టాలీవుడ్లో దక్కిన స్టార్డమ్, బాలీవుడ్లో ఎదురవుతున్న సవాళ్లపై రకుల్ ప్రీత్ సింగ్ ఓపెన్గా మాట్లాడారు. ఆమె చేసిన కామెంట్స్ ఇప్పుడు ఇండస్ట్రీలో హాట్ టాపిక్గా మారాయి. ఇంతకీ రకుల్ ఏమన్నారు?
సినిమా ఇండస్ట్రీ అంటే రంగుల ప్రపంచం మాత్రమే కాదు, దాని వెనుక బోలెడన్ని కష్టాలు ఉంటాయి. కానీ చాలామంది స్టార్లు ఈ విషయాలపై మాట్లాడటానికి భయపడతారు. కానీ, రకుల్ ప్రీత్ సింగ్ మాత్రం టాలీవుడ్, బాలీవుడ్ మధ్య ఉన్న తేడాలను కుండబద్దలు కొట్టారు. ఆమె మాటలు ఇప్పుడు సోషల్ మీడియాలో దుమారం రేపుతున్నాయి.
26
టాలీవుడ్ లో సినిమా రిలీజ్ అంటే పండగ
బాలీవుడ్ హంగామాకి ఇచ్చిన ఇంటర్వ్యూలో రకుల్ సౌత్ ఇండస్ట్రీ గురించి గర్వంగా మాట్లాడారు. 'హైదరాబాద్లోని ఫిల్మ్ నగర్ వాతావరణమే వేరు. అక్కడ ఒక హీరో సినిమా రిలీజ్ అవుతుందంటే, ఇండస్ట్రీ మొత్తం పండగ చేసుకుంటుంది' అంటూ టాలీవుడ్ ఐక్యతను మెచ్చుకున్నారు. ఒకరి ట్రైలర్ను మరొకరు ప్రమోట్ చేయడం, ఫంక్షన్లకు గెస్ట్గా వెళ్లడం అక్కడ కల్చర్. 'మాకు అక్కడ అసూయ కంటే, ఒకరికొకరు సపోర్ట్ చేసుకునే మనస్తత్వం ఎక్కువ' అని రకుల్ తేల్చి చెప్పారు.
36
ఇక్కడ ఒకరి సినిమా హిట్ అయితే మరొకరికి నచ్చదు
అదే సమయంలో, బాలీవుడ్ కఠిన వాస్తవాలను కూడా రకుల్ బయటపెట్టారు. ముంబైలో టాలెంట్కు కొదవ లేదు, కానీ అక్కడి వారిలో 'అభద్రతా భావం' (Insecurity) ఎక్కువగా ఉంటుందని ఆమె అభిప్రాయపడ్డారు. 'ఇక్కడ ఒకరి సినిమా హిట్టయితే మరొకరు సంతోషించడం చాలా తక్కువ. దానికి బదులు నెగెటివ్ క్యాంపెయిన్స్ చేయడం ఇక్కడ కామన్' అంటూ బాలీవుడ్ కల్చర్కు అద్దం పట్టారు. సౌత్ వాళ్లలా ముంబైలో కూడా అందరూ కలిసి ఉంటే బాలీవుడ్ ఇంకా బలంగా ఉండేదని రకుల్ అన్నారు.
రకుల్ చేసిన ఈ స్ట్రెయిట్ ఫార్వర్డ్ కామెంట్స్తో సౌత్ అభిమానులు ఫుల్ ఖుషీ అవుతున్నారు. 'రకుల్ గారూ, మీరు నిజమే చెప్పారు! టాలీవుడ్ ఎప్పటికీ ఒక కుటుంబంలాంటిది' అని అభిమానులు కామెంట్లు పెడుతున్నారు. మరికొందరైతే, 'బాలీవుడ్లో ఈ అసూయ వల్లే వాళ్ల సినిమాలు ఫ్లాప్ అవుతున్నాయి' అని చర్చలు మొదలుపెట్టారు.
56
ఫుల్ బిజీగా రకుల్
ఇక కెరీర్ విషయానికొస్తే, రకుల్ ప్రస్తుతం ఫుల్ బిజీగా ఉన్నారు. ముఖ్యంగా, దేశమంతా ఎదురుచూస్తున్న నితేష్ తివారీ 'రామాయణం' సినిమాలో రకుల్ ఒక కీలక పాత్ర చేస్తున్నారని టాక్. రణ్బీర్ కపూర్, సాయి పల్లవి, యశ్ వంటి స్టార్లతో రకుల్ స్క్రీన్ షేర్ చేసుకోనుండటం ఆమె అభిమానులకు పండగే.
66
బోల్డ్ కామెంట్స్తో మరోసారి వార్తల్లో..
మొత్తం మీద, టాలీవుడ్లో వచ్చిన 'లక్', బాలీవుడ్లో ఎదురవుతున్న 'చెక్' మధ్యలో రకుల్ ప్రీత్ సింగ్ తన బోల్డ్ కామెంట్స్తో మరోసారి వార్తల్లో నిలిచారు. మరి రకుల్ చెప్పినట్టు బాలీవుడ్ మారుతుందా? చూడాలి!
