెబ్బ, హెచ్చరిక ఎవరికి ఇస్తారని అడగ్గా, ఆది విసిగిస్తాడు కాబట్టి చెంపదెబ్బ, సుధీర్‌కి వార్నింగ్‌ ఇస్తానని, ప్రదీప్‌కి మాత్రం కిస్‌ ఇస్తానని చెప్పి మరోసారి షాకిచ్చింది రష్మి. అంతేకాదు, పార్టీ, ట్రావెల్‌, షాపింగ్ ఎవరితో చేస్తారని అడగ్గా, సిద్దు జొన్నలగడ్డతో పార్టీకి వెళ్తానని, సుధీర్‌తో షాపింగ్ వెళ్తానని, ప్రదీప్‌తో ట్రావెల్‌ చేస్తానని వెల్లడించి ఆశ్చర్యపరిచింది.
సుడిగాలి సుధీర్‌తో పెళ్లి, లవ్‌ అంటూ ట్రోల్స్, మీమ్స్ వచ్చిన నేపథ్యంలో దానిపై మీ రియాక్షన్ ఏంటని అడగ్గా, అది పార్ట్ ఆఫ్‌ ఎంటర్‌టైన్‌మెంట్‌ అని చెప్పింది రష్మి. వాటిని సీరియస్‌గా తీసుకోనని వెల్లడించింది. సుధీర్‌ వల్లే రష్మికి క్రేజ్‌ వచ్చింది, గుర్తింపు వచ్చిందనే కామెంట్లపై స్పందిస్తూ ఇక్కడ ఎవరు ఎవరి వల్ల ఎదగలేరని, వారి కష్టం, టాలెంట్‌ వల్లే సాధ్యమని చెప్పింది రష్మి. ఎవరిని ఎవరు తొక్కలేరు, లేపలేరని స్పష్టం చేసింది. ప్రస్తుతం ఆమె కామెంట్లు సోషల్‌ మీడియాలో దుమారం రేపుతున్నాయి. సుధీర్‌ విషయంలో రష్మి చేసిన కామెంట్లు ఆయన ఫ్యాన్స్ కి గుండెపగిలేలా చేస్తున్నాయని చెప్పడంలో అతిశయోక్తి లేదు. ఇన్నాళ్లు చేసిందంతా ఉత్తిదేనా అంటూ నోరెళ్లబెడుతున్నారు అభిమానులు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి