యంగ్ రెబల్ స్టార్ ప్రభాస్ పాన్ ఇండియా స్టార్ గా కీర్తి ప్రతిష్టలు సొంతం చేసుకున్న సంగతి తెలిసిందే. బాహుబలి చిత్రంతోనే ప్రభాస్ కి పాన్ ఇండియా క్రేజ్ మొదలైంది. ప్రభాస్ కెరీర్ మాత్రమే కాదు తెలుగు సినిమా దశ దిశ మార్చిన చిత్రం బాహుబలి అని చెప్పొచ్చు.
యంగ్ రెబల్ స్టార్ ప్రభాస్ పాన్ ఇండియా స్టార్ గా కీర్తి ప్రతిష్టలు సొంతం చేసుకున్న సంగతి తెలిసిందే. బాహుబలి చిత్రంతోనే ప్రభాస్ కి పాన్ ఇండియా క్రేజ్ మొదలైంది. ప్రభాస్ కెరీర్ మాత్రమే కాదు తెలుగు సినిమా దశ దిశ మార్చిన చిత్రం బాహుబలి అని చెప్పొచ్చు. బాహుబలిలో ప్రభాస్ నట విశ్వరూపం ప్రదర్శించాడు. ఎమోషనల్ గా, వారియర్ కింగ్ గా ప్రభాస్ నటన చాలా బావుంటుంది.
అయితే నటన పరంగా ప్రభాస్ కెరీర్ లో బెస్ట్ మూవీ బాహుబలి కాదని జక్కన్న రాజమౌళి ఓ ఇంటర్వ్యూలో తెలిపారు. ఛత్రపతి చిత్రంలో ఒక సన్నివేశం మాత్రం నటన పరంగా ప్రభాస్ కెరీర్ లోనే ది బెస్ట్ అని రాజమౌళి అన్నారు. ఒక కామెడీ డైలాగ్ చెప్పి నవ్వించడం, ఎమోషనల్ గా కన్నీళ్లు పెట్టించడం, కోపం ప్రదర్శించడం చాలా సులభం. కానీ ఒకేసారి రెండు మూడు ఎమోషన్స్ ని మిక్స్ చేసి పేస్ లో చూపించగలడం, నటించడం అంత సులభం కాదు.
ఆ పని ప్రభాస్ ఛత్రపతి చిత్రంలో చేశాడు. ఛత్రపతి చిత్రంలో హీరో ఉండే కాలనిలో చిన్న పిల్లాడు.. కళ్ళు లేని తన తల్లికి అన్నం తినిపిస్తుంటాడు. వాళ్ళని చూసి ప్రభాస్ తన తల్లిని గుర్తు చేసుకుంటాడు. తన తల్లి గుర్తుకు వచ్చినప్పుడు ఆ అనుబంధం చూసి సంతోషం.. ఇప్పుడు ఆ సంతోషం తనకి లేదే అని బాధ రెండు ఎమోషన్స్ ని ప్రభాస్ ఒకేసారి అద్భుతంగా చూపించాడు.
అతి తక్కువ మంది మాత్రమే ఈ విధంగా నటించగలరు. చాలా సందర్భాల్లో ప్రభాస్ కి ఈ విషయం చెప్పా.. నీ కెరీర్ లో బెస్ట్ షాట్స్ లో ఇది కూడా ఉంటుంది అని ప్రభాస్ కి తాను చెప్పినట్లు రాజమౌళి గుర్తు చేసుకున్నారు. రాజమౌళి, ప్రభాస్ కాంబినేషన్ లో వచ్చిన ఫస్ట్ మూవీ ఛత్రపతి. ఈ చిత్రంలో ప్రభాస్ చెప్పే డైలాగులు ఇప్పటికీ సోషల్ మీడియాలో వైరల్ అవుతుంటాయి.
ఆ తర్వాత వీళ్లిద్దరి కాంబినేషన్ లో బాహుబలి 1, బాహుబలి 2 చిత్రాలు వచ్చాయి. ప్రస్తుతం ప్రభాస్ రాజా సాబ్ చిత్రంలో నటిస్తున్నాడు. అదే విధంగా హను రాఘవపూడి దర్శకత్వంలో భారీ పీరియాడిక్ చిత్రంలో నటించాల్సి ఉంది.