Varanasi Movie: రాజమౌళి సినిమా సెట్ లీక్.. ఉగ్రభట్టి గుహల ఫోటోలు వైరల్!

దర్శకధీరుడు రాజమౌళి - మహేష్ బాబు  కాంబో మూవీ 'వారణాసి' సినిమా సెట్ నుంచి ఓ ఫోటో లీకైంది. ఇందులో యాక్ట్రర్స్  ఎవరూ లేకపోయినా, సెట్ ఎంత గ్రాండ్‌గా ఉందో చూసి అభిమానులు ఆశ్చర్యపోతున్నారు.

వారణాసి మూవీ నుంచి ఫోటో లీక్

ఎస్.ఎస్. రాజమౌళి డైరెక్షన్‌లో వస్తున్న 'వారణాసి' సినిమా నుంచి ఓ ఫోటో లీకైంది. 'ఉగ్రభట్టి గుహల' సీక్వెన్స్‌కు సంబంధించిన ఈ ఫోటో ఇప్పుడు ఆన్‌లైన్‌లో తెగ చక్కర్లు కొడుతోంది.

చుట్టూ రాతి శిల్పాలు, భారీ స్తంభాలు

ఈ ఫోటోలో సినిమాలోని నటీనటులు ఎవరూ కనిపించలేదు. కానీ సినిమా సెట్ ఎంత గ్రాండ్‌గా ఉందో చెప్పడానికి ఈ ఒక్క ఫోటో చాలు. చుట్టూ రాతి శిల్పాలు, భారీ స్తంభాలతో సెట్ అదిరిపోయింది.

ఉగ్ర దేవత చుట్టూ..

సెట్‌లో నీలిరంగు స్క్రీన్ ఉండటాన్ని బట్టి, ఈ సీన్స్‌లో భారీ వీఎఫ్ఎక్స్ వర్క్ ఉంటుందని అర్థమవుతోంది. ఈ సీక్వెన్స్ హిందూ పురాణాల్లోని ఉగ్ర దేవత 'మాతా ఛిన్నమస్తా దేవి' చుట్టూ తిరుగుతుందని టాక్.

ఎవరీ ఛిన్నమస్తా దేవి?

పురాణాల ప్రకారం, ఈ దేవత తన తలని తానే ఖండించుకుని చేతిలో పట్టుకుని ఉంటుంది. తన రక్తాన్ని దేవదూతలకు అర్పిస్తూ భీకర రూపంలో కనిపిస్తుంది. హిందూ మతంలో అత్యంత ఉగ్రరూపిణి అయిన తాంత్రిక దేవత. ఈమెను 'దశ మహావిద్యలలో' ఆరవ దేవతగా, శక్తి స్వరూపిణిగా కొలుస్తారు. చిన్నమస్త అంటే "ఖండింపబడిన శిరస్సు" అని అర్థం.