సల్మాన్ ను కౌగిలించుకుంటే రజినీకాంత్ కు కోపం వచ్చింది.. హీరోయిన్ రంభ సంచలన వ్యాఖ్యలు.

అరుణాచలం షూటింగ్‌లో రజనీకాంత్ తననుఏడిపించాడంటోంది హీరోయిన్ రంభ. తాజాగా ఇచ్చిన ఓ ఇంటర్య్యూలో ఆమె ఈ వ్యాక్యలు చేశారు. ఇంతకీ ఆమె ఏమంటుందంటే..?   

సౌత్ స్క్రీన్ తో పాటు.. బాలీవుడ్ ను కూడా ఒక ఊపు ఊపి వదిలి పెట్టింది. హాట్ నటి రంభ. 1990లలో అగ్ర కథానాయికగా వెలుగొందిన ఆమె 1996లో సుందర్ సి దర్శకత్వంలో వచ్చిన  ఉనుతై అల్లిత్త  సినిమాతో ఫిల్మ్ ఇండస్ట్రీలోకి ఎంట్రీ ఇచ్చింది. ఈసినిమాలో కార్తీక్ సరసన రంభ నటించింది. లక్కీగా ఈమూవీ సూపర్ హిట్ అవ్వడంతో.. వెంట వెంటనే ఆఫర్లు అందుకుంది రంభ. 

ఇక నెక్ట్స్ ఇయర్  రంభకు సూపర్‌స్టార్‌ రజనీకాంత్‌తో నటించే అవకాశం వచ్చింది. తమిళ్ లో తనకు మంచి కెరీర్ ను అందించిన సుందర్ సి డైరెక్షన్ లో రజనీకాంత్ బ్లాక్ బస్టర్ హిట్ మూవీ అరుణాచలం సినిమాలో రజనీకాంత్ పీఏగా నందిని పాత్రను రంభ పోషించింది. అయితే  ఈ సినిమా షూటింగ్‌లో రజనీకాంత్  చేసిన పనికి  కన్నీళ్లు పెట్టుకున్నట్లు నటి రంభ ఇటీవల ఓ ఇంటర్వ్యూలో చెప్పింది.

ఆమె మాట్లాడుతూ ఇలా అన్నారు.. అరుణాచలం సినిమాలో నటిస్తున్నప్పుడు సల్మాన్‌ ఖాన్‌తో బంధన్‌ అనే బాలీవుడ్‌ సినిమాలో కూడా నటించాను. అప్పుడు ఈ రెండుసినిమాల షూటింగ్ హైదరాబాద్‌లో జరుగుతోంది. అందుకే ఉదయం నుంచి మధ్యాహ్నం వరకు అరుణాచలం, మధ్యాహ్నం నుంచి రాత్రి వరకు బంధన్‌ షూటింగ్‌ చేశాను.

ఇలా జరుగుతున్నప్పుడు ఒకరోజు బంధన్ షూటింగ్ స్పాట్ నుంచి సల్మాన్ ఖాన్, జాకీ ష్రాఫ్‌లు రజనీకాంత్‌ని చూసేందుకు అరుణాచలం సినిమా సెట్‌కి వచ్చారు. వాళ్లను చూడగానే మా హీరో వచ్చాడు అన్నట్టుగా నేను ఎక్కడ ఉన్నాను అన్నది మర్చిపోయి.. వెంటనే వెటనే సల్మాన్ ను  కౌగిలించుకుని పలకరించాను. రజనీ సార్ ఇదంతా  దూరం నుంచి చూస్తున్నారు. తర్వాత రజినీ సార్, సుందర్ సి అందరూ వారితో మాట్లాడారు.

ఆ తర్వాత వాళ్లు వెళ్లిన తరువాత అసలు కథ స్టార్ట్ అయ్యింది.  సెట్‌లో గందరగోళం.. నెలకొంది. రజనీకాంత్ టవల్ విసిరికొట్టి ఆగ్రహంతో మాట్లాడారు. సుందర్ సి నా వైపు చూశారు.. నాకేమీ అర్థం కావడం లేదు. అప్పుడు కెమెరామెన్ వచ్చి ఏం మేడమ్ ఇలా చేశావు, ఇకపై మీతో నటించను అని రజినీసార్ అంటున్నారు అని అన్నారు. దాంతో నేను బోరున ఏడవసాగాను. 

వెంటనే నేను ఏడ్చడం చూసి రజనీసార్  భయపడి పరిగెత్తుకుంటూ వచ్చి.. నన్ను ఓదార్చారు.. ఆమెను ఎందుకు ఏడాపించావు అని పక్కన వారిని కోప్పడ్డారు.  అసలేమి  జరిగింది సార్ అని నేను  అడిగాను. వెంటనే షూటింగ్ స్పాట్‌లో ఉన్న వారందరినీ పిలిచి.. నిలుచోబెట్టి మరీ.. చెప్పారు..  ఉదయం సల్మాన్ ఖాన్ రాగానే రంభ ఎలా పారిపోయి కౌగిలించుకుందో  ప్రాక్టికల్ గా ఆయన చేయించి చూపించారు. 

అదే మా సినిమా సెట్ లో అయితే..  గుడ్ మార్నింగ్ సార్ అని చెప్పి వెళ్లిపోతానని చెప్పి.. వాళ్ల సినిమా హీరో అయితే.. ఇలా కౌంగిలించుకుని మరీ చెపుతారు.. హిందీ నటుడు అయితేనే వెళ్లి  కౌగిలించుకుంటావా అని సరదాగా నన్ను ఏడిపించారు అని రంభ ఆనాటి సంగతులు గుర్తు చేసుకున్నారు. 

అయితే రజనీ సర్‌ని నేనెప్పుడూ అలా చూడలేదు. సల్మాన్ ఖాన్ ను కౌగిలించుకున్నందకు ఆయనకు కోపం వచ్చింది. నేను వెంటనే వివరణ ఇచ్చాను..  ఇది ఉత్తర భారత సంస్కృతి అని చెప్పాను. వెంటనే తను రేపటి నుంచి యూనిట్‌లో అందరూ వరుసలో నిలుచోవాలి..  రంభ వచ్చి అందరినీ కౌగిలించుకుని గుడ్ మార్నింగ్ చెపుతుంది అని మరో సారి ఆటపట్టించారు.