పవన్ కళ్యాణ్‌ చివరగా `అజ్ఞాతవాసి`లో కనిపించాడు. త్రివిక్రమ్‌ దర్శకత్వంలో వచ్చిన ఆ సినిమా పరాజయం చెందింది. ఆ తర్వాత ఆయన సినిమాలకు దూరమయ్యాడు. పూర్తిరాజకీయాల్లోకి వెళ్లిపోయాడు. ఒకానొక సమయంలో సినిమా చేయాలి, నటించాలనే పరిణతిని దాటిపోయానని అనిపిస్తుందన్నారు. అంటే సినిమాలు చేయడమనేది తన దృష్టిలో చిన్నదిగా కనిపించింది. కానీ ఇప్పుడు ఆయనకు సినిమాలే దిక్కయ్యాయి.
ఇక రాజకీయాలు సర్దు మనగడంతో తిరిగి సినిమాలు చేయాలని భావించారు పవన్. డబ్బుల కోసం సినిమాలు చేస్తున్నానని బహిరంగంగానే చెప్పాడు. తనకు ఎలాంటివ్యాపారాలు లేవని, అందుకే సినిమాలు చేస్తున్నా అన్నారు. అన్నట్టుగానే వరుసగా బెట్టి సినిమాలకు గ్రీన్‌ సిగ్నల్ ఇస్తూ పోతున్నారు.
తొలుత `పింక్‌` రీమేక్‌ `వకీల్‌సాబ్‌`లో నటించేందుకు సైన్‌ చేశారు. బాలీవుడ్‌లో విజయం సాధించిన చిత్రానికి రీమేక్‌. వేణు శ్రీరామ్‌ దీనికి దర్శకత్వం వహిస్తుండగా, బోనీకపూర్‌ సమర్పణలో దిల్‌రాజు నిర్మిస్తున్నారు.
ఈ సినిమా ఇప్పటికే దాదాపు చివరి దశకు చేరుకుంది. ఇందులో ఆయన వకీల్‌గా కనిపించనున్నారు. ఆయనకు జోడీగా శృతి హాసన్ నటించనున్నారు. నివేదా థామస్‌,అంజలి కీలక పాత్రలు పోషిస్తున్నారు. ఇటీవల మెట్రోలో సినిమా కోసం ప్రయాణించి పవన్ సందడి చేశారు.
దీని తర్వాత పవన్ క్రిష్‌ దర్శకత్వంలో ఓ సినిమా చేయనున్నారు. దీనికి `విరూపాక్ష` అనే పేరు వినిపించింది. ఇది రాబిన్‌హుడ్‌ పాత్ర ప్రధానంగా, పీరియాడికల్‌ డ్రామాగా సాగుతుందని, ఇందులో వపన్‌ రాబిన్‌హుడ్‌ పాత్రలో కనిపిస్తారని తెలుస్తుంది. దీన్ని ఏం.ఎం.రత్నం నిర్మిస్తున్నారు.
దీంతోపాటు హరీష్‌ శంకర్‌ దర్శకత్వంలో ఓ సినిమా చేయనున్నారు. వీరి కాంబినేషన్‌లో గతంలో `గబ్బర్‌సింగ్‌` లాంటి బ్లాక్‌ బస్టర్‌ వచ్చిన విషయం తెలిసిందే.
ఆ కాంబినేషన్‌ రిపీట్‌ చేస్తూ, ఆ బ్లాక్‌ బస్టర్‌ని కూడా రిపీట్‌ చేయాలని పవన్, హరీష్‌ భావిస్తున్నారు. ఈ సినిమా వచ్చే ఏడాది ప్రారంభం కానుంది.
అలాగే ఇటీవల సాగర్‌ కె. చంద్ర అనే అప్‌కమింగ్‌, యువ డైరెక్టర్‌కి గ్రీన్‌ సిగ్నల్ ఇచ్చాడు పవన్. మలయాళంలో సూపర్‌ హిట్‌ అయిన `అయ్యప్పనుమ్‌ కోషియమ్‌` చిత్రరీమేక్‌లో నటించబోతున్నారు. ఇది హరీష్‌ శంకర్‌ చిత్రానికి ముందే ప్రారంభం కానుంది.
అలాగే `సైరా` ఫేమ్‌ సురేందర్‌రెడ్డి డైరెక్షన్‌లోనూ పవన్ ఓ సినిమా చేసే కమిట్‌ మెంట్‌ ఉందని తెలుస్తుంది. దీన్ని పవన్ స్నేహితుడు రామ్‌ తాళ్లూరి నిర్మించనున్నారు.
ఈ ఐదు సినిమాలతోపాటు మరో సినిమాకి పవన్ తాజాగా గ్నీన్‌ సిగ్నల్ ఇచ్చారట. డాన్స్ మాస్టర్‌ జానీ డైరెక్షన్‌లో ఓ సినిమా చేసేందుకు తాజాగా ఓకే చెప్పినట్టు వార్తలుసోషల్ మీడియాలో వైరల్‌ అవుతున్నాయి.
ఇందులో ఇంకా క్రేజీ న్యూస్ ఏంటంటే రామ్‌చరణ్‌ దీన్ని నిర్మించబోతుండటం. బాబాయ్‌ హీరోగా ఓ సినిమా చేస్తానని ఆ మధ్య తెలిపారు చరణ్‌. జానీ మాస్టర్‌ డైరెక్షన్‌లో ఉండే సినిమాని చెర్రీ నిర్మిస్తాడని టాక్. మరి ఇందులో నిజమెంతా అనేది మున్ముందు తేలనుంది. కానీ ఇప్పుడు మాత్రం ఆరుసినిమాలను లైన్‌లో పెట్టిన పవన్ అభిమానులను,ఇండస్ట్రీ వర్గాలకు షాక్‌లు ఇస్తున్నాడన్నది మాత్రం వాస్తవం.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి