మగధీర చిత్రంతోనే అన్ని విషయాలు తెలిసాయి. ఒక సెట్ వేస్తే ఎంత ఖర్చు అవుతుంది.. నిర్మాతకి డబ్బులు ఎలా వస్తాయి.. ఖర్చు చేసే ప్రతి రూపాయి ఎలా వెళుతోంది ఇలా ఒక నిర్మాత కంటే ఎక్కువ విషయాలు మగధీర చిత్రంతో తెలిశాయని రాజమౌళి అన్నారు.
దర్శకధీరుడు రాజమోళి ఆల్రెడీ పాన్ ఇండియా సంచలనం సృష్టించారు. త్వరలో జక్కన్న పాన్ వరల్డ్ పై ఫోకస్ పెడుతున్నారు. మహేష్ బాబు చిత్రంతో రాజమౌళి పాన్ వరల్డ్ ప్రాజెక్టు చేయాలని ప్రయత్నిస్తున్న సంగతి తెలిసిందే. త్వరలో ఈ చిత్రం ప్రారంభం కాబోతోంది. రాజమౌళి ఒక్కో చిత్రంతో సంచలనం సృష్టిస్తూనే వచ్చారు.
టాలీవుడ్ కి భారీతనం అంటే ఏంటో చూపించిన దర్శకుడు ఆయనే. మగధీర చిత్రంతో అప్పట్లో అందరిని ఆశ్చర్యానికి గురిచేశారు. ఆ తర్వాత బాహుబలితో దేశం మోసం తనవైపు చూసేలా చేశారు. తన ఇన్నేళ్ల కెరీర్ లో సహజంగానే ఒడిదుడుకులు ఉంటాయి. కానీ ఎక్కువగా ఒత్తిడి తీసుకున్న చిత్రం మగధీర అని రాజమౌళి తెలిపారు.
మగధీర చిత్రంతోనే అన్ని విషయాలు తెలిసాయి. ఒక సెట్ వేస్తే ఎంత ఖర్చు అవుతుంది.. నిర్మాతకి డబ్బులు ఎలా వస్తాయి.. ఖర్చు చేసే ప్రతి రూపాయి ఎలా వెళుతోంది ఇలా ఒక నిర్మాత కంటే ఎక్కువ విషయాలు మగధీర చిత్రంతో తెలిశాయని రాజమౌళి అన్నారు. తాను అదృష్టం పై ఎప్పుడూ డిపెండ్ కాను అని రాజమౌళి తెలిపారు.
తన చిత్రాల్లో స్టార్ హీరోయిన్లు, స్టార్ హీరోలు నటించాలని నాకు కూడా ఉంటుంది. కానీ అదే నా ప్రయారిటీ కాదు. కొంతమంది ఫ్లాప్ హీరోయిన్లని తీసుకుంటే ఆమె ఐరన్ లెగ్.. ఎందుకు అని అంటారు. 10 ఫ్లాపులు ఇచ్చిన హీరోయిన్ అయినప్పటికీ.. నా సినిమాకి సరిపోతుంది అనిపిస్తే ఆమెనే తీసుకుంటా అని రాజమౌళి అన్నారు.
నా కెరీర్ లో ఎక్కువ కష్టంగా అనిపించిన చిత్రం మగధీర. ఎందుకంటే అప్పటికి ఆ బడ్జెట్ చాలా ఎక్కువ. అదే విధంగా ఆ సినిమా చేసేటప్పుడు అంతే ఎంజాయ్ కూడా చేశాను. గ్రాఫిక్స్ విషయంలో అవగాహన కలిగింది ఆ చిత్రంతోనే అని రాజమౌళి అన్నారు.
జానపద చిత్రాలు, పౌరాణిక చిత్రాలు కూడా చేయొచ్చు అనే నమ్మకం కుదిరింది మాత్రం యమదొంగ చిత్రంతో అని రాజమౌళి తెలిపారు. ఎన్టీఆర్ ని ఆ చిత్రంలో యముడిగా చూపించిన సీన్లు చూసి తనలో తానే గర్వపడుతుంటా అని రాజమౌళి ఓ ఇంటర్వ్యూలో తెలిపారు.