ఐకాన్ స్టార్ అల్లు అర్జున్ సంధ్య థియేటర్ ఘటన వల్ల పెద్ద వివాదంలో చిక్కుకున్నారు. సంధ్య థియేటర్ తొక్కిసలాట ఘటనలో అల్లు అర్జున్ ఎ 11 గా ఆరోపణలు ఎదుర్కొంటున్నారు. పోలీసులు పలు సెక్షన్ల కింద అల్లు అర్జున్ పై కేసులు నమోదు చేశారు.
ఐకాన్ స్టార్ అల్లు అర్జున్ సంధ్య థియేటర్ ఘటన వల్ల పెద్ద వివాదంలో చిక్కుకున్నారు. సంధ్య థియేటర్ తొక్కిసలాట ఘటనలో అల్లు అర్జున్ ఎ 11 గా ఆరోపణలు ఎదుర్కొంటున్నారు. పోలీసులు పలు సెక్షన్ల కింద అల్లు అర్జున్ పై కేసులు నమోదు చేశారు. తెలంగాణ ప్రభుత్వం ఈ సంఘటనని సీరియస్ గా తీసుకోవడంతో ఎంత పెద్ద రచ్చ అయిందో చూశాం.
అల్లు అర్జున్ అరెస్ట్ అయి బెయిల్ పై విడుదలయ్యాక సినీ ఇండస్ట్రీ మొత్తం తరలి వెళ్ళింది. అల్లు అర్జున్ ని సినీ ప్రముఖులంతా పరామర్శించారు. అప్పడు పరామర్శించిన వారే ఇప్పుడు దుమ్మెత్తి పోస్తున్నారు. ప్రముఖ నిర్మాత సురేష్ బాబు కూడా అల్లు అర్జున్ ని కలసి పరామర్శించారు. కానీ సీఎం రేవంత్ రెడ్డితో భేటీ తర్వాత సీన్ రివర్స్ అయింది.
అల్లు అర్జున్ ని పరోక్షంగా ఏకిపారేస్తూ సురేష్ బాబు సంచలన వ్యాఖ్యలు చేశారు. సురేష్ బాబు మాత్రమే కాదు తమ్మారెడ్డి కూడా అల్లు అర్జున్ దే తప్పు అన్నట్లుగా వ్యాఖ్యలు చేశారు. అల్లు అర్జున్ వల్లే ఇప్పుడు ఇండస్ట్రీ మొత్తం సీఎం దగ్గర తలదించుకునే పరిస్థితి వచ్చింది అంటూ సంచలన వ్యాఖ్యలు చేశారు.
రేవంత్ రెడ్డితో భేటీ అనంతరం సురేష్ బాబు మాట్లాడుతూ.. నీవు పబ్లిక్ ప్లేస్ లో ఉన్నప్పుడు ఎలా ప్రవర్తించాలి అనేది నేర్చుకోవాలి. ఒక్కరు కాదు అందరూ ఈ విషయంలో అప్రమత్తంగా ఉండాలి. పబ్లిక్ లో ఎలా బిహేవ్ చేయాలి అనేది పిల్లలకు చిన్నప్పటి నుంచే నేర్పించాలి అని సురేష్ బాబు అన్నారు.
నీ ఇంట్లో నువ్వు ఎగురు, డ్యాన్స్ చెయ్ ఎమన్నా చేసుకో.. కానీ బయటకి వచ్చినపుడు పద్దతిగా ఉండాలి కదా అంటూ సురేష్ బాబు మండిపడ్డారు. తమ్మారెడ్డి మాట్లాడుతూ.. ఇండస్ట్రీ మొత్తం వెళ్లి ముఖ్యమంత్రి దగ్గర తలదించుకునే పరిస్థితి వచ్చింది. ఇదంతా ఒక్క మనిషి వల్ల అంటూ పరోక్షంగా అల్లు అర్జున్ ని తమ్మారెడ్డి దుమ్మెత్తి పోశారు. ఆ మనిషి కావాలనే చేయకపోవచ్చు.. కానీ తప్పైతే అతడి వల్ల జరిగింది. థియేటర్ వద్ద రోడ్ షో చేయడం, హంగామా చేయడం వల్ల ఇదంతా జరిగింది. కావాలని చేయకపోవచ్చు. కానీ తప్పు జరిగింది కదా అని తమ్మారెడ్డి అన్నారు.
Also Read: ఇది కదా జోడీ అంటే, నితిన్ తో తొలిసారి సాయి పల్లవి రొమాన్స్.. 'ఎల్లమ్మ'లో పవర్ ఫుల్ రోల్ ?
ఈ తప్పు జరిగిన తర్వాత దానిని కవర్ చేయడానికి కొన్ని అబద్దాలు ఆడాల్సి వచ్చింది. దీనితో ఈ అంశం ప్రభుత్వానికి కీలకంగా మారిపోయింది. దీని పర్యవసానంగా ఇండస్ట్రీ మొత్తం సీఎం దగ్గర కూర్చున్నారు. ఇది ఒక రకంగా తలవంపులే అని తమ్మారెడ్డి సంచలన వ్యాఖ్యలు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి