డిప్యూటీ సీఎం సాబ్ కి ఉపయోగపడేలా వదినమ్మ సూపర్ గిఫ్ట్..ధర తెలిస్తే బుర్ర తిరిగిపోద్ది
First Published Jun 15, 2024, 8:52 PM ISTఆన్ స్క్రీన్ పై వకీల్ సాబ్ గా అలరించిన పవన్ ఇప్పుడు రియల్ లైఫ్ లో డిప్యూటీ సీఎం సాబ్ గా బాధ్యతలు నిర్వహించబోతున్నారు.
ఆన్ స్క్రీన్ పై వకీల్ సాబ్ గా అలరించిన పవన్ ఇప్పుడు రియల్ లైఫ్ లో డిప్యూటీ సీఎం సాబ్ గా బాధ్యతలు నిర్వహించబోతున్నారు.
జనసేన అధినేత పవన్ కళ్యాణ్ కుటుంబంలో సంబరాలు కొనసాగుతున్నాయి. ఎన్నికల్లో విజయం సాధించిన తర్వాత పవన్ ఆంధ్ర ప్రదేశ్ డిప్యూటీ సీఎం గా ప్రమాణ స్వీకారం చేశారు. ఆన్ స్క్రీన్ పై వకీల్ సాబ్ గా అలరించిన పవన్ ఇప్పుడు రియల్ లైఫ్ లో డిప్యూటీ సీఎం సాబ్ గా బాధ్యతలు నిర్వహించబోతున్నారు.
ఎన్నికల్లో విజయం సాధించిన తర్వాత పవన్ తన అన్నయ్య చిరంజీవి ఇంటికి వెళ్లి కుటుంబ సభ్యుల ఆశీర్వాదం తీసుకున్న సంగతి తెలిసిందే. చిరంజీవి దంపతులు, తల్లి అంజనా దేవి కాళ్ళని పవన్ మొక్కారు. చిరంజీవి తమ్ముడు విజయాన్ని గ్రాండ్ గా సెలెబ్రేట్ చేశారు.
పవన్ కళ్యాణ్ ప్రమాణ స్వీకారానికి కూడా చిరంజీవి కుటుంబ సభ్యులు హాజరైన సంగతి తెలిసిందే. పవన్ కళ్యాణ్ అన్న వదినలు చిరంజీవి, సురేఖని తల్లిదండ్రులుగానే భావిస్తారు. చిరు, సురేఖ పవన్ ని తమ బిడ్డగానే చూసుకుంటారు.
పవన్ కళ్యాణ్ కి చంద్రబాబు కేబినెట్ లో డిప్యూటీ సీఎం పదవి దక్కింది. మంత్రిగా పవన్ పంచాయతీరాజ్, అటవీ శాఖ లాంటి కీలక మంత్రిత్వ శాఖలకు పవన్ బాధ్యతలు నిర్వహించబోతున్నారు. ఆల్రెడీ సెక్రటేరియట్ లో పవన్ కళ్యాణ్ ఆఫీస్ రెడీ అవుతున్నట్లు తెలుస్తోంది.
ఈ తరుణంలో చిరంజీవి సతీమణి సురేఖ.. పవన్ కళ్యాణ్ కి బాగా ఉపయోగపడే అద్భుతమైన వస్తువుని గిఫ్ట్ గా ఇచ్చారు. మోంట్ బ్లాంక్ కంపెనీకి చెందిన అత్యంత కాస్ట్లీ పెన్ ని సురేఖ పవన్ కి బహుకరించారు. ఈ విషయాన్ని తెలియజేతూ చిరంజీవి షేర్ చేసిన పోస్ట్ వైరల్ గా మారింది.
అప్పుడే పవన్ అభిమానులు ఆ పెన్ ని గూగుల్ చేసి దాని ధర కనిపెట్టేశారు. మోంట్ బ్లాంక్ సంస్థకి చెందిన పెన్నులు రూ 50 వేల నుంచి కొన్ని లక్షల ధర వరకు అందుబాటులో ఉన్నాయి. సురేఖ పవన్ కి ఇచ్చిన పెన్ను ధర అక్షరాల మూడున్నర లక్షలు. ఇంత కాస్ట్లీ పెన్నా అంటూ నెటిజన్లంతా ఆశ్చర్యపోతున్నారు. పవన్ కళ్యాణ్ డిప్యూటీ సీఎంగా అనేక ఫైళ్లపై సంతకాలు పెట్టాల్సి ఉంటుంది. అందుకు ఉపయోగపడేలా సురేఖ ఈ పెన్నుని బహుమతిగా ఇచ్చారు.