లాక్‌ డౌన్‌ సమయంలో వర్మ యమా స్పీడు మీద ఉన్నాడు ఇప్పటికే క్లైమాక్స్‌ పేరుతో ఓ ఇంగ్లీష్ మూవీని రిలీజ్ చేసి భారీగానే వసూళు చేశాడు. శ్రేయాస్‌ ఎంటర్‌టైన్మెంట్‌తో కలిసి తన సొంత ఓటీటీ ప్లాట్‌ ఫాంలో క్లైమాక్స్‌ను రిలీజ్ చేసిన వర్మ భారీగా లాభాలు సాధించాడు.
undefined
తాజాగా మరో సినిమాను రిలీజ్ చేశాడు. నేక్డ్‌ పేరుతో తెలుగులో ఓ హాట్ రొమాంటిక్‌ క్రైమ్‌ థ్రిల్లర్‌ను రిలీజ్ చేశాడు. శనివారం రిలీజ్ అయిన ఈ మూవీ కి గట్టిగానే వసూళ్లు సాధిస్తోంది. దీంతో అదే జోరులో మరిన్ని సినిమాలకు రెడీ అవుతున్నాడు ఆర్జీవీ. అయితే సినిమాల విషయంలో తన మార్క్‌ వివాదాలను మాత్రం వదిలి పెట్టడం లేదు.
undefined
ఇప్పటికే కరోనా వైరస్‌, కిడ్నాపింగ్‌ ఆఫ్ కత్రినా కైఫ్‌, ద మ్యాన్‌ హూ కిల్డ్ గాంధీ, మర్డర్‌ లాంటి సినిమాలను ప్రకటించాడు వర్మ. ఈ సినిమాల్లో ఒక్క కరోనా వైరస్‌ తప్ప మిగతా అన్ని సినిమాలు వివాదాస్పదమైనవే. అయితే వివాదాలతోనే సినిమాలకు కావాల్సిన పబ్లిసిటీ సాదిస్తున్నాడు వర్మ.
undefined
తాజాగా మరో వివాదాస్పద చిత్రాన్ని తెర మీదకు తీసువచ్చాడు. పవర్‌ స్టార్ పేరుతో ఓ సినిమాను తెరకెక్కిస్తున్నాడు వర్మ. టాలీవుడ్‌ పవర్‌ స్టార్ పవన్ కళ్యాణ్, ఆర్జీవీల మధ్య ఉన్న వివాదం గురించి అందరికీ తెలిసిందే. ఎప్పుడు సోషల్ మీడియా వేదిక పవన్ ను టార్గెట్‌ చేసే వర్మ ఈ సారి ఏకంగా సినిమానే తీసేస్తున్నాడు.
undefined
`బ్రేకింగ్ న్యూస్‌.. ఆర్జీవీ వరల్డ్‌ థియేటర్‌లో నా తదుపరి చిత్రం పవర్‌ స్టార్. ఈ సినిమాలో పీకే, ఎమ్‌ ఎస్‌, ఎన్‌ బీ, టీ స్‌, ఓ రష్యన్ ఉమెన్‌, నలుగురు పిల్లలు, 8 గేదెలు, ఇంకా ఆర్జీవీ నటిస్తున్నారు. ఆ క్యారెక్టర్స్ ఎవరో అర్ధం చేసుకున్నవారికి ఎలాంటి బహుమతులు ఇవ్వబడవు` అంటూ ట్వీట్ చేశాడు వర్మ.
undefined
తాజాగా తన సినిమాను హీరోను కూడా పరిచయం చేశాడు వర్మ. నా పవర్‌ స్టార్ సినిమా స్టార్ అంటూ ప్రేక్షకులకు హీరోను పరిచయం చేశాడు. అత్తారింటికి దారేడి సినిమాలో పవన్ తరహాలో రెడీ అయిన వ్యక్తి తన ఆఫీస్‌కు వచ్చిన సందర్భంలో తీసిన వీడియోను షేర్ చేశాడు వర్మ.
undefined
ఆ వీడియోతో పాటు తనదైన స్టైల్‌లో కామెంట్ చేశాడు. ఈ వ్యక్తిలో ఎవరి పోలికలైనా కనిపిస్తే అది ఇన్సిడెంట్లీ కోయిన్సిడెన్స్‌.. ఇంటిటెన్షనల్లీ అన్‌ ఇంటెన్షనల్‌ అంటూ తన దైన స్టైల్‌లో కామెంట్ చేశాడు. అయితే వర్మ తెరకెక్కించబోయే ఈ సినిమా పవన్ బయోపిక్‌లా ఉండబోతుందా..? లేక కేవలం అలాంటి పాత్రధారితో సొంత కథ తెరకెక్కిస్తున్నాడా అన్న విషయంలో వర్మ క్లారిటీ ఇవ్వలేదు.
undefined
గతంలో పవన్ పై ఓ రేంజ్‌లో విమర్శలు చేసిన పవర్‌ స్టార్ అభిమానుల ఆగ్రహానికి గురయ్యాడు వర్మ. అయితే పవన్ అభిమానుల మీద కూడా ఓ రేంజ్‌లో పంచ్‌లు వేశాడు వర్మ. తాజాగా పవన్ మీద సినిమానే ఎనౌన్స్ చేసి ఇంకెంత రచ్చ చేస్తాడో చూడాలి.
undefined