Adipurush Review:'ఆదిపురుష్' ప్రీమియర్ టాక్..రాముడిగా ప్రభాస్ జయహో, ఫస్టాఫ్ దద్దరిల్లింది.. కానీ సెకండాఫ్ ?

యంగ్ రెబల్ స్టార్ ప్రభాస్ నటించిన చారిత్రాత్మక చిత్రం ఆదిపురుష్. భారతీయులు ఎంతో భక్తి శ్రద్దలతో ఆరాధించే పుణ్యపురుషుడు శ్రీరాముడి పాత్రలో ప్రభాస్ నటించిన చిత్రం ఇది. రామాయణం పురాణం ఆధారంగా దర్శకుడు ఓం రౌత్ ఈ చిత్రాన్ని తెరకెక్కించారు. ఎన్నో వివాదాల మధ్య నలుగుతూ.. అదే విధంగా భారీ అంచనాలతో ఈ చిత్రం నేడు ప్రేక్షకుల ముందుకు వచ్చింది. శ్రీరాముడిగా ప్రభాస్ నటించగా .. జానకి పాత్రలో కృతి సనన్.. రావణాసురుడిగా సైఫ్ అలీఖాన్ నటించారు. 

ఓం రౌత్ రామాయణాన్ని ఎలా డీల్ చేశాడు అనే ఉత్కంఠ ఒకవైపు ఉంటే.. ప్రభాస్ రాముడిగా వెండితెరపై ఎలా వెలిగాడు అనేది మరో ఆసక్తి. అభిమానుల నిరీక్షణకు తెరదించుతూ ప్రపంచ వ్యాప్తంగా ఆదిపురుష్ ప్రీమియర్ షోలు మొదలయ్యాయి. ఆదిపురుష్ చిత్రానికి సంబంధించి ప్రీమియర్ షోలలో ఆడియన్స్ రెస్పాన్స్ ఎలా ఉందో ఇప్పుడు తెలుసుకుందాం. 

సరిగ్గా 2 గంటల 59 నిమిషాల నిడివితో ఆదిపురుష్ చిత్రం మొదలవుతుంది. ముందుగా చెప్పినట్లుగా దర్శకుడు ఓం రౌత్.. శ్రీరాముడు, లక్ష్మణుడు, సీతా దేవి వనవాసం సన్నివేశంతో కథని ప్రారంభించారు. ఓం రౌత్ ఈ చిత్రాన్ని అరణ్య కాండ, యుద్ధ కాండ ఆధారంగా తెరకెక్కించినట్లు ఆల్రెడీ చెప్పారు. ఓ యాక్షన్ సన్నివేశంతో శ్రీరాముడిగా ప్రభాస్ పరిచయ జరుగుతుంది. అంతకు ముందు రావణుడిగా సైఫ్ అలీఖాన్ భయంకరమైన ఎంట్రీ ఇస్తాడు. 

కథలో శూర్పణఖ సన్నివేశాన్ని ఫ్లాష్ బ్యాక్ ద్వారా చూపించారు. ఆ తర్వాత లక్ష్మణ రేఖ సన్నివేశం, మాయలేడి సన్నివేశం వరుసగా వస్తాయి. రావణుడు సీతాదేవిని అపహరించడంతో ఒక్కసారిగా కథ సీరియస్ గా మారుతుంది. హనుమంతుడి పాత్రలో దేవద్దత్త నాగే ఎంట్రీ ఎమోషనల్ గా ఉంటుంది. ఆ తర్వాత వచ్చే సుగ్రీవుడు, వాలి ఎపిసోడ్ కూడా ఆకట్టుకుంటుంది. సుగ్రీవుడి కోట, అంధులు జంతువుల విజువల్స్ ఈ జనరేషన్ ఆడియన్స్ కి తగ్గట్లుగా ఉంటాయి. 

