మెగా ఫ్యామిలీతో పోసాని రైటర్ గా పనిచేసిన చిత్రాల్లో హిట్స్ అండ్ ఫ్లాప్స్..పాన్ ఇండియా స్టార్ తో డిజాస్టర్

పోసాని కృష్ణ మురళి మరోసారి వార్తల్లో హాట్ టాపిక్ గా మారారు. రీసెంట్ గా ఏపీ పోలీసులు పోసాని కృష్ణ మురళిని అరెస్ట్ చేసిన సంగతి తెలిసిందే. వైసీపీ హయాంలో పోసాని కృష్ణమురళి పవన్ కళ్యాణ్, నారా లోకేష్, చంద్రబాబుపై బూతులతో విరుచుకుపడిన సంగతి తెలిసిందే.

Posani Krishna Murali

పోసాని కృష్ణ మురళి మరోసారి వార్తల్లో హాట్ టాపిక్ గా మారారు. రీసెంట్ గా ఏపీ పోలీసులు పోసాని కృష్ణ మురళిని అరెస్ట్ చేసిన సంగతి తెలిసిందే. వైసీపీ హయాంలో పోసాని కృష్ణమురళి పవన్ కళ్యాణ్, నారా లోకేష్, చంద్రబాబుపై బూతులతో విరుచుకుపడిన సంగతి తెలిసిందే. వారి కుటుంబ సభ్యులని కూడా లాగి తీవ్ర వ్యాఖ్యలు చేశారు. వాటి ఫలితమే ఈ అరెస్ట్. ఏపీలో పలు చోట్ల పోసానిపై కేసులు నమోదయ్యాయి. 

Posani Krishna Murali

బుధవారం రాత్రి ఓబులవారిపల్లె పోలీసులు పోసాని కృష్ణ మురళిని హైదరాబాద్ లో అరెస్ట్ చేశారు. పోసాని అరెస్ట్ నాటకీయ పరిణామాల మధ్య చోటు చేసుకుంది. దీనితో మరోసారి పోసాని సోషల్ మీడియాలో సంచలనంగా మారారు. పోసాని కృష్ణమురళి టాలీవుడ్ లో రచయితగా కెరీర్ ప్రారంభించారు. అనేక చిత్రాలకు పోసాని కథలు, మాటలు అందించారు. పోసాని కెరీర్ లో ఎక్కువగా ఫ్యామిలీ ఓరియెంటెడ్ చిత్రాలకు పనిచేశారు. 

posani

చిరంజీవి, నాగార్జున, వెంకటేష్ లాంటి అగ్ర హీరోల చిత్రాలకు పోసాని రచయితగా పనిచేశారు. రాజకీయాల్లోకి వచ్చాక పోసాని పవన్ కళ్యాణ్ పై, మెగా ఫ్యామిలీపై తీవ్రమైన వ్యాఖ్యలు చేసిన సంగతి తెలిసిందే. అదే మెగా ఫ్యామిలీ హీరోల చిత్రాలకు పోసాని రచయితగా పనిచేసిన సందర్భాలు ఉన్నాయి. మెగాస్టార్ చిరంజీవి నటించిన అల్లుడా మజాకా చిత్రానికి కథ అందించింది పోసాని కావడం విశేషం. ఆ చిత్రం హిట్ అయినప్పటికీ డైలుగులు, వల్గారిటీ వల్ల విమర్శల పాలైంది. 

ఆ తర్వాత చిరంజీవి మాస్టర్ చిత్రానికి పోసాని మాటలు అందించారు. ఆ మూవీ మంచి విజయం సాధించింది . పవన్ కళ్యాణ్ కెరీర్ బిగినింగ్ దశలో ఉన్నప్పుడు గోకులంలో సీత అనే చిత్రంలో నటించారు. ఆ మూవీకి పోసాని రచయితగా పనిచేశారు. ఆ మూవీ యావరేజ్ గా నిలిచింది. పోసానికి రచయితగా బిగ్గెస్ట్ హిట్ చిత్రాలు అంటే పవిత్రబంధం, ప్రేమించుకుందాం రా లాంటి చిత్రాల గురించి చెప్పొచ్చు. 

పాన్ ఇండియా స్టార్ ప్రభాస్ తో కూడా పోసాని రచయితగా ఒక చిత్రానికి పనిచేశారు. ఆ మూవీ పేరు రాఘవేంద్ర. ఈ చిత్రం తీవ్రంగా నిరాశపరిచింది. ఆ తర్వాత పోసాని దర్శకుడిగా కూడా రాణించారు. ఆపరేషన్ దుర్యోధన, మెంటల్ కృష్ణ లాంటి విజయవంతమైన చిత్రాలని పోసాని తెరకెక్కించారు. గత పదేళ్లుగా పోసాని రచన, దర్శకత్వం పక్కన పెట్టి నటుడిగా రాణిస్తున్నారు. ఇంతలో రాజకీయ వివాదాల్లో చిక్కుకున్నారు.