Ramayana Trailer: రామాయణం ట్రైలర్‌కు గ్రీన్ సిగ్నల్.. ఈ నెలలోనే గ్రాండ్ లాంచ్.. ఎప్పుడంటే?

Ramayana Trailer: దేశమంతా ఎంతో ఆసక్తిగా ఎదురుచూస్తున్న రామాయణం సినిమా ట్రైలర్‌కు సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) 'U' సర్టిఫికేట్ ఇచ్చింది. దీంతో జూలై లోనే ఈమూవీ ట్రైలర్ ప్రపంచవ్యాప్తంగా రిలీజ్ కావడానికి లైన్ క్లియర్ అయ్యింది.

రామాయణం ట్రైలర్‌కు గ్రీన్ సిగ్నల్..

రామాయణం ట్రైలర్‌కు సెంట్రల్ బోర్డ్ ఆఫ్ ఫిల్మ్ సర్టిఫికేషన్ (CBFC) 'U' (యూనివర్సల్) సర్టిఫికేట్ ఇచ్చింది. దీంతో ఈ ట్రైలర్‌ను అన్ని వయసుల వారు చూడొచ్చు. జూలై 15న ఈ సర్టిఫికేషన్ జారీ చేశారు. సర్టిఫికేషన్ వివరాల ప్రకారం, ట్రైలర్‌లో రెండు వెర్షన్లకు ఆమోదం తెలిపారు. 

సాధారణ వెర్షన్ 4 నిమిషాల 15 సెకన్ల నిడివి ఉండగా, థియేట్రికల్ వెర్షన్ సరిగ్గా 4 నిమిషాలు ఉంటుంది. జూలై 24న న్యూఢిల్లీలో జరిగే గ్రాండ్ ఈవెంట్‌లో ఈ ట్రైలర్‌ను ప్రపంచవ్యాప్తంగా రిలీజ్ చేయనున్నారు. ఈ కార్యక్రమానికి దర్శకుడు నితేష్ తివారీ, నిర్మాత నమిత్ మల్హోత్రా, నటీనటులు హాజరయ్యే అవకాశం ఉంది.

రామాయణంలో భారీ తారాగణం..

రామాయణం సినిమాలో భారీ తారాగణం నటిస్తోంది. రణ్‌బీర్ కపూర్ రాముడిగా, సాయి పల్లవి సీతగా కనిపించనున్నారు. రవి దూబే లక్ష్మణుడిగా, యశ్ రావణుడిగా నటిస్తున్నారు. ఇక హనుమంతుడి పాత్రలో సన్నీ డియోల్, శూర్పణఖగా రకుల్ ప్రీత్ సింగ్, ఇంద్రుడిగా కునాల్ కపూర్ కనిపించనున్నారు. 

ఈ చిత్రానికి నితేష్ తివారీ దర్శకత్వం వహిస్తుండగా, ప్రైమ్ ఫోకస్ స్టూడియోస్, DNEG, యశ్ 'మాన్‌స్టర్ మైండ్ క్రియేషన్స్' సంస్థలతో కలిసి నమిత్ మల్హోత్రా నిర్మిస్తున్నారు. ఆస్కార్ విజేత హన్స్ జిమ్మర్, ఏ.ఆర్. రెహమాన్ కలిసి ఈ చిత్రానికి సంగీతం అందిస్తుండటం మరో విశేషం.

Two-Part Epic Set for IMAX Release

గతంలో హనుమాన్ జయంతి సందర్భంగా 'రామా' పేరుతో 2 నిమిషాల 38 సెకన్ల టీజర్‌ను మేకర్స్ రిలీజ్ చేశారు. ఇందులో రాముడిగా రణ్‌బీర్ కపూర్ ఫస్ట్ లుక్‌ను చూపించారు. ఆ టీజర్‌కు కూడా CBFC 'U' సర్టిఫికేట్ ఇచ్చింది. రామాయణం సినిమాను రెండు భాగాలుగా తీయాలని ప్లాన్ చేస్తున్నారు. మొదటి భాగం 2026 దీపావళికి ప్రపంచవ్యాప్తంగా IMAXలో రిలీజ్ కానుంది. ఇక రెండో భాగం 2027 దీపావళికి థియేటర్లలోకి వస్తుందని అంచనా. భారతదేశపు గొప్ప ఇతిహాసాల్లో ఒకటైన రామాయణాన్ని వెండితెరపై అద్భుతంగా చూపించబోతున్నారు.