యంగ్ రెబల్ స్టార్ ప్రభాస్ నటించిన ఓ సినిమా షూటింగ్ సగం పూర్తయ్యే సరికే నిర్మాతలు నష్టాల్లో కూరుకుపోయారు. ఆ చిత్రం ప్రారంభం అయ్యే ముందే ప్రభాస్ తండ్రి సీరియస్ గా వార్నింగ్ ఇచ్చారట.
యంగ్ రెబల్ స్టార్ ప్రభాస్ ప్రస్తుతం వరుస పాన్ ఇండియా చిత్రాలతో దూసుకుపోతున్నారు. ఇండియాలో బిగ్గెస్ట్ సూపర్ స్టార్ గా ప్రభాస్ ప్రశంసలు అందుకుంటున్నారు. హిట్ టాక్ వస్తే చాలు ప్రభాస్ నటించే సినిమాలు అలవోకగా 1000 కోట్లు దాటేస్తున్నాయి. అయితే ప్రభాస్ నటించిన ఒక ఫ్లాప్ మూవీపై నిర్మాతలు ఆసక్తికర వ్యాఖ్యలు చేశారు. ఆ ఫ్లాప్ సినిమా మరేదో కాదు రెబల్.
25
ప్రభాస్ రెబల్ మూవీ
రాఘవ లారెన్స్ దర్శకత్వంలో ఈ చిత్రం తెరకెక్కింది. 2012లో విడుదలై తీవ్రంగా నిరాశ పరిచింది. ఈ చిత్రాన్ని భగవాన్, పుల్లారావు అనే నిర్మాతలు నిర్మించారు. వీళ్ళు ఓ ఇంటర్వ్యూలో మాట్లాడుతూ తనతో సినిమా చేయమని ప్రభాస్ గారు మాకు మంచి అవకాశం ఇచ్చారు. కానీ దర్శకుడు రాఘవ లారెన్స్ చేసిన తప్పుల వల్ల రెబల్ హిట్ కాలేదు. పైగా మాకు భారీ నష్టాలని మిగిల్చింది.
35
సగం షూటింగ్ కే బడ్జెట్ మొత్తం ఖాళీ
రెబల్ ప్రారంభానికి ముందు మేము ఒక బడ్జెట్ అనుకున్నాం. కానీ సగం షూటింగ్ పూర్తయ్యేసరికే బడ్జెట్ మొత్తం ఖర్చు చేసేశారు లారెన్స్. మిగిలిన షూటింగ్ పూర్తి చేయడానికి బడ్జెట్ లేటు. ఇక ఈ సినిమా రిలీజ్ కావడం కష్టం అనే పరిస్థితి తలెత్తింది. అప్పటికే భారీగా నష్టాల్లో కూరుకుపోయాం. కానీ ప్రభాస్ గారు ఇచ్చిన సపోర్ట్ తో మిగిలిన షూటింగ్ పూర్తి చేసి సినిమా రిలీజ్ చేశాం అని నిర్మాతలు తెలిపారు.
రాఘవ లారెన్స్ ని దర్శకుడిగా ఎంచుకోవడమే మేము చేసిన తప్పు. లారెన్స్ ని దర్శకుడిగా ప్రభాస్ గారికి ప్రపోజ్ చేసింది మేమే. అప్పుడు ప్రభాస్ తండ్రి మాకు వార్నింగ్ ఇచ్చారు. లారెన్స్ తో మీరు వేగలేరు. వేరే దర్శకుడిని చూసుకోండి అని హెచ్చరించారు. కానీ అప్పటికే లారెన్స్ దర్శకుడిగా ఫైనల్ అయ్యారు. ఇక్కడ నిర్మాతలు చేసిన కామెంట్ కాస్త గందర గోళంగా ఉంది. రెబల్ సినిమా రిలీజ్ అయింది 2012లో. ప్రభాస్ తండ్రి సూర్యనారాయణ రాజు 2010లోనే మరణించారు.
55
అభిమానుల కామెంట్ ఇదే
అంటే ఆయన మారాణించడానికి ముందే రెబల్ మూవీ ప్రారంభం అయిందా ? నిర్మాతలకు నిజంగా వార్నింగ్ ఇచ్చింది ప్రభాస్ తండ్రేనా అని అభిమానులు ప్రశ్నిస్తున్నారు. మరికొందరు ఏమంటున్నారు అంటే.. అలా వార్నింగ్ ఇచ్చింది కృష్ణం రాజు అయి ఉంటారు. నిర్మాతలు పొరపాటుగా ప్రభాస్ తండ్రి అని చెప్పారు అని అంటున్నారు.
