Ram Gopal Varma: ఓహో అలాగా.. వెంకయ్య నాయుడుపై రాంగోపాల్ వర్మ సెటైర్లు
First Published May 21, 2022, 3:33 PM ISTభారత ఉపరాష్ట్రపతి వెంకయ్య నాయుడు రాజకీయాల్లో ఎంత ఎత్తు ఎదిగినా.. ఆయనకి కూడా సినిమాల పట్ల అభిరుచి ఉంది.
భారత ఉపరాష్ట్రపతి వెంకయ్య నాయుడు రాజకీయాల్లో ఎంత ఎత్తు ఎదిగినా.. ఆయనకి కూడా సినిమాల పట్ల అభిరుచి ఉంది.
భారత ఉపరాష్ట్రపతి వెంకయ్య నాయుడు రాజకీయాల్లో ఎంత ఎత్తు ఎదిగినా.. ఆయనకి కూడా సినిమాల పట్ల అభిరుచి ఉంది. అందుకే వెంకయ్య నాయుడు అప్పుడప్పుడూ సినిమా కార్యక్రమాలు, సాంస్కృతిక కార్యక్రమాలకు హాజరవుతూ ఉంటారు.
ఇటీవల వెంకయ్య నాయుడు లెజెండ్రీ లిరిసిస్ట్ సిరివెన్నెల సీతారామశాస్త్రి జయంతి వేడుకలకు హాజరయ్యారు. ఈ కార్యక్రమంలో వెంకయ్య నాయుడు మాట్లాడుతూ ప్రస్తుతం తెరకెక్కిస్తున్న సినిమాలపై, అశ్లీలతపై అభ్యంతరం వ్యక్తం చేశారు.
సినిమా వినోదంతో పాటు విజ్ఞానాన్ని, సందేశాన్ని కూడా అందించాలని అన్నారు. సందేశం అంటే నా దృష్టిలో ప్రవచనాలు చెప్పమని కాదు.. సినిమా సినిమాగా ఉంటూనే ఎంతోకొంత నేర్పించే విధంగా ఉండాలి అన్నారు. ఒక సినిమా చూస్తున్నంతసేపు సంతోషాన్ని కలిగించాలి. ఎప్పుడైనా గుర్తుకు వచ్చినప్పుడు కూడా మంచి సినిమా అనిపించాలి.
సినిమాలో అశ్లీలత,హింస తగ్గించాలి. శృంగారం వద్దని చెప్పను.. శృంగారం కూడా అవసరమే. కానీ ఇప్పుడున్న విధంగా వద్దు. డబుల్ మీనింగ్ డైలాగులు వద్దు. గతంలో ఎన్నో గొప్ప చిత్రాలు వచ్చాయని.. మాయాబజార్, గుండమ్మ కథ లాంటి చిత్రాలు ఇప్పటికి అలరిస్తూనే ఉన్నాయని వెంకయ్య నాయుడు అన్నారు.
ఇప్పుడొస్తున్న హీరోలు, హీరోయిన్లు గుర్తుంచుకునే విధంగా నటించడం లేదని వెంకయ్య నాయుడు అన్నారు. వెంకయ్య నాయుడు కామెంట్స్ పై రాంగోపాల్ వర్మ సెటైర్లు వేస్తూ ట్వీట్ చేశారు. వెంకయ్య నాయుడు సినిమా గురించి చేసిన కామెంట్స్ పై.. ఓహో అలాగా.. అవునా.. ఫాంటాస్టిక్.. మునుపెన్నడూ వినని అద్భుతమైన సలహాకి థాంక్యూ సర్ అంటూ సెటైర్లు వేశారు.
ప్రస్తుతం వర్మ అశ్లీల చిత్రాలకు కేరాఫ్ అడ్రస్ గా మారిన సంగతి తెలిసిందే. బహుశా అందుకే వెంకయ్య నాయుడుపై ఇలా సెటైర్లు వేశారేమో. ఇక వర్మ తన సినిమాల విషయంలో ఎవరి సలహాలు పాటించరు. తన సినిమాలపై ఎన్ని వివాదాలు వచ్చినా వర్మ వెనక్కి తగ్గడు.