కబీర్ బహియా తో కృతి సనన్ ఎఫైర్ నడుపుతుంది అనేది లేటెస్ట్ న్యూస్. వీరిద్దరూ చట్టాపట్టాలేసుకుని తిరుగుతున్న ఫోటోలు బయటకు వచ్చాయి. ఇంతకీ ఎవరీ కబీర్ బహియా?
కృతి సనన్ బాలీవుడ్ స్టార్ హీరోయిన్స్ లో ఒకరు. మోడల్ గా కెరీర్ ఆరంభించిన కృతి సనన్ కి దర్శకుడు సుకుమార్ హీరోయిన్ ఛాన్స్ ఇచ్చాడు. 2014లో విడుదలైన వన్ నేనొక్కడినే చిత్రంతో సిల్వర్ స్క్రీన్ కి పరిచయం అయ్యింది. అనంతరం నాగ చైతన్యకు జంటగా దోచేయ్ చిత్రం చేసింది.
బాలీవుడ్ లో ఆఫర్స్ రావడంతో టాలీవుడ్ పై దృష్టి తగ్గించింది. గత ఏడాది ఆదిపురుష్ మూవీతో మరలా తెలుగు ఆడియన్స్ ని కృతి సనన్ పలకరించింది. ఆదిపురుష్ లో ఆమె సీత పాత్ర చేయడం విశేషం. రామాయణ గాథగా తెరకెక్కిన ఆదిపురుష్ తీవ్ర విమర్శలపాలైంది. దర్శకుడు ఓం రౌత్ కారణంగా ప్రభాస్ కూడా అబాసుపాలయ్యాడు.
కాగా ప్రభాస్-కృతి సనన్ ఎఫైర్ లో ఉన్నారంటూ ఆ మధ్య పుకార్లు షికార్లు కొట్టాయి. ఓ షోలో వరుణ్ ధావన్ చేసిన కామెంట్స్ ఈ రూమర్స్ కి మరింత ఆజ్యం పోశాయి. అయితే కృతి సనన్ ఈ వార్తలను ఖండించింది. తాము కేవలం మిత్రులమే. అంతకు మించి ఎలాంటి బంధం లేదని ఆమె క్లారిటీ ఇచ్చింది. గతంలో దివంగత నటుడు సుశాంత్ రాజ్ పుత్ తో కూడా కృతి సనన్ ఎఫైర్ నడిపిందనే వాదన ఉంది.
తాజాగా కబీర్ బహియా పేరు తెరపైకి వచ్చింది. కబీర్-కృతి సనన్ తరచుగా కలుస్తున్న ఫోటోలు బయటకు వస్తున్నాయి. కృతి సనన్ బర్త్ డే పార్టీకి కూడా కబీర్ హాజరయ్యాడని సమాచారం. ఇద్దరూ చేయి చేయి పట్టుకుని విదేశీ వీధుల్లో చక్కర్లు కొడుతున్న ఫోటోలు సోషల్ మీడియాలో హల్చల్ చేస్తున్నాయి.
ఇంతకీ ఎవరు ఈ కబీర్ అంటే.. లండన్ కి చెందిన ఈ 24 ఏళ్ల కుర్రాడు సంపన్నుల కుటుంబంలో పుట్టాడు. తండ్రి కుల్విన్దర్ బహియా యూకేలో సౌథాల్ ట్రావెల్ పేరుతో ఒక ట్రావెల్ ఏజెన్సీ నడుపుతున్నారు. కబీర్ ఆస్తుల విలువ రూ. 45 వేల కోట్లకు పైమాటే అని సమాచారం.
కబీర్ కు ఇండియన్ క్రికెటర్స్ తో కూడా సన్నిహిత సంబంధాలు ఉన్నాయి. హార్థిక్ పాండ్యా-నటాషా వెడ్డింగ్ కి కబీర్ హాజరయ్యాడు. అలాగే మహీంద్రా సింగ్ ధోనీకి కబీర్ మిత్రుడు. వీరు అప్పుడప్పుడు కలుస్తూ ఉంటారు. కొన్నాళ్లుగా కృతి సనన్-కబీర్ స్నేహం కొనసాగిస్తున్నారు. కబీర్-కృతి సనన్ లకు వయసులో 10 ఏళ్ళు వ్యత్యాసం ఉంది..
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి