ఆ చెత్త సినిమాకి ఒప్పుకుని తప్పు చేశా..నా కెరీర్ లో బెస్ట్ మూవీ కోర్ట్ అంటూ ప్రియదర్శి కామెంట్స్

కమెడియన్ గా కెరీర్ మొదలు పెట్టిన ప్రియదర్శి ప్రస్తుతం హీరోగా రాణిస్తున్నాడు. బలగం, కోర్ట్ లాంటి అద్భుతమైన చిత్రాలతో సూపర్ హిట్స్ అందుకున్నాడు. నేచురల్ స్టార్ నాని నిర్మించిన కోర్ట్ చిత్రం ఏకంగా 60 కోట్లకి పైగా వసూళ్లు రాబట్టింది. ఏప్రిల్ 25న ప్రియదర్శి మరోసారి ప్రేక్షకుల ముందుకు రాబోతున్నాడు. మోహన్ కృష్ణ ఇంద్రగంటి దర్శకత్వంలో తెరకెక్కిన సారంగపాణి జాతకం చిత్రం ఏప్రిల్ 25న రిలీజ్ కి రెడీ అవుతోంది. 

దీనితో ప్రియదర్శి ప్రచార కార్యక్రమాల్లో పాల్గొంటున్నారు. తాజాగా ఇంటర్వ్యూలో ప్రియదర్శి తన కెరీర్ గురించి కొన్ని ఆసక్తికర వ్యాఖ్యలు చేశారు. చిత్ర పరిశ్రమలో నటుడిగా తన జర్నీని ఎంజాయ్ చేస్తున్నట్లు ప్రియదర్శి  తెలిపారు. ఇంకా ఏదో చేయాలి అనే తపన ఉంది. 

నేను కమెడియన్ అవుదాం అని ఇండస్ట్రీకి రాలేదు. ఎందుకంటే సత్య, వెన్నెల కిషోర్ తరహాలో నేను కామెడీ పండించలేను. అందుకే కోట శ్రీనివాసరావు, ప్రకాష్ రాజ్ లాంటి నటుడిని కావాలని కలలు కనేవాడిని. నాకు నాకు వచ్చిన పాత్రలని అంగీకరించి కొన్ని సినిమాలు చేశా. ఆ క్రమంలో కామెడీ రోల్స్ కూడా చేశాను అని ప్రియదర్శి తెలిపారు. 

9 ఏళ్ళ నా కెరీర్ లో నేను తీసుకున్న మంచి నిర్ణయం కోర్ట్ మూవీని ఒప్పుకోవడం. ఆ చిత్రం నా కెరీర్ లోనే బెస్ట్ మూవీ అని ప్రియదర్శి తెలిపారు. అదే విధంగా నా కెరీర్ లో నేను ఒప్పుకున్న చెత్త సినిమా కూడా ఉంది. ఆ చిత్రమే మిఠాయి అని ప్రియదర్శి తెలిపారు. 

Priyadarshi

ఆ సినిమాని నేను మనస్ఫూర్తిగా ఒప్పుకోలేదు. దర్శకుడు కూడా ఆ చిత్రాన్ని సీరియస్ గా తీసుకోలేదు. మిఠాయి చిత్రం నుంచి తప్పుడు నిర్ణయాలు తీసుకోకూడదు అని తెలుసుకున్నా. ఎలాంటి సినిమాలు చేయకూడదు అనే క్లారిటీ మిఠాయి చిత్రం నుంచి వచ్చింది. గతంలో తాను స్మోకింగ్ చేసేవాడిని అని.. కానీ దానివల్ల ఇబ్బందులు వస్తాయని తెలిసింది. ఆ తర్వాత స్మోకింగ్ మానేసినట్లు ప్రియదర్శి తెలిపారు.