ఇక హనుమంతుడు లంకలోకి ఎంట్రీ ఇచ్చేసీన్, లంకని దహనం చేసే సీన్ పూర్తిగా గ్రాఫిక్స్ మయం అనే చెప్పాలి. దర్శకుడు ఓం రౌత్ చాలా చోట్ల సినిమాటిక్ లిబర్టీ తీసుకుని ఈ జనరేషన్ ఆడియన్స్ కోసం విజువల్స్ పెట్టారు అనిపిస్తుంది. దీనితో రామాయణాన్ని ఒక టెంప్లేట్ లో భావించే ఆడియన్స్ కి కాస్త నిరాశ తప్పదు. కొన్ని చోట్ల గ్రాఫిక్స్ నాసిరకంగా కూడా ఉన్నాయ్. ఎపిక్ సన్నివేశం రామసేతు నిర్మాణంతో ఫస్ట్ హాఫ్ ముగుస్తుంది. 

ఓవరాల్ గా ఫస్ట్ హాఫ్ గురించి చెప్పాలంటే చాలా వరకు ఎంగేజింగ్ గా సాగింది. ఈ జనరేషన్ ఆడియన్స్ ఇంప్రెస్ అయ్యేలా గ్రాఫిక్స్ విషయంలో ఓం రౌత్ జాగ్రత్త పడ్డారు. శ్రీరాముడిగా ప్రభాస్ పాత్ర, స్క్రీన్ ప్రజెన్స్ ఈ చిత్రానికి బిగ్ అసెట్. సైఫ్ అలీఖాన్, కృతి సనన్ కూడా మెప్పించారు. ఫస్ట్ హాఫ్ లో మ్యూజిక్ అదిరిపోయింది అనే చెప్పాలి. మొత్తంగా దర్శకుడు ఓం రౌత్ సెకండ్ హాఫ్ కి కావలసిన ఫ్లాట్ ఫామ్ రెడీ చేశారు. 

ఇక సెకండ్ హాఫ్ చాలా చోట్ల లాగ్ కి గురైంది. అలాగే సెకండ్ హాఫ్ లో రావణుడిని చూపించిన విధానం కాస్త ఎబ్బెట్టుగా అనిపిస్తుంది. రావణుడి పాత్ర సిజి వర్క్ డిజైన్ ఏమాత్రం ఆకట్టుకోదు. పైగా ట్రోలర్స్ కి మంచి స్టఫ్ లాగా ఉంది. సెకండ్ హాఫ్ లో రామాయణ మూల కథ నుంచి ఓం రౌత్ కాస్త పక్కకి వెళ్లినట్లు అనిపిస్తుంది. చాలా చోట్ల సినిమాటిక్ లిబర్టీ తీసుకున్నారు. 

సెకండ్ హాఫ్ లో దాదాపు 30 నిమిషాల పాటు చిత్రం నెమ్మదిగా సాగుతుంది. ఈ చిత్రంలో మ్యూజిక్ ని ప్రత్యేకంగా అభినందించాలి. ఎందుకంటే చాలా సన్నివేశాలు ఎఫెక్టీవ్ నెస్ తగ్గినప్పుడు మ్యూజిక్ కాపాడింది. పురాణ కథ కాబట్టి ఇతర పాత్రల వల్ల ప్రభాస్ స్క్రీన్ టైం తగ్గినట్లు అనిపించింది. శ్రీరాముడిగా ప్రభాస్ అద్భుతంగా పెర్ఫామ్ చేశాడు. రావణుడి పాత్రని మరింత క్రూరంగా చూపించే క్రమంలో అతడి లోకి దారుణంగా ఉన్నాయి. 

సెకండ్ హాఫ్ లో ఫైనల్ వార్ సన్నివేశం కోసం, విజువల్స్ కోసం కోట్లాదిరూపాయలు వెచ్చించనట్లు అర్థం చేసుకోవచ్చు. అయితే ఖర్చుకు తగ్గట్లుగా విజువల్ రాలేదు అని చెప్పాలి. చాలా చోట్ల కార్టూన్ తరహా విజువల్స్ దర్శనం ఇస్తాయి. ఓవరాల్ గా ఆదిపురుష్ ఫస్ట్ హాఫ్ ఎంగేజింగ్ గా సాగినప్పటికీ.. సెకండ్ హాఫ్ లో చాలా భాగం మైనస్ గా మారింది. సెకండ్ హాఫ్ లో భారీ క్లైమాక్స్ తప్ప చెప్పుకోవడానికి ఇంకేమి లేదు. ఓవరాల్ గా ఆదిపురుష్ అబౌ యావరేజ్ గా డీల్ చేయబడ్డ రామాయణ చిత్రం.