Renu desai: రేణు దేశాయ్‌ ఈ మధ్య తన వ్యక్తిగత జీవితం గురించి ఓపెన్‌ అయిన విషయం తెలిసిందే. తన రెండో పెళ్లి గురించి వెల్లడించింది. ఎప్పుడు చేసుకోబోతుందో తెలిపింది. అలాగే అకీరా నందన్‌ సినిమాల్లోకి ఎంట్రీకి సంబంధించి ఆమె క్లారిటీ ఇచ్చింది. ఈ క్రమంలో రేణు దేశాయ్‌ పాత ఇంటర్వ్యూ ఒకటి ఇప్పుడు ట్రెండ్‌ అవుతుంది. ఇందులో ఆమె తన కొడుకు అకీరా నందన్‌ సాక్షిగా పెళ్లి చేసుకోవడం గురించి మాట్లాడింది. ఆసక్తికర విషయాలను పంచుకుంది.
Renu desai: పవన్‌ కళ్యాణ్‌ మాజీ భార్య రేణు దేశాయ్‌ ఆయనతో విడాకులు తీసుకున్న తర్వాత ఒంటరిగానే ఉంటుంది. దాదాపు 13ఏళ్ల క్రితమే వీరిద్దరు విడిపోయిన విషయం తెలిసిందే. పవన్‌, రేణు దేశాయ్‌ విడిపోయే నాటికి వీరికి అకీరా నందన్‌, ఆధ్య జన్మించారు. విడాకుల తర్వాత పవన్‌ మూడో పెళ్లి చేసుకోగా, రేణు దేశాయ్‌ మాత్రం ఒంటరిగానే ఉండిపోయింది. రెండో పెళ్లి చేసుకోలేదు. అయితే అందుకు కొంత సమయం ఉందని చెప్పింది.
పవన్‌ కళ్యాణ్‌, రేణు దేశాయ్‌ ప్రేమించుకుని పెళ్లి చేసుకున్నారు. `బద్రి` సినిమా సమయంలో వీరి మధ్య ప్రేమ పుట్టింది. కొంత కాలం సహజీవనం చేశారు. ఆ సమయంలోనే అకీరా నందన్‌ జన్మించారు. 2004 లో అకీరా జన్మించగా, 2009లో పవన్‌, రేణు మ్యారేజ్‌ చేసుకున్నారు. అప్పటికీ అకీరా ఏజ్‌ ఐదేళ్లు. ఆ తర్వాత ఏడాదికి ఆధ్య జన్మించింది. ఆధ్య జన్మించిన రెండేళ్లకే విడిపోయారు.
ఇదిలా ఉంటే తన కొడుకు ముందే తన పెళ్లి జరగడం గురించి రేణు దేశాయ్‌ ఓపెన్‌ అయ్యింది. అది బాధగా ఉందా? ఇబ్బంది పడ్డారా? ఆ సమయంలో మీ ఫీలింగ్‌ ఏంటని ప్రశ్నించగా, ఆసక్తికర సమాధానం చెప్పింది రేణు దేశాయ్‌. అది గొప్ప ఫీలింగ్‌ అని చెప్పింది. కొడుకు సాక్షిగా తన పెళ్లి జరగడం ఒక థ్రిల్‌ ఫీలింగ్‌ అని చెప్పింది.
అయితే చాలా మంది దీన్ని నెగటివ్‌గా చూశారు, బ్యాడ్‌గా మాట్లాడుకున్నారు. కానీ నాకు మాత్రం అదొక మంచి అనుభూతిగా ఇచ్చిందని, `నా పెళ్లిని నా కొడుకు దగ్గరుండి జరిపించడం అంతకంటే గొప్ప విషయం ఏముంటుంది, ఎందరికి ఈ అవకాశం దక్కుతుంది.
నా కొడుకు ముందు నా పెళ్లి జరిగే కాన్సెప్ట్ నాకు బాగా నచ్చింది` అని రేణు దేశాయ్‌ వెల్లడించింది. తన పెళ్లి అతికొద్ది మంది బంధుమిత్రుల సమయంలో అచ్చతెలుగు సాంప్రదాయం ప్రకారం జరిగిందని చెప్పింది రేణు దేశాయ్‌.
రేణు దేశాయ్‌ 16ఏళ్ల క్రితం మా టివీకి ఇచ్చిన ఇంటర్వ్యూలో ఈ విషయాన్ని వెల్లడించింది. ప్రస్తుతం ఇది యూట్యూబ్‌లో ట్రెండ్‌ అవుతుండటం విశేషం. రేణు దేశాయ్‌ ప్రస్తుతం అకీరా నందన్‌, ఆధ్యాలను చూసుకుంటుంది. వాళ్లు ఇంకాస్త పెద్దగా అయ్యాక, తమ సొంత నిర్ణయాలు తీసుకునే స్థాయికి ఎదిగాక తాను రెండో పెళ్లి చేసుకుంటానని ఇటీవల ఓ ఇంటర్వ్యూలో రేణు దేశాయ్‌ చెప్పిన విషయం తెలిసిందే.
read more: `పుష్ప 2`తో సంచలనం సృష్టించినా ప్రభాస్‌ని దాటలేకపోయిన అల్లు అర్జున్‌.. ఇండియా టాప్‌ 10 హీరోల లిస్ట్
also read: సౌత్ సినిమాలో అక్కడ జూమ్ చేసి చూపిస్తారు, స్టార్ హీరోయిన్ ఆవేదన
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి