డాషింగ్ డైరెక్టర్ పూరి జగన్నాథ్ తనయుడిగా పలు సూపర్ హిట్ సినిమాల్లో చైల్డ్ ఆర్టిస్ట్ గా నటించారు ఆకాష్ పూరి. హీరోగా మారి ఆంధ్రా పోరి, మెహబూబా, రొమాంటిక్, చోర్ బజార్ వంటి విభిన్నమైన సినిమాలతో ప్రేక్షకుల్లో మంచి గుర్తింపు తెచ్చుకున్నారు.
డాషింగ్ డైరెక్టర్ పూరి జగన్నాథ్ తనయుడిగా పలు సూపర్ హిట్ సినిమాల్లో చైల్డ్ ఆర్టిస్ట్ గా నటించారు ఆకాష్ పూరి. హీరోగా మారి ఆంధ్రా పోరి, మెహబూబా, రొమాంటిక్, చోర్ బజార్ వంటి విభిన్నమైన సినిమాలతో ప్రేక్షకుల్లో మంచి గుర్తింపు తెచ్చుకున్నారు. ఈ యంగ్ హీరో తన పేరు మార్చుకుంటున్నట్లు సోషల్ మీడియా ద్వారా తెలిపారు.
ఇకపై తన పేరును ఆకాష్ జగన్నాథ్ గా పెట్టుకుంటున్నట్లు ఆయన పోస్ట్ చేశారు. కంటెంట్ ఉన్న మంచి కథలతో ప్రస్తుతం పలు క్రేజీ ప్రాజెక్ట్స్ లైనప్ చేసుకుంటున్నారు ఆకాష్ జగన్నాథ్. త్వరలోనే ఆ సినిమాల వివరాలను ఆయన వెల్లడించనున్నారు. ఈ మధ్య ఆర్ సీ ట్రెండ్ సెట్టర్స్ అనే క్లోత్ బ్రాండింగ్ కు అంబాసిడర్ గా వ్యవహరించారు ఆకాష్ జగన్నాథ్.
నేడు ఆకాష్ జగన్నాధ్ తన 27వ జన్మదిన వేడుకలు సెలెబ్రేట్ చేసుకుంటున్నారు. పుట్టిన రోజు నాడు ఆకాష్ పూరి సడెన్ గా తన పేరుని ఎందుకు మార్చుకున్నారు అనే సందేహాలు నెటిజన్లకు కలుగుతున్నాయి. ఆకాష్ జగన్నాథ్ అని మార్చుకోవడానికి కారణం ఏంటి అని నెటిజన్లు ప్రశ్నిస్తున్నారు.
అయితే ఆకాష్ ఎలాంటి కారణం చెప్పలేదు. అయితే సోషల్ మీడియాలో కొన్ని రూమర్స్ వినిపిస్తున్నాయి. ఆకాష్ న్యూమరాలజీ ప్రకారం పేరు మార్చుకున్నారా అనే చర్చ జరుగుతోంది.
ఎందుకంటే ఆకాష్ కి హీరోగా అసలు కలసి రావడం లేదు. హీరోగా పూరి జగన్నాధ్ కొడుక్కి ఒక్క హిట్ కూడా లేదు. కాబట్టి న్యూమరాలజీ ప్రకారం కలసి వచ్చేలా పేరు మార్చుకుని ఉండొచ్చు అనే అనుమానాలు వ్యక్తం అవుతున్నాయి. గతంలో సాయిధరమ్ తేజ్ కూడా పేరు మార్చుకున్నారు. మరి ఇకపై పూరి కొడుకు ఆకాష్ జగన్నాథ్ కెరీర్ లో గేర్ మారుస్తాడేమో చూడాలి.