సీనియర్‌ హీరోయిన్‌ రంభ ఎన్టీఆర్‌పై ఆసక్తికర వ్యాఖ్యలు చేసింది. చిరంజీవి, బన్నీ, ప్రభుదేవా, బాలయ్యలను కాదని, ఆ విషయంలో తారక్‌ కి ఓటేసింది రంభ
రంభ ఒకప్పుడు టాలీవుడ్‌ని షేక్‌ చేసిన హీరోయిన్‌. అందంతో కుర్రకారుని ఉక్కిరి బిక్కిరి చేసిన గ్లామర్‌ బ్యూటీ. చేసింది కొన్ని సినిమాలే అయినా తన మార్క్ ని వేసుకుంది. ఆద్యంతం అలరించింది. అందంతోనే కాదు, నటనతోనూ మెప్పించింది. ఇన్నోసెంట్‌గా, యాటిట్యూడ్‌ అమ్మాయిగా, గ్లామర్‌ బాంబ్‌గా, పల్లెటూరి అమ్మాయిగా ఇలా అన్ని రకాల పాత్రల్లోనూ మెప్పించింది రంభ.
కరెక్ట్ గా పదేళ్ల పాటు హీరోయిన్‌గా రాణించింది రంభ. ఈ పదేళ్లలోనే ఇటు తెలుగు, అటు తమిళం, హిందీ, మలయాళం, కన్నడ భాషల్లోనూ సినిమాలు చేసి నార్త్, సౌత్‌ని ఊపేసింది. తెలుగులో దాదాపు 40, తమిళంలో దాదాపు35, 17 హిందీలో, తొమ్మిది కన్నడ, తొమ్మిది మలయాళంలో, ఏడు ఇతర భాషల్లో చేసింది. ఇలా పదేళ్ల టైమ్‌ పీరియెడ్‌లోనే ఆమె ఏకంగా సుమారు 117 సినిమాలు చేసింది. ఇందులో ఐటెమ్‌ సాంగ్స్ కూడా ఉన్నాయి. యావరేజ్‌గా ఆమె ఏడాదికి 12 సినిమాలు చేసిందని చెప్పొచ్చు.
ఈ రేంజ్‌లో సినిమాలు చేసిందంటే రంభ క్రేజ్‌ ఏ స్థాయిలో ఉందో అర్థం చేసుకోవచ్చు. పదేళ్లపాటు సునామీలా చుట్టేసి వెళ్లిపోయింది. తన పాత్రలతో సినిమాలతో అలరిస్తుంది. రంభ నటిగానే కాదు, ఐటెమ్‌ సాంగ్‌లకు చాలా స్పెషల్‌. ఆమె చివర్లో ఎక్కువగా స్పెషల్‌ సాంగ్సే చేసింది. దుమ్ము దుమారం రేపింది.
తెలుగులో `హలో బ్రదర్‌` నుంచి `అక్కడ అమ్మాయి ఇక్కడ అబ్బాయి`, `ఇద్దరు మిత్రులు`, `మృగరాజు`, `దేశముదురు`, `యమదొంగ` చిత్రాల్లోచేసింది. ఎన్టీఆర్‌ చేసిన `యమదొంగ`లో నాచోరే నాచోరే పాట ఎంతగా ఊపేసిందో తెలిసింది. ఇందులో ఎన్టీఆర్‌ డాన్స్ లకు, రంభ అందం, అద్బుతమైన డాన్స్ లకు ఆడియెన్స్ ఫిదా అయ్యారు. సాధారణంగా ఎన్టీఆర్‌ సినిమాల్లో డాన్స్ అంటే అంతా ఆయన్నే చూస్తారు. హీరోయిన్లని చూడరు, కానీ తారక్‌ని డామినేట్‌ చేసింది. కానీ ఇందులో తారక్‌ స్టెప్పులు ఎవర్‌ గ్రీన్‌.
ఇదిలా ఉంటే రంభ ఎన్టీఆర్‌పై ప్రశంసలు కురిపించింది. మీరు డాన్స్ చేసిన హీరోల్లో మీ ఫేవరేట్‌ ఎవరు అనే ప్రశ్నకి రంభ రియాక్ట్ అయ్యింది. చిరంజీవి, బాలకృష్ణ, ఎన్టీఆర్‌, ప్రభుదేవా, అల్లు అర్జున్‌ లు ఛాయిస్‌గా ఉండగా, ఆమె ఎన్టీఆర్‌ పేరు చెప్పింది. పర్సనల్‌గా తనకు చిరంజీవి అంటే ఇష్టమని, కానీ డాన్స్ విషయానికి వస్తే ఎన్టీఆర్‌ బెస్ట్ డాన్సర్‌ అని చెప్పింది రంభ.
ఎన్టీఆర్‌ డెడికేషన్‌, హార్డ్ వర్క్ నెక్ట్స్ లెవల్‌ అని తెలిపింది. ఓ స్టెప్ చేసినప్పుడు తన కాళ్లు కొట్టుకుపోయి వాచి నొప్పితో ఉన్న కూడా లెక్క చేయకుండ `నాచోరే`లో డాన్స్ చేశాడని, ఆయన డెడికేషన్‌ లెవల్‌కి హ్యాట్సాప్‌ అని చెప్పింది రంభ. అంతేకాదు మనం స్క్రీన్‌పై ఆ హీరోని చూస్తుంటే వాహ్‌ అనిపించాలి. అలా నాకు ఎన్టీఆర్‌ అనిపిస్తుందని, ఆయన డాన్స్ చేస్తుంటే తనకు పిచ్చెక్కిపోతుందని చెప్పింది రంభ.
ప్రస్తుతం తాను తన భర్త వ్యాపారాలను చూసుకుంటున్నానని, ఫ్యామిలీ లైఫ్‌కే పరిమితమయినట్టు చెప్పింది రంభ. చాలా రోజుల ఓ ఇంటర్వ్యూలో ఆమె ఈ విషయాలను పంచుకుంది. తనకు గ్లామర్‌ పాత్రలు చేయడమే ఇష్టమని పేర్కొంది. నటనకు స్కోప్‌ ఉన్న పాత్రలతోపాటు గ్లామర్‌ రోల్స్ చేయడానికి ఇష్టపడతానని, రెండూ బ్యాలెన్స్ చేయాలని ఉంటుందని చెప్పింది. అయితే గ్లామర్‌ రోల్స్ చేయడం వల్ల ఇష్టమైన డ్రెస్సులు వేసుకోవచ్చు అని పేర్కొనడం విశేషం.