బిగ్ బాస్ తెలుగు 7 కంటెస్టెంట్ ప్రియాంక జైన్ షో వేదికగా తన ప్రియుడిని పరిచయం చేసిన విషయం తెలిసిందే. సీరియల్ నటుడు శివ కుమార్ తో ఆమె రిలేషన్ లో ఉంది. ఫ్యామిలీ వీక్ లో శివ కుమార్ హౌస్లోకి వచ్చాడు.
ఇక కెమెరాలు, ఇతర కంటెస్టెంట్స్ ఉన్నారని కూడా చూడకుండా... శివ కుమార్-ప్రియాంక బిగ్ బాస్ హౌస్లో రొమాన్స్ చేశారు. ముద్దులు, హగ్గులతో రెచ్చిపోయారు. ఆడియన్స్ కూడా అవాక్కు అయ్యారు.
శివ కుమార్ ని పెళ్లి చేసుకుందామని ప్రియాంక హౌస్లో అడిగింది. నువ్వు బయటకు వచ్చిన వెంటనే పెళ్లి చేసుకుందామని శివ కుమార్ ఆమెకు చెప్పాడు. పెళ్లి చేసుకోకుండా కలిసి జీవించడంపై విమర్శలు వినిపిస్తున్నాయి. వారిని ట్రోల్ చేస్తున్నారు.
తాజా ఇంటర్వ్యూలో శివ కుమార్, ప్రియాంక దీనికి వివరణ ఇచ్చారు. పెళ్లి అనేది ఖర్చుతో కూడుకున్న వ్యవహారం. అందులోనూ ప్రియాంకకు పెళ్లి గ్రాండ్ గా కొన్ని రోజుల పాటు చేసుకోవాలి అనుకుంటుంది. అంత ఘనంగా పెళ్లి చేసుకోవాలంటే డబ్బులు సమకూర్చుకోవాలి.
Priyanka jain
అందుకే ప్రస్తుతానికి పెళ్లి చేసుకోకుండా సహజీవనం చేస్తున్నాము. పెళ్లి కాకుండా కలిసి ఎలా జీవిస్తున్నారు? మీ పేరెంట్స్ ఏమీ అనడం లేదా? అని కొందరు కామెంట్ చేస్తున్నారు. పెద్దల అంగీకారంతోనే మేము కలిసి జీవిస్తున్నాము.
ఈ విమర్శలకు చెక్ పెట్టేందుకు రిజిస్టర్ మ్యారేజ్ చేసుకోవాలనే ఆలోచన కూడా చేశామని శివ కుమార్ అన్నాడు. ఘనంగా పెళ్లి చేసుకోవడానికి డబ్బులు లేవు. అందుకే సహజీవనం చేస్తున్నామని శివకుమార్ వింత రీజన్ చెప్పాడు.