సంక్రాంతికి ప్రభాస్‌ కొత్త సినిమా ప్రకటన?, దర్శకుడు ఎవరో తెలిస్తే పూనకాలే!

ప్రభాస్‌ చేతిలో ఐదు సినిమాలున్నాయి. ఇప్పుడు మరో సినిమా ప్రకటన రాబోతుంది. సంక్రాంతికి గుడ్ న్యూస్‌ చెప్పబోతున్నారట. దర్శకుడు ఎవరో తెలిస్తే మాత్రం పూనకాలే అంటున్నారు.   

ప్రభాస్‌ చేతిలో ఐదారు సినిమాలున్నాయి. వాటిని పూర్తి చేయడానికే రెండుమూడేళ్లు పట్టేలా ఉంది. ఈ క్రమంలో కొత్త సినిమాలంటే మూడు నాలుగేళ్లు పట్టాల్సిందే. కానీ ఇప్పుడు మరో సినిమాకి కమిట్‌ అయ్యాడట ప్రభాస్‌. ఆల్‌రెడి రూమర్స్ గా వినిపించే ప్రాజెక్ట్ కే కమిట్‌ అయ్యాడట. అంతేకాదు సంక్రాంతికి ప్రకటన కూడా రాబోతుందట. మరి ఆ దర్శకుడెవరు? అనేది చూస్తే. 

ప్రభాస్‌ ప్రస్తుతం మారుతి దర్శకత్వంలో రూపొందుతున్న`ది రాజా సాబ్‌` చిత్రంలో నటిస్తున్నారు. ఫస్ట్ టైమ్‌ ఆయన హర్రర్‌ జోనర్‌లో సినిమా చేస్తున్నారు. ఇది రొమాంటిక్‌ హర్రర్‌ ఎంటర్‌టైనర్‌గా తెరకెక్కించబోతున్నట్టు టీమ్‌ ప్రకటించింది. ఇప్పటికే ఓ గ్లింప్స్ కూడా విడుదల చేశారు. హర్రర్‌ లుక్‌లో, రాజావారి గెటప్‌లో ప్రభాస్‌ లుక్‌ని కూడా విడుదల చేశారు. ఇందులో సరికొత్తగా ఉన్నారు ప్రభాస్‌. ఈ మూవీ ఏప్రిల్‌లో విడుదల కాబోతుంది. 

దీంతోపాటు హను రాఘవపూడితో సినిమా చేస్తున్నారు. దీనికి `ఫౌజీ` అనే టైటిల్‌ని ఖరారు చేశారట. సైనికుడి పాత్రలో ప్రభాస్‌ కనిపిస్తారట. ఆర్మీ బ్యాక్‌ డ్రాప్‌ ప్రేమ కథ అని, యాక్షన్‌ మేళవింపుతో ఈ సినిమా ఉంటుందని తెలుస్తుంది. ప్రస్తుతం ఇది చిత్రీకరణ దశలో ఉంది. ఆ తర్వాత సందీప్‌ రెడ్డి వంగా దర్శకత్వంలో `స్పిరిట్‌` మూవీ రూపొందబోతుంది. ఇది ఈ ఏడాది చివర్లో ప్రారంభం కానుందని సమాచారం.

మరోవైపు `సలార్‌ 2` సినిమా చేయాల్సి ఉంది. దీనితోపాటు `కల్కి 2` కూడా చేయాల్సి ఉంది. ఇవి ప్రారంభం కావడానికే మరో ఏడాది రెండేళ్లు పడతాయి. పూర్తి కావడానికి మరో ఏడాది పడుతుంది. ఇలాంటి పరిస్థితుల్లో ఇప్పుడు ప్రభాస్‌ మరికొన్ని సినిమాలకు కమిట్‌ అయ్యారట.

కోలీవుడ్‌ దర్శకుడు లోకేష్‌ కనగరాజ్‌ దర్శకత్వంలో సినిమా చేయబోతున్నట్టు వార్తలు వచ్చిన విషయం తెలిసిందే. ఈ మూవీ ఓకే అయ్యిందని సమాచారం. హోంబలే ఫిల్మ్స్ పతాకంపై ఈ మూవీ తెరకెక్కబోతుందట. గతంలో తమ బ్యానర్‌లో ప్రభాస్‌ మూడు సినిమాలు రానున్నాయని వాళ్లు ప్రకటించారు. 

ప్రస్తుతం చేయబోతున్న `సలార్ 2` ఒకటి. రెండోది లోకేష్‌ కనగరాజ్‌తో, మూడోది ప్రశాంత్‌ వర్మతోగానీ, ఓం రౌత్‌తోగానీ అంటున్నారు. దీనిపై స్పష్టత రావాల్సి ఉంది. అందులో భాగంగానే లోకేష్‌, హోంబలే ఫిల్మ్ కాంబోలో ప్రభాస్‌ మూవీని ఈ సంక్రాంతికి అధికారికంగా ప్రకటించే అవకాశం ఉందని తెలుస్తుంది. మరి ఇందులో నిజమెంతా అనేది తెలియాల్సి ఉంది.

కానీ ఈ వార్త మాత్రం ప్రభాస్‌ ఫ్యాన్స్ కి హైప్‌ ఇస్తుంది. పూనకాలు తెప్పిస్తుందని చెప్పొచ్చు. లోకేష్‌ సినిమాలు ఏ రేంజ్‌లో బాక్సాఫీసు వద్ద రచ్చ చేస్తున్నాయో తెలిసిందే. ఎలివేషన్లు, యాక్షన్‌ సీన్లు ఓ రేంజ్‌లో ఉంటాయి. అలాంటిది ప్రభాస్‌తో సినిమా ఉంటే దానికి ఆకాశమే హద్దుగా చెప్పొచ్చు.

ఈ కాంబో సెట్‌ అయితే నిజంగానూ పూనకాలు తెప్పించే మూవీ అవుతుందని చెప్పడంలో అతిశయోక్తి లేదు. ఏం జరుగుతుందో వేచి చూడాలి.  ప్రస్తుతం లోకేష్‌.. రజనీకాంత్‌తో `కూలీ` సినిమా చేస్తున్నారు. ఇందులో నాగార్జున, అమీర్‌ ఖాన్‌ ముఖ్య పాత్రలు పోషిస్తున్నారు.