రంభ రీఎంట్రీ ప్లాన్‌.. అప్పట్లో గ్లామర్‌తో దుమారం, ఇప్పుడు ఏం చేయబోతుందంటే?

Rambha Re entry: ఒకప్పటి స్టార్‌ హీరోయిన్‌, గ్లామర్‌ సెన్సేషన్‌ రంభ తన రీఎంట్రీ ప్లాన్ వెల్లడించింది. ఒకప్పుడు గ్లామర్‌ పాత్రలతో ఆకట్టుకున్న రంభ ఇప్పుడు తనలోని మరో కోణాన్ని చూపించబోతుందట. 

Rambha re entry

రంభ.. 1990లో గ్లామర్‌ పాత్రలతో అటు బాలీవుడ్‌, ఇటు సౌత్‌ ఇండస్ట్రీని ఓ ఊపు ఊపేసింది. హీరోగా గ్లామర్‌ పాత్రల్లో నటించి మెప్పించింది. తనకంటూ సెపరేట్‌ ఫ్యాన్‌ బేస్‌ని ఏర్పర్చుకుంది. దాదాపు అందరు స్టార్‌ హీరోల సరసన నటించి మెప్పించింది.

సినిమాని తనదైన స్టయిల్‌లో షేక్‌ చేసింది. సినిమాలో ఉంభ ఉందంటే మాస్‌ ఆడియెన్స్ కి పండగే. కుర్రకారు నుంచి, పెద్ద వయసు వాళ్లు సైతం ఆమె సినిమాలు చూసేందుకు ఇష్టపడేవాళ్లు, థియేటర్‌కి క్యూ కట్టేవాళ్లు. అంతటి కిక్‌ ఆమె ట్రీట్‌లో, డాన్సుల్లో ఉండేది. 

Rambha Re entry:

అప్పట్లో అత్యంత బిజీయెస్ట్ హీరోయిన్‌గా పేరు తెచ్చుకుంది రంభ. ఓ వైపు రమ్యకృష్ణ, సౌందర్య, మీనా, నగ్మా వంటి కథానాయికలు జోరు మీదున్నారు. వాళ్లు బాగా నటిస్తారు, గ్లామర్‌ పరంగానూ ఆకట్టుకుంటారు. వాళ్లని తట్టుకుని నిలబడటం అంటే మామూలు విషయం కాదు, కానీ రంభ నిలబడింది.

ఇంకా చెప్పాలంటే వాళ్లందరికి పోటీ ఇచ్చింది. కొన్ని సందర్భాల్లోవాళ్లంతా కుళ్లుకునేలా చేసింది. తెలుగు, తమిళం, మలయాళం, కన్నడ, హిందీ పరిశ్రమలను షేక్‌ చేసింది. కరెక్ట్ గా పదేళ్లు ఆమె ఇండస్ట్రీలో ఉంది.

వందకు పైగా సినిమాలు చేసింది. ఏడాదికి పదికిపైగా సినిమాలు ఆమె నుంచి వచ్చేవంటే రంభ ఎంత బిజీగా ఉండేదో అర్థం చేసుకోవచ్చు. చిరంజీవి వంటి బిగ్‌ స్టార్స్ సైతం రంభ డేట్స్ కోసం వెయిట్‌ చేసిన రోజులున్నాయి. నాగార్జున వంటి హీరోకి డేట్స్ ఇవ్వలేకపోయ్యింది రంభ.  

Rambha Re entry:

అంతటి బిజీ హీరోయిన్‌గా నిలిచిన రంభ పెళ్లి చేసుకున్నాక సినిమాలకు గుడ్‌ బై చెప్పింది. మధ్యలో ఒకటి అర చిత్రాల్లో కనిపించింది. స్పెషల్‌ సాంగ్స్ తో ఊపేసింది. ఇప్పుడు మాత్రం పూర్తిగా ఫ్యామిలీకే పరిమితమయ్యింది. ఈ నేపథ్యంలో ఆ మధ్య మీడియాతో మాట్లాడింది.

మళ్లీ తాను సినిమాల్లోకి రావాలనుకుంటున్నట్టు తెలిపింది. తాజాగా తన రీఎంట్రీ ప్లాన్ వెల్లడించింది. ఒకప్పుడు గ్లామర్‌ పాత్రలతో ఆకట్టుకున్న రంభ ఇప్పుడు తనలోని మరో కోణాన్ని చూపించబోతుందట. 

rambha

రీఎంట్రీపై రంభ స్పందించింది. ఆమె మాట్లాడుతూ.. ‘నా ఫస్ట్ ఛాయిస్ ఎప్పుడూ సినిమానే. ఇక ఇప్పుడు ఎలాంటి ఛాలెంజింగ్ రోల్స్ చేసేందుకు అయినా నేను సంసిద్దంగా ఉన్నాను. అందుకు ఇదే సరైన సమయం అని నేను భావిస్తున్నాను.

కొత్త పాత్రలను ఎంచుకుని, మళ్లీ ఆడియెన్స్‌ను ఆకట్టుకునే సినిమాలతో రీ ఎంట్రీ ఇవ్వాలని ఎదురుచూస్తున్నాను’ అని అన్నారు. ఇక అభిమానులు, ప్రేక్షకులు ఆమె రీ ఎంట్రీ కోసం ఆసక్తిగా ఎదురు చూస్తున్నారు. మరి రంభ రీ ఎంట్రీ ఎలా ఉంటుందో.. ఎలాంటి చిత్రాలతో ఆడియెన్స్ ముందుకు వస్తుందో చూడాలి. 

rambha

అయితే గతంలోనూ ఓ ఇంటర్వ్యూలో ఆమె మాట్లాడుతూ, ఒకప్పుడు గ్లామర్‌ పాత్రలు చేశాను. ఇకపై మాత్రం నటనకు స్కోప్‌ ఉన్న పాత్రలు మాత్రమే చేస్తానని, తనలోని మరో యాంగిల్‌ని ఆడియెన్స్ కి చూపించాలని, మంచి నటిగా గుర్తింపు తెచ్చుకోవాలని కోరుకుంటున్నట్టు తెలిపింది. మరి సెకండ్‌ ఇన్నింగ్స్ లో ఈ అమ్మడు ఏ స్థాయిలో రాణిస్తుందో చూడాలి.