సలార్ మూవీలో యష్?... అదిరిపోయే ట్విస్ట్ మైండ్ బ్లోయింగ్ కాంబినేషన్!

పాన్‌ ఇండియా స్టార్స్ ప్రభాస్‌, యష్‌ కలిసి సినిమా చూస్తే ఊహకందని విధంగా ఆ సినిమా ఉండబోతుందని చెప్పొచ్చు. అలాంటి సంచలనం చోటు చేసుకోబోతుంది. దాదాపు ఖరారైంది. 

`బాహుబలి`తో సంచలనాలు సృష్టించారు ప్రభాస్‌(Prabhas). వరల్డ్ సినిమాకి ఇండియన్ సినిమా సత్తాని, టాలీవుడ్‌ సత్తాని చూపించారు. ఆ తర్వాత `సాహో`తో తన రేంజ్‌ చాటుకున్నారు. ఇప్పుడు మూడు బిగ్గెస్ట్ మూవీస్‌తో వరల్డ్ సినిమాని షేక్‌ చేసేందుకు వస్తున్నారు. `సలార్‌`(Salaar), `ఆదిపురుష్‌`(Adipurush), `ప్రాజెక్ట్ కే` (Project K) పాన్‌ ఇండియ స్థాయిని దాటి ఉండబోతున్న సినిమా కావడం విశేషం. 

మరోవైపు `కేజీఎఫ్‌` (KGF) చిత్రాలతో రికార్డులు క్రియేట్‌ చేశారు యష్‌(Yash). `కేజీఎఫ్‌ 2`(KGF2) సృష్టించిన సంచలనాలు అన్నీ ఇన్నీ కావు. ఇది `ఆర్‌ఆర్‌ఆర్‌`నే దాటేసింది. `కేజీఎఫ్‌2`తో యష్‌ ఇండియన్‌ బిగ్గెస్ట్ స్టార్‌గా ఎదిగారు. యష్‌ ఇప్పుడొక బ్రాండ్‌గా మారిపోయారు. కన్నడ సినిమా స్టాండర్డ్స్ ని అమాంతం పెంచేశారు. 

ఇదిలా ఉంటే ప్రభాస్‌, యష్‌ (Prabhas-Yash) కలిసి నటిస్తే చూడాలనేది అభిమానుల కోరిక. కానీ ఈ ఇద్దరు కలిస్తే మాత్రం బాక్సాఫీసు షేక్‌ అయిపోవాల్సిందే. సంచలనాలకు కేరాఫ్‌గా, అంచనాలకు ఆకాశమే హద్దుగా మారబోతుంది. ఊహకందని కాంబినేషన్‌ ఇది. ఇదొక బిగ్గెస్ట్ ప్రాజెక్ట్‌. సౌత్‌ లోనే దీన్ని మించి మరోటి ఉండదని చెప్పొచ్చు. అయితే అలాంటి సంచలనాలకు తెరలేపబోతున్నారు. ఈ ఇద్దరు కలిసి ఒకే తెరపై కనిపించబోతున్నారట. లేటెస్ట్ వార్త ఇప్పుడు సోషల్‌ మీడియాలో వైరల్‌ అవుతుంది. 

అందుకు `సలార్‌` సినిమా వేదిక కాబోతుందట. ప్రభాస్‌.. ప్రస్తుతం `కేజీఎఫ్‌` ఫేమ్‌ ప్రశాంత్‌ నీల్‌(Prashanth Neel)తో `సలార్‌` చిత్రంలో నటిస్తున్నారు. శృతి హాసన్‌ కథానాయికగా నటిస్తున్న ఈ చిత్రంలో మలయాళ నటుడు పృథ్వీరాజ్‌ కీలక పాత్ర పోషిస్తున్నారు. శరవేగంగా చిత్రీకరణ జరుపుకుంటోంది. కోల్‌ మైనింగ్‌ బ్యాక్‌ డ్రాప్‌లో సలార్‌ అనే యోధుడి కథతో ఈ చిత్రం సాగబోతుందని, సలార్‌ కార్మికుల నాయకుడిగా ఉండబోతున్నారని తెలుస్తుంది. 

`సలార్‌`లో యాష్‌ని నటింప చేయాలని దర్శకుడు ప్రశాంత్‌ నీల్‌ భావిస్తున్నారట. ఇటీవల ప్రభాస్‌, యష్‌ కాంబినేషన్‌లో ప్రశాంత్‌ నీల్‌ ఓ భారీ ప్రాజెక్ట్ కి ప్లాన్‌ చేస్తున్నట్టు వార్తలొచ్చాయి. మరో రెండు మూడు సినిమాల తర్వాత ఈ కాంబినేషన్‌ ఉండబోతుందంటూ వార్తలొచ్చాయి. కానీ అంతకంటే ముందే `సలార్‌`తో అభిమానుల కోరికని తీర్చబోతున్నారట. ప్రభాస్‌ హీరోగా రూపొందే `సలార్‌`లో యష్‌ చేత గెస్ట్ రోల్‌ చేయించాలని భావిస్తున్నారట ప్రశాంత్‌ నీల్‌. 

ప్రస్తుతం ప్రభాస్‌, యష్‌ కాంబినేషన్‌ సెట్ చేసేందుకు సన్నాహాలు చేస్తున్నారట. దీనికి సంబంధించి యష్‌తోనూ చర్చలు జరుపుతున్నారట. మరోవైపు మేకర్స్ తోనూ సాధ్యాసాధ్యాలపై చర్చిస్తున్నారట. ఆల్మోస్ట్ ఈ కాంబినేషన్‌ సెట్‌ అయినట్టే అని, యష్‌ గెస్ట్ గా `సలార్‌` లో కనిపించడం ఖాయమంటున్నారు. బలమైన అతిథి పాత్రలో యష్‌ కనిపిస్తారట. ప్రభాస్‌,యష్‌ ఒకేసారి తెరపై కనిపించే సన్నివేశాలు నెవర్‌ బిఫోర్‌ అనేలా, ఊహకందని విధంగా ఉండబోతున్నాయని, ఆ స్థాయిలో ప్రశాంత్‌ నీల్ ప్లాన్‌ చేశారని టాక్‌. 

ఇందులో నిజమెంతా అనేది తెలియాల్సి ఉంది. కానీ ఇదే సెట్‌ అయితే `సలార్‌` ఇండియన్ సినిమాలోనే మరో సెన్సేషనల్‌ ప్రాజెక్ట్ కాబోతుందని చెప్పొచ్చు. అదొక సంచలనాలకు కేరాఫ్‌గానూ నిలుస్తుందని చెప్పొచ్చు. ఇక `సలార్‌`ని హోంబలే ఫిల్మ్స్ నిర్మిస్తుంది. 

 యష్‌ నటించిన `కేజీఎఫ్‌2` ఏప్రిల్‌లో విడుదలై సుమారు 1200కోట్లు వసూలు చేసిన విషయం తెలిసిందే. ఈ సినిమా తర్వాత యష్‌ మరో సినిమా ఇంకా ప్రకటించలేదు. నార్తన్‌ దర్శకత్వంలో ఓ సినిమా చేయబోతున్నట్టు సమాచారం.  ఇందులో హీరోయిన్‌గా పూజా హెగ్డే పేరు వినిపించింది.