రాజమౌళి Netflix డాక్యుమెంటరీపై భారీగా విమర్శలు

సెన్సేషన్‌, సక్సెస్‌ను ఇంటి పేరుగా మార్చుకున్న రాజమౌళి పై నెట్ ప్లిక్స్ వారు ఓ డాక్యుమెంటరీ రూపొందించారు.   రాజమౌళి.. జీవిత విశేషాలతో ఈ డాక్యుమెంటరీ రూపొందింది. 

Rajamouli

రాజమౌళి గురించి ఈ రోజు ప్రత్యేకంగా చెప్పాల్సిన పనిలేదు. ఆయన పనిలో పర్‌ఫెక్షనిస్ట్‌. అందుకే తను ఎలాంటి కథను తెరకెక్కించినా అది సూపర్‌ హిట్‌ అవుతూంటుంది. ఆయన  చూస్తే హీరోలకు పోటీ ఇచ్చే  కటౌట్‌ తో ఉంటారు. అయినా డైరక్షన్ కే ఆయన ప్రయారిటీ.  సెన్సేషన్‌, సక్సెస్‌ను ఇంటి పేరుగా మార్చుకున్న రాజమౌళి పై నెట్ ప్లిక్స్ వారు ఓ డాక్యుమెంటరీ రూపొందించారు.   రాజమౌళి.. జీవిత విశేషాలతో ఈ డాక్యుమెంటరీ రూపొందింది. 

ఈ డాక్యమెంటరీని  'మోడ్రన్ మాస్టర్స్' పేరుతో ఆగస్టు 2 నుంచి నెట్‌ఫ్లిక్స్‌లో స్ట్రీమింగ్ చేయనున్నారు. కొన్నిరోజుల క్రితం ఈ విషయాన్ని ప్రకటించారు. ఇప్పుడు డాక్యుమెంటరీ ఎలా ఉండబోతుందో చెప్పే ట్రైలర్ రిలీజ్ చేశారు. ఇందులో హాలీవుడ్ దిగ్గజ దర్శకుడు జేమ్స్ కామెరూన్‌తోపాటు ప్రభాస్, ఎన్టీఆర్, రామ్ చరణ్ ఇంట్రెస్టింగ్ విషయాలు ఉన్నాయి. అవి అభిమానులు ఓ రేంజిలో అలరిస్తున్నాయి. అదే స్దాయిలో ఈ డాక్యుమెంటరీపై విమర్శలు వస్తున్నాయి. అందుకు కారణం డబ్బింగ్. 

Rajamouli

 రాఘవ్‌ కన్నా దర్శకత్వంలో రానున్న ఈ ప్రాజెక్టును సమీర్‌ నాయర్, దీపక్‌ సెగల్‌ నిర్మిస్తున్నారు. తాజాగా ఈ డాక్యుమెంటరీ ట్రైలర్‌ని సోషల్ మీడియా వేదికగా విడుదల చేశారు. ‘నేనొక అద్భుతమైన కథ చెప్పాలనుకుంటున్నాను’ అంటూ మొదలైన ట్రైలర్‌ అందరి దృష్టిని ఆకర్షించింది. ఇందులో టాలీవుడ్, బాలీవుడ్, హాలీవుడ్‌లోని సినీ ప్రముఖులు రాజమౌళిపై వారికున్న అభిప్రాయాలను షేర్ చేసుకున్నారు.

Rajamouli

తెలుగు వెర్షన్ కు వచ్చేసరికి డబ్బింగ్ చెప్పించిన వాయిస్ లతో ఇబ్బందిగా ఉంది అంటున్నారు ట్రైలర్ చూసిన వాళ్లు. ఈ వెర్షన్ లో జూ.ఎన్టీఆర్, రామ్ చరణ్, ప్రభాస్ లకు వేరే ఆర్టిస్ట్ ల చేత డబ్బింగ్ చెప్పించారు. అవి చాలా ఆర్టిఫిషియల్ గా ఉన్నాయని, ఏ విధమైన ఇంపాక్ట్ కలగచేయటం లేదని అంటున్నారు. ఈ విషయంలో నెట్ ప్లిక్స్ జాగ్రత్తలు తీసుకోవాల్సి ఉంది. ఇంగ్లీష్ ట్రైలర్ లో వారి ఒరిజనల్ వాయిస్ లు ఉన్నాయి. రాజమౌళి వాయిస్ సైతం డబ్బింగ్ చెప్పించటం కాస్త ఇబ్బందే. ఆ విషయంలో విమర్శలు రావటం అభిమానుల నుంచి అనేది పెద్ద విచిత్రమైతే కాదు.

‘ఇప్పటివరకు ఎవరూ చెప్పని కథలను ప్రపంచానికి తెలిపేందుకే రాజమౌళి జన్మించారంటూ’ ఎన్టీఆర్, ‘ఇలాంటి దర్శకుడిని నేనిప్పటివరకు చూడలేదు. సినిమాలంటే ఆయనకు పిచ్చిప్రేమ’ అంటూ ప్రభాస్, ఆయన చిత్రాల్లో తనని తాను కొత్తగా చూసుకొని ఎంతో ఆశ్చర్యపోయానంటూ రామ్‌చరణ్, హాలీవుడ్‌ దర్శకనిర్మాత జేమ్స్‌ కామెరూన్‌ మాట్లాడుతూ..‘రాజమౌళికి సాధ్యం కానిదంటూ ఏమీ లేదు. ఎవరితోనైనా పని చేయగలరు. ఆయనంటే నాకెంతో గౌరవం’ అని తెలుపారు.

 కరణ్‌ జోహార్‌ ‘ఈ దర్శకుడు ఓ లెజెండ్‌’ అని, ఆయనతో పని చేసిన వారందరూ ఆయణ్ని పని రాక్షసుడని పిలుస్తుంటారంటూ రాజమౌళి భార్య రమ ట్రైలర్‌లో వారి అభిప్రాయాల్ని తెలిపారు. ‘నిజం చెప్పాలంటే నేను కేవలం నా కథకు మాత్రమే బానిసను..’ అంటూ ట్రైలర్‌ ఆఖర్లో రాజమౌళి చెప్పిన డైలాగ్‌ సినిమాల పట్ల తనకున్న ప్రేమకు నిదర్శనం అంటూ నెటిజన్లు స్పందిస్తున్నారు. ఈ డాక్యుమెంటరీ వచ్చే నెల 2న నెట్‌ఫ్లిక్స్‌లో విడుదల కానుంది. 

ఇక ఇది డాక్యుమెంటరీ కాబట్టి సినిమా స్టైల్లో ఉండదు. రాజమౌళి కెరీర్ ఎలా ఎప్పుడు ప్రారంభమైందనేది విజువల్స్ రూపంలో చూపిస్తారు. అలానే జక్కన్నతో పనిచేసిన అనుభవాన్ని ఎన్టీఆర్, చరణ్, ప్రభాస్ చెప్పడం ఆసక్తికరంగా అనిపిస్తోంది. అయితే ఇది డాక్యుమెంటరీ కాబట్టి అందరికీ నచ్చకపోవచ్చు. రాజమౌళి లైఫ్ స్టోరీ తెలుసుకోవాలనుకుంటే మాత్రం దీన్ని చూడటం మేలు.