Madhavan Watch: పద్మశ్రీ అందుకుంటూ మాధవన్ పెట్టుకున్న వాచ్ చాలా స్పెషల్.. కాస్ట్ తెలిస్తే షాకే

రీసెంట్ గా న్యూఢిల్లీలోని రాష్ట్రపతి భవన్‌లో పద్మశ్రీ అవార్డుల ప్రదానోత్సవం జరిగింది. ఈ వేడుకలో నటుడు ఆర్. మాధవన్‌కు రాష్ట్రపతి ద్రౌపది ముర్ము పద్మశ్రీ పురస్కారాన్ని అందించారు. ఈ సందర్భంగా మాధవన్ పెట్టుకున్న వాచ్ అందరి దృష్టిని ఆకర్షించింది.

భారత అత్యున్నత పౌర పురస్కారం

భారతదేశ అత్యున్నత పౌర పురస్కారాల్లో 'పద్మశ్రీ' ఒకటి. ఈ ప్రత్యేక సందర్భంలో మాధవన్ పెట్టుకున్న వాచ్ అందరి దృష్టిని ఆకర్షించింది. ఇంతకీ ఆ వాచ్ ప్రత్యేకత ఏంటి?

మాధవన్ వాచ్ ధర ఎంత?

మాధవన్ పెట్టుకున్న ఈ వాచ్ పేరు 'టైటన్ నెబ్యులా జల్సా ఫ్లయింగ్ టూర్‌బిల్లాన్' (Titan Nebula Jalsa Flying Tourbillon). దీని విలువ సుమారు రూ.40 లక్షలు ఉంటుందని అంచనా.

రోజ్ గోల్డ్ వాచ్

ఈ వాచ్‌ను 18 క్యారెట్ల రోజ్ గోల్డ్‌తో తయారు చేశారు. దీని డయల్‌పై జైపూర్‌లోని ప్రసిద్ధ 'హవా మహల్' చిత్రాన్ని చేతితో గీశారు. ఇది చాలా అరుదైన లిమిటెడ్ ఎడిషన్ వాచ్. ప్రపంచవ్యాప్తంగా ఇలాంటివి కేవలం 10 మాత్రమే ఉన్నాయి.