Puneeth rajkumar death:పవన్ కళ్యాణ్ కోసమే పునీత్ ఆ పని చేశాడా.. రవ్వంత కూడా గర్వంలేని వ్యక్తిత్వం

కన్నడ పవర్ స్టార్ పునీత్ రాజ్ కుమార్ అకాల మరణం చెంది అభిమానుల్లో, కుటుంబ సభ్యుల్లో తీవ్ర విషాదం మిగిల్చాడు. ఆయన మరణం కన్నడ చిత్ర పరిశ్రమకు తీరని లోటు. అభిమానులు శోకసంద్రంలో మునిగిపోయారు. పునీత్ ప్రతిభని, సేవాతత్వాన్ని గుర్తు చేసుకుంటున్నారు. సెలెబ్రిటీలు పునీత్ తో తమకున్న అనుబంధాన్ని గుర్తు చేసుకుంటూ సంతాప సందేశాలు పోస్ట్ చేస్తున్నారు. 

లెజెండ్రీ నటుడు రాజ్ కుమార్ తనయుడిగా ఇండస్ట్రీలోకి అడుగుపెట్టినా, తిరుగులేని స్టార్ గా కన్నడ నాట ఖ్యాతి గడించినా రవ్వంత గర్వం కూడా తలకు ఎక్కించుకోలేదు. ఎప్పుడూ చాలా సింపుల్ గా ఉండేవాడు. వర్క్ పైనే ఫోకస్ పెట్టేవాడు. ఫిట్ నెస్ విషయంలో ప్రత్యేక శ్రద్ద తీసుకునేవారు. తన చిత్రాలతో పునీత్ యువతలో తిరుగులేని క్రేజ్ సొంతం చేసుకున్నారు. అనాధాశ్రమాలు, పిల్లలకు ఉచిత విద్య లాంటి ఎన్నో సేవాకార్యక్రమాలు చేపట్టారు Puneeth Rajkumar. 

తెలుగు  ఇండస్ట్రీతో ఆయనకు ఎనలేని అనుబంధం ఉంది. ఈఏడాది పునీత్ నటించిన యువరత్న చిత్రం తెలుగులో కూడా విడుదలైంది. పునీత్ నిగర్వి  అనడానికి ఓ ఉదాహరణ చెప్పుకోవాలి. యువరత్న ప్రచారాల్లో భాగంగా పునీత్ తెలుగు మీడియాకు ఇంటర్వ్యూలు ఇచ్చారు. 

అందరూ తనని Power Star అని పిలుస్తుంటే.. నన్ను అలా పిలవొద్దు. పునీత్ రాజ్ కుమార్ అని పిలవండి చాలు. పవర్ స్టార్ అంటే Pawan Kalyan గారే అంటూ పునీత్ ఎంతో హుందాగా వ్యవహరించారు. పునీత్ మాటలు పవన్ అభిమానుల హృదయాలు దోచుకున్నాయి. 

అలాగే యువరత్న చిత్ర టైటిల్ కార్డ్స్ లో కూడా పునీత్ 'పవర్ స్టార్' ట్యాగ్ వాడలేదు. దాదాపుగా తెలుగు స్టార్ హీరోలందరితో పునీత్ కు మంచి రిలేషన్ ఉంది. ఇక పవన్ కళ్యాణ్ గారిని కలుసుకునే అవకాశం రెండుమూడు సార్లు దక్కిందని పునీత్ గతంలో చెప్పాడు. రామోజీ ఫిలిం సిటీలో పవన్ గారు జానీ మూవీ షూటింగ్ లో ఉన్నప్పుడు ఒకసారి కలిశానని ఆయన చాలా చక్కగా మాట్లాడారని అన్నారు. ఆ టైంలో పవన్ కళ్యాణ్ గారు తన చైల్డ్ హుడ్ ఫిలిం 'బెట్టదా హోవు' గురించి చక్కగా మాట్లాడినట్లు పునీత్ తెలిపాడు. 

పునీత్ మరణానికి పవన్ సంతాపం తెలియజేస్తూ ట్విట్టర్ లో  'బెట్టదా హోవు' చిత్రాన్ని గుర్తు చేసుకున్నారు. ఆ చిత్రం నుంచే పునీత్ కు అభిమానిగా మారినట్లు పవన్ కళ్యాణ్ ట్వీట్ చేశారు.