Intinti Gruhalakshmi: లాస్య దుమ్ము దులిపిన రాములమ్మ.. అత్తను గెలిచిన ఆనందంలో దివ్య?

Intinti Gruhalakshmi: స్టార్ మా లో ప్రసారమవుతున్న ఇంటింటి గృహలక్ష్మి సీరియల్ మంచి కంటెంట్ తో టాప్ సీరియల్స్ కి పోటీ పడుతుంది. రెండవ భార్య వల్ల టార్చర్ అనుభవించి ఆఖరికి ఆమె పీడ  వదిలించుకున్న ఒక భర్త కథ ఈ సీరియల్. ఇక ఈరోజు జూన్ 23 ఎపిసోడ్ లో ఏం జరిగిందో చూద్దాం.  

 ఎపిసోడ్ ప్రారంభంలో లాస్య పీడ వదిలిపోయినందుకు ఆనందపడుతూ ఉంటారు తులసి వాళ్ళు. ఇంతలోనే రాములమ్మ వాళ్ళ దగ్గరికి రాబోతుంది. ఆమె జుట్టు పట్టుకుని నాకే నమ్మకద్రోహం చేస్తావా అంటూ నిలదీస్తుంది లాస్య. అది నీ దగ్గరే నేర్చుకున్నాను తులసమ్మతో మంచిగా ఉంటూ నందు బాబుని లాక్కున్నావు అది నమ్మకద్రోహం కాదా? డబ్బుకు ఆశపడి దివ్య జీవితాన్ని తాకట్టు పెట్టావు అది నమ్మకద్రోహం కాదా అంటూ నిలదీస్తుంది రాములమ్మ.

చాలా ఎక్కువ మాట్లాడుతున్నావు నువ్వు ఇంటి పనిమనిషివి అది గుర్తుపెట్టుకో అంటుంది లాస్య. నాకు ఆ హోదా అయిన ఉంది నీకు ఆ హోదా కూడా లేదు. మా ఇంట్లో వాళ్ళందరూ మంచివాళ్లు నమ్మకంగా ఉంటే పని మనిషిని కూడా నెత్తిన పెట్టుకుంటారు చదువు లేని వాళ్ళకి తెలివి ఉండదని నేను తులసమ్మకి ద్రోహం చేస్తానని ఎలా అనుకున్నావు తులసమ్మ శ్రీరామచంద్రుడైతే నేను ఆంజనేయ స్వామిని.

చూసి రమ్మంటే కాల్చి వచ్చేస్తాను అంటూ తులసి చేసిన మంచి పనులన్నీ చెప్తుంది రాములమ్మ. అలాంటి మనిషి మీద కూడా నీకు విశ్వాసం లేదంటే నీది ఏం జన్మ అని అసహ్యించుకుంటుంది రాములమ్మ. పని మనిషిని నా మీద ఎగదోసి తమాషా చూస్తున్నావ్ కదా అని కేకలు వేస్తుంది లాస్య. గెలిచానని సంతోషిస్తున్నారేమో ఆ సంతోషాన్ని ఎక్కువ రోజులు ఉండనివ్వను అంటుంది.

నేను బాగుపడకపోయినా పర్వాలేదు కానీ నిన్ను మాత్రం బాగుపడనివ్వను అని నందుతో ఛాలెంజ్ చేస్తుంది. నీకు నచ్చినట్లు చేసుకో అని లాస్య చేతిలో కారు తాళాలు లాక్కొని ఆమె లగేజ్ తీసుకువచ్చి ఆమె ముందు విసిరేసి ఇక నీ దారి నువ్వు చూసుకో అని చెప్తాడు. కోపంతో అక్కడినుంచి వెళ్ళిపోతుంది లాస్య. మీ నందు బాబు జీవితాన్ని ఒక మలుపు తిప్పావు అంటూ రాములమ్మని తులసి వాళ్ళందరూ పొగుడుతారు.

మీరందరూ సంతోషంగా ఉండటమే నాకు కావాలి అంటుంది రాములమ్మ. కోర్టు నుంచి బయలుదేరేటప్పుడు తండ్రి పక్కన తులసిని కూర్చోబెట్టి తను వెనక సీట్లో కూర్చుంటుంది దివ్య. నిశ్శబ్దంగా ఉన్న తల్లిదండ్రులను చూసి కాసేపు సరదాగా మాట్లాడొచ్చు కదా అంటుంది దివ్య. మనం దారిలో దివ్య డ్రాప్ చేయాలి అని నందుకు చెప్తుంది తులసి. అక్కడ మా అత్తగారు ఇక్కడ నువ్వు ఇద్దరికి ఇద్దరు బాగా సరిపోయారు నేను కారు దిగను అంటూ నవ్వుతుంది దివ్య.

మా బెంగ నీ గురించే అంటాడు నందు. నా గురించి బెంగ మానేయండి మీరు కొత్త జీవితాన్ని ప్రారంభించండి అని తండ్రితో చెప్తుంది దివ్య. ఇంటి నుంచి కోర్టుకు బయలుదేరేటప్పుడు పూర్తిగా జీవితం మీద ఆశలు వదిలేసుకుని బయలుదేరాను కానీ మీ అమ్మ నాకు కొన్ని జీవితాన్ని ఇచ్చింది అని తులసిని మెచ్చుకుంటాడు నందు. వాళ్లు అలా మాట్లాడుకుంటూ ఉండగానే దివ్య వాళ్ళ ఇల్లు వస్తుంది. ఇంట్లోకి రమ్మంటుంది దివ్య.

ఇప్పుడు వద్దు మీ అత్తగారి మాటలు భరించలేము మరెప్పుడైనా వస్తాను అంటే నీకు నాలుగు మంచి మాటలు చెప్పాలనిపిస్తుంది ఓపికగా విను అంటూ అత్తగారితో ఎలా మసులుకోవాలో కాపురాన్ని ఎలా సరిదిద్దుకోవాలో దివ్యకి చెప్తుంది తులసి. తులసి వెళ్లి కారులో కూర్చున్న తరువాత అమ్మ తన జీవితం కోసం చాలా బాధపడుతుంది తను నీకోసం చాలా చేసింది నువ్వు ఆమెకి రిటర్న్ గిఫ్ట్ ఇవ్వాలి కదా అంటుంది దివ్య.

నేను ఎంత చేసినా అది తులసి ముందు ఎందుకు పనికిరావు అంటాడు నందు. నీ భుజాన్ని ఆమెకి ఎందుకు ఆసరా ఇవ్వకూడదు. అమ్మకి కొత్త జీవితాన్ని ఇవ్వచ్చు కదా. నీ దగ్గర ఉన్న చనువుతో ఇలా మాట్లాడుతున్నాను మీ ఇద్దరు కలిసి ఉంటే నేను సంతోషిస్తాను అని తండ్రికి చెప్పి అలా జరిగేలాగా చూడు అంటూ తండ్రిని రిక్వెస్ట్ చేస్తుంది దివ్య. మరోవైపు రాములమ్మ అన్న మాటలు తలుచుకొని కోపంతో రగిలిపోతూ ఉంటుంది లాస్య.

తరువాయి భాగంలో తన హాస్పిటల్ లో లాస్యని అపాయింట్ చేద్దామనుకుంటుంది రాజ్యలక్ష్మి. అలా చేయటం దివ్యకి ఇష్టం లేదని చెప్పి వెళ్ళిపోతాడు విక్రమ్. కోర్టులో మా నాన్న గెలిచాడు ఇక్కడ నేను గెలిచాను అంటూ ఆనందంగా రాజ్యలక్ష్మితో చెప్తుంది దివ్య.